དཔྱོད་ཀྱི་ཐིག་ལེ་དོ་ཧ་མཛོད་ཀྱི་གླུ།
ས་ར་ཧ།
རྒྱ་གར་སྐད་དུ། བ་སནྟི་ཏི་ལ་ཀ་དོ་ཧ་གཱི་ཏི་ཀ་ནཱ་མ། བོད་སྐད་དུ། དཔྱིད་ཀྱི་ཐིག་ལེ་དོ་ཧ་མཛོད་ཀྱི་གླུ་ཞེས་བྱ་བ། དཔལ་ཧེ་རུ་ཀ་ལ་ཕྱག་འཚལ་ལོ། །སེ་བྷུ་སྐུ་གསུམ་ལ་སོགས་ཀྱི། །སོས་ཀའི་མེ་ཏོག་མཐོང་བ་ཡི། །གཞོན་ནུ་བདག་ནི་མྱོས་པར་འགྱུར། །ཧེ་རུ་ཀ་ལ་ཆགས་པ་ཡིས། །སོས་ཀའི་དང་པོ་དང་པོ་འདིར། །ཁྱོད་ཀྱིས་བདག་ནི་བསྲུང་བར་མཛོད། །གདུང་བས་འགུམ་པར་མ་མཛད་ཅིག །མེ་ཏོག་ཨཾ་བྷ་ཀ་རུ་ཎ། །དྲི་བསུང་ལྡན་པས་དགྱེས་པར་འགྱུར། །ཤ་རིས་པས་ནི་བརྡུངས་པས་བརྡུངས། །མེ་མར་ཁུར་ནས་ཙཎྜ་ལཱི། །རི་མོ་བདག་ལ་འབབ་བོ་ཞེས། །ཀ་ན་པ་ནི་གཤེགས་པར་རེ། །སོ་གའི་དང་པོ་དཔྱིད་དུས་ལ། །ཁྱོད་ཀྱིས་བདག་ནི་བསྲུང་བར་མཛོད། །གདུང་བས་འགུམ་པར་མ་མཛད་ཅིག །ཕྱོགས་བཅུར་བལྟས་ན་བདག་གིས་ནི། །ཁྱོད་ལས་གཞན་ནི་མཐོང་བ་མེད། །གདུང་བའི་མོ་ཡིས་བདག་གིས་ནི། །བདག་གི་ལུས་ཀྱང་བསམ་པ་མེད། །རྣལ་འབྱོར་མ་བརྒྱད་ལས་བཞི་ནི། །བདག་ཅག་གསོལ་བ་བཏབ་པ་ཡིས། །བཅོམ་ལྡན་འདས་ནི་བཞེངས་པར་མཛོད། །དཔྱིད་ཀྱི་ཐིག་ལེ་དོ་ཧ་མཛོད་ཀྱི་གླུ་ཞེས་བྱ་བ་སློབ་དཔོན་ནག་པོ་ནས་བརྒྱུད་པ་སློབ་དཔོན་ས་ར་ཧས་མཛད་པ་རྫོགས་སོ།།