སྟོང་ཉིད་སྙིང་རྗེའི་ལྟ་བ།
ཙ་ཏ་བ།
རྒྱ་གར་སྐད་དུ། ཤཱུ་ནྱ་ཏཱ་ཀཱ་རུ་ཎ་དྲྀཥྛི་ནཱ་མ། བོད་སྐད་དུ། སྟོང་ཉིད་སྙིང་རྗེའི་ལྟ་བ་ཞེས་བྱ་བ། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །མི་གཙང་བ་ཡི་སྲིད་པ་དང༌། །འཇིག་རྟེན་པ་ཡི་སྤྱོད་པ་དང༌། །རྣམ་པས་དཔྱད་ཅིང་བལྟས་བས་ན། །དངོས་པོ་སྟོང་པ་ཉིད་དུ་སྣང༌། །ཀྱེ་མ་སྙིང་རྗེ་ཌ་མ་རུ། །སྒྲ་སྒྲོགས་པ་ནི་ངོ་མཚར་ཆེ། །ཨཱཪྻ་དེ་བ་དམིགས་མེད་པའི། །རྒྱལ་བོའི་སྲིད་ལ་ངོམས་པ་མེད། །གང་དུ་ཡིད་དང་རླུང་དག་དང༌། །དབང་པོ་གནས་པ་ཡོད་མིན་ན། །བདག་ནི་གང་དུ་འགྲོ་བ་དང༌། །གང་དུ་གནས་པ་མ་ཤེས་སོ། །ཀྱེ་མ་སྙིང་རྗེ་ཌ་མ་རུ། །སྒྲ་སྒྲོགས་པ་ནི་ངོ་མཚར་ཆེ། །ཨཱཪྻ་དེ་བ་དམིགས་མེད་པའི། །རྒྱལ་པོའི་སྲིད་ལ་ངོམས་པ་མེད། །ཟླ་བ་ལས་ནི་ཟླ་བ་ཡི། །འོད་ཟེར་ཡོངས་སུ་གསལ་བར་འབྱུང༌། །ལྷན་ཅིག་སྐྱེས་པའི་རང་བཞིན་ནི། །དེ་ཉིད་དུ་ནི་འཇུག་པར་འགྱུར། །ཀྱེ་མ་སྙིང་རྗེ་ཌ་མ་རུ། །སྒྲ་སྒྲོགས་པ་ནི་ངོ་མཚར་ཆེ། །ཨཱཪྻ་དེ་བ་དམིགས་མེད་པའི། །རྒྱལ་པོའི་སྲིད་ལ་ངོམས་བ་མེད། །ཨཱཪྻ་དེ་བ་ཐམས་ཅད་སྤྱང༌། །སྤྱང་པས་རང་བཞིན་དམིགས་མེད་འགྱུར། །ཀྱེ་མ་སྙིང་རྗེ་ཌ་མ་རུ། །སྒྲ་སྒྲོགས་བ་ནི་ངོ་མཚར་ཆེ། །ཨཱཪྻ་དེ་བ་དམིགས་མེད་པའི། །རྒྱལ་པོའི་སྲིད་ལ་ངོམས་པ་མེད། །སྟོང་ཉིད་སྙིང་རྗེའི་ལྟ་བ་ཞེས་བྱ་བ་སློབ་དཔོན་ཆེན་པོ་ཨཱཪྻ་དེ་བ་ནས་བརྒྱུད་པ་སློབ་དཔོན་ཙ་ཏ་བས་མཛད་པ་རྫོགས་སོ།།