མུ་སྟེགས་ཀྱི་གཏུམ་མོ།
ཨ་ཙིནྟས།
རྒྱ་གར་སྐད་དུ། ཏི་ཐི་ཀ་ཙཎྜཱ་ལཱི་ཀ་ནཱ་མ། བོད་སྐད་དུ། མུ་སྟེགས་ཀྱི་གཏུམ་མོ་ཞེས་བྱ་བ། བྱང་ཆུབ་སེམས་དཔའ་ཐལ་སྐུད་ཅན་ལ་ཕྱག་འཚལ་ལོ། །བུད་མེད་གནས་ནི་དབུ་རྒྱན་མཱ། །རིགས་ནི་གཏུམ་མོའི་
རིགས་གྱུར་པ། །སྲིད་པ་གསུམ་ཡང་སྲེག་པར་བྱེད། །མེ་ལྕེ་ནམ་མཁར་ཁྱབ་པར་བྱེད། །ཨ་རྩི་ན་དཔལ་ནི་གར་བྱེད་འགྱུར། །ནམ་མཁའ་རྡེའུ་ཆུང་ས་ལ་རྡེའུ་ཆུང་བརྡུང༌། །རྡོ་རྗེ་མི་ཡིས་རྒྱུ་མཚོ་སྐེམས། །ཉི་ཟླ་གཉིས་ཀྱང་སྐྱབས་སུ་གཞུག །གར་བྱེད་དཔལ་གྱི་ཨ་ཙི་ན་ཐོད་པ་ཅན། །ནམ་མཁར་རྡེའི་ཆུང་ས་ལ་རྡེའུ་ཆུང་བརྡུང༌། །ལྷ་དང་ལྷ་མིན་མི་རྣམས་དང༌། །དབང་ཕྱུག་ཨུ་མ་ལ་སོགས་པ། །ཐམས་ཅད་ཡེ་ཤེས་མེ་ཡིས་བསྲེགས། །གར་བྱེད་དཔལ་གྱི་ཨ་ཙ་ན་ཐོད་པ་ཅན། །ནམ་མཁར་རྡེའུ་ཆུང་ས་ལ་རྡེའུ་ཆུང་བརྡུང༌། །རྣལ་འབྱོར་མ་ནི་ཁྲིད་བྱས་ནས། །མགོན་པོའི་གནས་སུ་འཇུག་པར་བྱེད། །འདི་ལྟའི་དཀྱིལ་འཁོར་གླུ་རུ་བླངས། །གར་བྱེད་དཔལ་ནི་ཨ་ཙིན་ཐོད་པ་ཅན། །ནམ་མཁར་རྡེའུ་ཆུང་ས་རྡེའུ་ཆུང་བརྡུང༌། །མུ་སྟེགས་ཀྱི་གཏུམ་མོ་ཞེས་བྱ་བ་སློབ་དཔོན་ཨ་ཙིནྟས་མཛད་པ་རྫོགས་སོ།། །།