རྗེ་བཙུན་མ་སྒྲོལ་མ་འགྲོ་བ་འགུགས་ཤིང་ཕོངས་པ་སེལ་མ་ཞེས་བྱ་བའི་སྒྲུབ་ཐབས།

---

^{[མ་དཔེ་གཟིགས་ན་འདིར་གནོན།]}

༄། །ཕྱག་འཚལ་ས་གཞི་སྐྱོང་བའི་ཚོགས་རྣམས། །ཐམས་ཅད་འགུགས་པར་ནུས་པ་ཉིད་མ། །ཁྲོ་གཉེར་གཡོ་བ་ཡི་གེ་ཧཱུཾ་གིས།། ཕོངས་པ་ཐམས་ཅད་རབ་ཏུ་སྒྲོལ་མ། །དཔལ་ལྡན་ས་སྐྱོང་ཕྱོགས་རྣམས་དང༌། །ཕྱོགས་བྲལ་མ་ལུས་འགུགས་བྱེད་མ། །དེ་ཉིད་སྙིང་པོ་རབ་གཡོ་བས། །ཕོངས་པ་མཐའ་དག་སེལ་མཛད་བསྒོམ། །རྗེས་མཐུན་ཆོ་གས་ལས་བསྒྲུབས་ནས། །པད་ཉི་ལ་བཞུགས་གཡས་

---

^{[མ་དཔེ་གཟིགས་ན་འདིར་གནོན།]}

༄། །བརྐྱང་རོལ། །མུན་མདོག་ཞལ་གཅིག་ཕྱག་གཉིས་གཡས། །ལྕགས་ཀྱུ་གཟའ་འགུགས་ཞགས་བསྣམས་འཆིང༌། །དཔའ་མོ་བསྙེན་པས་འགྲོ་ཕན་ཡིད། །བརྒྱ་རྩ་བརྒྱད་ནི་གུས་བསྒོམས་ལ། །པདྨའམ་བིལ་འབྲས་དེ་བཞིན་དུ། །ཀ་རྦིའ་རའི་མེས་མཆོད་བྱ། །བུམ་བཟང་སྣོད་དུ་ལྔ་ཕྲག་ལྔ། །རིན་ཆེན་གཟུགས་སྤྲས་སྙིང་པོ་གཞུག །གང་འདོད་བཞིར་ནི་བགེགས་བསལ་ལ། །ལྷ་མོ་ནོར་གྱི་དབང་ཕྱུག་བརྟེན། །ཨོཾ་ཏཱ་རེ་ཏུཏྟཱ་རེ་ཛཾ་བྷེ་མོ་ཧེ་སྭཱ་ཧཱ། རྗེ་བཙུན་མ་སྒྲོལ་མ་འགྲོ་བ་འགུགས་ཤིང་ཕོངས་པ་སེལ་མ་ཞེས་བྱ་བའི་སྒྲུབ་ཐབས་རྫོགས་སོ།། །།