ཡིད་འཕྲོག་མའི་སྒྲུབ་ཐབས།
ཤེས་རབ་སྐྱོང་།
― DTG048_Page_0309 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། མ་ནོ་ཧ་རི་སཱ་དྷ་ནཾ། བོད་སྐད་དུ། ཡིད་འཕྲོག་མའི་སྒྲུབ་ཐབས། དེ་ནས་མིའམ་ཅིའི་སྒྲུབ་ཐབས་བཤད་པར་བྱ་སྟེ། ཨོཾ་མ་ནོ་ཧ་རི་སྭཱ་ཧཱ། ཞེས་སོ། །སྔར་གྱི་ཚོགས་བྱས་པའི་གཤིན་རྗེ་གཤེད་ཀྱི་རྣལ་འབྱོར་པས་རིའི་རྩེ་མོར་སྟོང་ཕྲག་བརྒྱད་བཟླས་ཏེ། དེའི་རྗེས་ལ་མཆོད་པ་ཆེན་པོ་བྱས་ཏེ། བའི་ཤ་དང་གུ་གུལ་བསྲེས་པའི་བདུག་སྤོས་བཏང་ཞིང༌། ཇི་སྲིད་མ་བྱུང་བ་དེ་སྲིད་གྱི་བར་དུ་བཟླས་པས་དེ་ནས་ནམ་ཕྱེད་ཀྱི་དུས་སུ་མི་འམ་ཅིའི་བུ་མོ་དེ་རང་འོང་བར་འགྱུར་རོ། །དེ་ལ་འཇིགས་པ་མི་བྱའོ། །སྒྲུབ་པ་པོ་ཁྱེད་ཀྱིས་བདག་ལ་བཀའ་བསྒོ་བ་མཛད་དུ་གསོལ་ཞེས་ཟེར་ན། བཟང་མོ་ཁྱོད་བདག་གི་ཆུང་མ་གྱིས་ཤིག་ཅེས་བརྗོད་དོ། །དེ་ནས་རྒྱབ་ཏུ་ཁུར་ནས་ལྷའི་འཇིག་རྟེན་དུ་ཁྱེར་ཏེ། དེ་ནས་ཡང་རང་གི་གནས་སུ་སྐྱེལ་ལོ། །ལྷའི་འདོད་པའི་རྫས་ཀྱང་སྟེར་རོ། །ཡིད་འཕྲོག་མའི་སྒྲུབ་ཐབས་རྫོགས་སོ།།