མེ་ཏོག་གི་ཕྲེང་བའི་དབང་བསྐུར་བའི་ཆོ་གའི་རིམ་པ།
༄། །དེ་ནས་སྔོན་དུ་གཏད་པའི་མེ་ཏོག་གི་ཕྲེང་བ་ལས་གཅིག་བཏོན་ལ། སློབ་མའི་ལག་པར་ཏྲཱཾ་ཞེས་བརྗོད་ཅིང་གཏད་དོ།།
༄། །དེ་ནས་མེ་ཏོག་གི་ཕྲེང་བར་མོས་པ་བྱ་ཞེང་བདག་གིས་སྡིག་པ་དང་བྲལ་བར་དམིགས་ལ་སློབ་དཔོན་གྱིས་བྱིན་གྱིས་བརླབས་ཏེ་གུས་པ་སྔོན་དུ་སོང་བས་སྔོན་གྱི་གཙོ་མོ་འཁོར་དང་བཅས་པའི་དཀྱིལ་འཁོར་ལ་ཡིད་ཀྱིས་དམིགས་ལ། དེ་ཉིད་ཀྱི་དབུ་ལ་མེ་ཏོག་པྲ་ཏཱི་ཙྪ་ཀུ་སུ་མ་ཨ་ཉྫ་ལི་ནཱ་ཐ་ཧོཿ་ཞེས་པ་བརྗོད་དེ་དོར་བར་བྱའོ། །རེ་ཁཱ་ལྔའི་ནང་དུ་བབས་ན་འདི་ཉིད་ཀྱིས་རིགས་བརྗོད་པར་བྱ་ཞིང་ལྷ་དེ་དང་དེའི་རྣལ་འབྱོར་སྦྱིན་པར་བྱ་བ་དང་དངོས་གྲུབ་ཀྱང་བརྟག་པར་བྱའོ། །རེ་ཁཱ་ལྔའི་ཕྱི་རུ་བབས་ན་ལན་གསུམ་གྱི་བར་དུ་སླར་དོར་བར་བྱའོ། །དེ་ལྟར་ན་ཡང་དངོས་གྲུབ་ཕྲ་མོ་ཙམ་མོ། །ཕྱི་རོལ་གྱི་རྡོ་རྗེ་ཕྲེང་བའི་ཕྱི་རུ་བབས་ན་དངོས་གྲུབ་མེད་པས་དཀྱིལ་འཁོར་བསྟན་པར་མི་བྱའོ། །དཀྱིལ་འཁོར་དུ་དོར་བའི་ཕྲེང་བ་དེ་ཉིད་ལ་བཏགས་ཏེ་ཕྲེང་བ་དེ་ཉིད། །ཨོཾ་པྲ་ཏི་གྲྀ་ཧྞ་ཏྭཾ་ཨི་མཾ་ས་ཏྭ་མ་ཧཱ་བ་ལ་ཞེས་པས་སློབ་མའི་མགོ་ལ་གདགས་པར་བྱའོ། །འདི་ནི་མེ་ཏོག་གི་ཕྲེང་བའི་དབང་བསྐུར་བའི་ཆོག་གའི་རིམ་པའོ།། །།