ཁྭ་གདོང་མ་སྲང་མདའ་ནག་པོ་ཞེས་བྱ་བ།
རྟག་པའི་རྡོ་རྗེ།
༄། །ཁྭ་གདོང་མ་སྲང་མདའ་ནག་པོ་ཞེས་བྱ་བ་བཞུགས། དུར་ཁྲོད་འཇིགས་པའི་གནས་ཉིད་དུ། །དྲག་པོ་བདུད་ཀྱི་ཉི་མ་ལ། །དཀྱིལ་འཁོར་བཅའ་དང་ཐུན་རྫས་བསོག །ལྷ་མོ་སྲང་མདའ་བཅའ་བྱས་ལ། །བདག་ཉིད་གཙོ་བོའི་ང་རྒྱལ་བྱ། །སྒོ་ངའི་བྱ་བ་རྫོགས་པ་དང༌། །ཐུན་རྫས་རྣམས་ལ་སྔགས་འདི་གདབ། །ཨོཾ་ཁཱ་ཏར་ཝརྟི་རྦད་ཛ་ཛ། ཞག་བདུན་བསྔགས་ལ་ཐུན་རྫས་འདི།། དཀྱིལ་འཁོར་བྱང་གི་ཕྱོགས་སུ་བཞག །དེ་ནས་སྒོ་ངའི་སྟེང་ཉིད་དུ། །ཁ་ལས་ལྷ་མོ་བསྐྱེད་བྱས་ལ། །གདུག་པའི་སྔགས་རྒོད་འདི་ཡིས་གདབ། །ཧེ་ཁཱ་ཏ་ཧེ་བཛྲ་མ་ནུ་སརྦ་ཐང་རྦད། སྒོ་ང་ལ་ནི་ཟླ་ཕྱེད་བར། །དྲག་པོའི་སེམས་ཀྱིས་གདབ་པར་བྱ། །སྒོ་ང་བྲུབ་ཁུང་ལྷུང་བ་དང། །གྲི་གུག་དག་གིས་བརྟོལ་བྱས་ལ། །ཐུན་གྱིས་བྲབ་ཅིང་སྔགས་འདིས་གསད། །ཛཱ་ཛ་ཐང་ཐང་རྦད། ཧེ་མུགས་སྲོག་མཱ་ར་ཡ་ཐུན་ནི་རྦད་ཧཱུཾ་ཧཱུཾ་སྲོག་ལ་ཧེ་ཁ་ཏ་བཛྲ་རྦད། བཅུ་གཅིག་བར་དུ་ཐུན་གྱིས་བྲབ། །དེ་ནས་མནན་དང་བསྲེག་པར་བྱ། །ལྷ་མོ་ངན་སོང་ལས་ལ་སྦྱར། །ཁྭའི་གདོང་པ་སྲང་མདའ་ནག་པོ་ཞེས་བྱ་བ་སློབ་དཔོན་རྟག་པའི་བཛྲས་མཛད་པའོ།།