སྒྲོལ་མ་དཀོན་མཆོག་གསུམ་ལ་བསྟོད་པ།

---

^{[མ་དཔེ་གཟིགས་ན་འདིར་གནོན།]}

༄། །༈ །།སྒྲོལ་མ་དཀོན་མཆོག་གསུམ་ལ་བསྟོད་པ་བཞུགས། སྒྲོལ་མ་དཀོན་མཆོག་གསུམ་ལ་བསྟོད་པ། ལོག་རྟོག་མ་རིག་གཉིད་སྤངས་ཤིང༌། །བློ་མཆོག་ཤེས་བྱ་ཀུན་ལ་ཁྱབ། །ཡང་དག་རྫོགས་པའི་མཆོག་བརྙེས་མ། །སྒྲོལ་མ་སངས་རྒྱས་ཁྱོད་ཕྱག་འཚལ། །བདེ་ཆེན་ཞི་བ་མྱ་ངན་འདས། །དམ་པའི་ཆོས་མཆོག་ཡི་གེ་བཅུ། །ཕ་རོལ་ཕྱིན་པ་བཅུ་ཡི་ཚུལ། །སྒྲོལ་མ་དམ་ཆོས་ཁྱོད་ཕྱག་འཚལ། །དུས་གསུམ་བདེ་གཤེགས་ཐམས་ཅད་ཀྱི། །སྐུ་དང་གསུང་དང་ཐུགས་གསང་བ། །འདུས་པའི་ཡེ་ཤེས་མཁའ་འགྲོ་མ། །སྒྲོལ་མ་དགེ་འདུན་ཁྱོད་ཕྱག་འཚལ། །སྒྲོལ་མ་དཀོན་མཆོག་གསུམ་ལ་བསྟོད་པ། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ནའི་ཞལ་སྔ་ནས་དང༌། བོད་ཀྱི་ལོ་ཙཱ་བ་ནག་ཚོ་ཚུལ་ཁྲིམས་

---

^{[མ་དཔེ་གཟིགས་ན་འདིར་གནོན།]}

༄། །རྒྱལ་བས་བི་ཀྲ་མ་ཤཱི་ལའི་གཙུག་ལག་ཁང་དུ་བསྒྱུར་ཅིང་ཞུས་ཏེ་གཏན་ལ་ཕབ་པ།།