རྡོ་རྗེ་རྣལ་འབྱོར་མའི་བསད་པ་ལས་ཀྱི་མན་ངག།
ཨ་བྷི་ཛུ་ཀ་ཏ།
༄། །རྡོ་རྗེ་རྣལ་འབྱོར་མའི་བསད་པ་ལས་ཀྱི་མན་ངག་བཞུགས།། རྣལ་འབྱོར་གང་ཞིག་རྡོ་རྗེ་ཕག་མོ་སྒྲུབ་པ་ལ་དམིགས་ཏེ། ཉི་མའི་གུང་ལ་ཁྲོས་པའི་ང་རྒྱལ་གྱིས། །མངོན་སྤྱོད་ཀྱི་རྫས་དུར་ཁྲོད་ཀྱི་སོལ་བས། འདབ་མ་དྲུག་པ་གཡོན་སྐོར་གྱིས་བྲིས་ལ། ཨོཾ་ཆེ་གེ་མོ་མཱ་ར་ཡ་བཾ་ཞེས་རྩིབས་བཞི་ལ་བྲི། རྣལ་འབྱོར་མ་དྲུག་དང་དབུས་སུ་ཧེ་རུ་ཀའི་རྣམ་པའམ། ཡི་གེ་བསྒྲུབ་བྱའི་མིང་དང་སྤེལ་ཏེ་བྲི་བར་བྱ་བ་ནི། དུར་ཁྲོད་ཀྱི་རས་སམ། མཆོད་སྦྱིན་གྱི་ཤིང་ལོ་ལ་མི་རུས་ཀྱི་སྨྱུ་གུས་བྲིའོ། །དུར་ཁྲོད་ཀྱི་ཐལ་བས་གཟུགས་བརྙན་བྱས་པའི་སྙིང་གར་བཅུག་ལ། སྐེ་ཚེས་བསྐུས་ཏེ། རང་གི་ཁྱིམ་དུ་དྲག་པོའི་ཐབ་ཁུང་ཇི་ལྟ་བ་བཞིན་དུ་བཅས། དེ་རུ་གཟུགས་དེ་ལྕགས་ཀྱི་སྐམ་པས་བཟུང་ནས་ཐལ་བར་མ་སོང་བར་དུ་བསྲེག །རོ་བསྲེགས་པའི་སར་བརྐོས་ཏེ་ནང་དུ་གཞུག །དུར་ཁྲོད་མེ་ལ་ཡང་དང་ཡང་དུ་བསྲོ་ཞིང༌། མི་རུས་ཀྱི་ཕུར་པས་སྙིང་གར་གདབ། ཚེར་མས་མཚམས་མེད་པར་གང་བར་བྱ། སྙིང་གར་ཆུ་ཚན་བླུགས་ན་ངེས་པར་འཆིའོ། །རྡོ་རྗེ་རྣལ་འབྱོར་མའི་བསད་པ་ལས་ཀྱི་མན་ངག །སློབ་དཔོན་ཨ་བྷི་ཛུ་ཀ་ཏས་མཛད་པ་རྫོགས་སོ།།