བསྒོམ་པའི་ཆོ་ག
༄། །སྤྲུལ་པའི་ཤིང་རྟའི་ཡན་ལག་ལ། །སྲོག་བྲལ་བྲང་སྟེང་གཏུམ་འོད་ཅན། །དེར་ནི་
༄། །པག་གདོང་སྙིང་རྗེའི་བདག །ཀང་ཀེ་ལི་ཀིང་ཤུ་ཀའི་འོད། །རྣམ་པར་འཕྲོ་བའི་འོད་ཕྲེང་ཅན། །རྡོ་རྗེས་བརྒྱུས་པའི་ཐོད་ཕྲེང་གིས། །མགོར་བཅིངས་ཁྲག་འཛག་མགོ་ཕྲེང་བརྒྱན། །ཕྱག་གཡས་གྲི་གུག་བསྣམས་པ་སྟེ། །སྡིག་སྒྲིབ་མ་ལུས་འཇོམས་པར་བྱེད། །ཁྲག་གིས་བཀང་བའི་ཐོད་པ་ནི། །གཡོན་པའི་ཕྱག་ན་འཛིན་པར་མཛད། །ཕྱོགས་ཀྱི་གོས་ཅན་དགའ་ཆེན་པོ། །ལུས་བཟང་བཅུ་དྲུག་ལོ་ལོན་པ། །སྤྱན་གསུམ་མགོ་སྐྱེས་གྲོལ་བ་འཕྱང༌། །སྐྱིལ་ཀྲུང་ཕྱེད་པའི་གར་དང་ལྡན། །སྒེག་པ་ལ་སོགས་རོར་བཅས་པ། །ཕྱག་རྒྱ་ལྔ་ཡིས་རྣམ་པར་བརྒྱན། །ཕྱོགས་རྣམས་ཀུན་ཏུ་མཁའ་འགྲོ་མ། །ཚོགས་འཕྲོ་བ་ཡི་གང་བ་ཡིས། །རྡོ་རྗེ་ཕག་མོ་བསྒོམ་པར་བྱ། །ཡེ་ཤེས་བཀུག་སྟེ་དེར་བཅུག་ནས། །བཅིངས་ཏེ་དགྱེས་པར་བྱས་ནས་སུ། །མཁས་པས་ཡིད་ལས་བྱུང་བ་ཡི། །མཆོད་པ་དེ་ལ་ཆོ་ག་བཞིན། །མཆོད་པ་བྱ་སྟེ་དེ་ནས་ཡང༌། །དེ་ཡི་ནུ་མའི་བར་དུ་ནི། །ཆུ་སྐྱེས་བྱུ་རུ་ལྟ་བུ་ཡི། །ཁ་ཕྱེ་རྒྱས་པར་གྱུར་པ་ནི། །རང་བཞིན་མེད་པ་བདག་མེད་མཆོག །མཛེས་དགའ་སྐྱེས་པར་བྱེད་པའོ། །ཐུར་ལྟས་རོ་ཆེན་པོ་དང་ལྡན།། འོད་ཟེར་གསལ་བས་བསྐོར་བ་ནི། །སྣ་རྩེར་མིག་གཏད་བསྒོམ་པར་བྱ། །ས་ཡིས་ཕུར་པའི་གཉེན་པོ་ནི། །སྤྲུལ་པར་མེ་ཏོག་དམར་པོ་ལ། །པདྨ་རཱ་ག་ལྟར་འོད་དམར། །མྱུར་དུ་འཁོར་བར་བསྒོམ་པར་བྱ། །དེ་ནས་སྔར་བཤད་དེ་དེ་ཡི། །འཁོར་བས་རེག་པས་འཁོར་བར་སྤ། །བསྒོམས་ཏེ་བསྒོམས་པའི་བདག་ཉིད་ཅན། །བདེ་བའི་རྒྱུན་དུ་ནུབ་བལྟས་ཏེ། །དེ་ལྟར་རྟག་ཏུ་སྒོམ་བྱེད་པས། །མགོན་པོ་དང་བཅས་བདག་ཉིད་ཆེ། །ཕྱག་རྒྱ་ཆེན་པོའི་དངོས་གྲུབ་ནི། །འགྲུབ་འགྱུར་འདི་ལ་ཐེ་ཚོམ་མེད། །ལྡང་བར་འདོད་ན་མཁར་གནས་པའི། །བླ་མ་ལྷ་མོར་ཕྱག་འཚལ་ནས། །མུཿཞེས་བརྗོད་དེ་ལངས་ནས་སུ། །ཆོ་ག་དེ་ཉིད་རིག་པས་བྱ། །འདི་ནི་བསྒོམ་པའི་ཆོ་གའོ།། །།