ལུས་ཀྱི་རྩ་ཐིག་མཉམ་པ་ཉིད་ཀྱི་མན་ངག་ཅེས་བྱ་བ།
ནི་ཀུ་ནི།
རྒྱ་གར་སྐད་དུ། ཤ་རཱྀ་ར་ཎ་རི་ཀ་བི་ན་དུ་སཱ་མཱ་ཏཱ་ནཱ་མ། བོད་སྐད་དུ། ལུས་ཀྱི་རྩ་ཐིག་མཉམ་པ་ཉིད་ཀྱི་མན་ངག་ཅེས་བྱ་བ། །དཔལ་དགྱེས་པའི་རྡོ་རྗེ་ལ་ཕྱག་འཚལ་ལོ། །ཇི་སྲིད་རྩ་བ་སྡོང་བུ་རྣམས། །བརྐོས་པས་དེ་ནི་མ་བྱས་ན། །དེ་སྲིད་ཕག་རྒོད་གསོད་པ་ཡི། །མངའ་པ་དེ་ནི་ཚ་དེ་ཡིན། །གནད་དུ་བསྣུན་ནས་ཕག་རྒོད་གསད། །རྫིང་བུ་སྐམས་པར་མ་གྱུར་པས། །དེ་གོང་དུ་ནི་བརླག་པར་བྱས། །དཔག་ཚད་ཕྱེད་དང་བཞི་པ་ཡིས། །གྲུ་བཞི་པ་
ཡ་རྫིང་བུ་ལ། །ནང་དུ་ཞུགས་པར་བྱས་ནས་ནི། །ཟས་ནི་དོན་དུ་གཉེར་བར་བྱེད། །ཤིན་ཏུ་བཀང་བར་བྱས་ནས་ནི། །གནད་དུ་བསྣུན་ནས་ཕག་རྒོད་བསད། །རྫིང་བུ་སྐམས་པར་མ་གྱུར་པར། །དེ་གོང་དུ་ནི་བརླག་པར་བྱས། །ལྟེ་བའི་དཀྱིལ་འཁོར་གཞུ་རུ་བྱས། །རྩ་གཉིས་དེ་ནི་རྒྱུད་དུ་སྦྲེངས། །བླ་མའི་མན་ངག་མདའ་རུ་བྱས། །ཤིན་ཏུ་བཀང་བར་བྱས་ནས་ནི། །གནད་དུ་བསྣུན་པས་ཕག་རྒོད་བསད། །རྫིང་བུ་སྐམས་པར་མ་གྱུར་པར། །དེ་གོང་དུ་ནི་བརླག་པར་བྱས། །མཚོ་ལ་ཕག་རྒོད་ཇི་ལྟར་འཐུང༌། །འཕྲང་ལ་རྙི་ནི་གཟུགས་བྱས་ནས། །གནད་དུ་བསྣུན་ནས་ཕག་རྒོད་བསད། །ཇི་སྲིད་རྫིང་བུ་མ་སྐམས་པར། །དེ་གོང་དུ་ནི་བརླག་པར་བྱས། །ལུས་ཀྱི་རྩ་ཐིག་མཉམ་པ་ཉིད་ཀྱི་མན་ངག་ཅེས་བྱ་བ། སློབ་དཔོན་ནི་ཀུ་ནིས་མཛད་པར་རྫོགས་སོ།།