སེམས་རིན་པོ་ཆེ་སྦྱང་བའི་ལམ་འབྲས།
བུདྡྷཱ་ཤྲཱི་ཛྙཱ་ན།
― DTG053_Page_0281 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཙིཏྟ་རཏྣ་བི་ཤོ་དྷ་ནཱཾ་མཱ་རྒ་ལཾ། བོད་སྐད་དུ། སེམས་རིན་པོ་ཆེ་སྤྱང་བའི་ལམ་འབྲས། རྗེ་བཙུན་མི་ཕམ་མགོན་པོ་ལ་ཕྱག་འཚལ་ལོ། །རྙེད་དཀའི་དལ་འབྱོར་མྱུར་དུ་འཇིག །ལས་དང་དེ་འབྲས་སྡུག་བསྔལ་ཡིན། །དེ་སྤོང་ཤེས་རབ་སྙིང་རྗེ་བསྒོམ། །སྐྱེས་གསུམ་ལམ་གྱིས་དོན་གསུམ་ཐོབ། །དམ་པ་གསུམ་གྱིས་བསོད་ནམས་བསགས། །རྒྱ་ཆེན་ཐབས་ཀྱིས་ཡང་དག་སྤེལ། །ཤེས་རབ་ཟབ་མོས་རྣམ་དག་བྱ། །ཟུང་འཇུག་བསྔོ་བས་རྒྱས་གདབ་བོ། །ཁ་ཆེའི་རིགས་ལས་བལ་ཡུལ་དུ་སྐུ་འཁྲུངས་པའི་པཎྜི་ཏ་ཆེན་པོ་དཔལ་ལྔ་རིག་པའི་མཆོག་བུདྡྷཱ་ཤྲཱི་ཛྙཱ་ནའི་ཞལ་སྔ་ནས་གསུངས་པ་སེམས་རིན་པོ་ཆེ་སྤྱང་བའི་ལམ་འབྲས་ཞེས་བྱ་བ་རྫོགས་སོ།། །།མཁས་པ་ཆེན་པོ་དེ་ཉིད་ཀྱི་སྤྱན་སྔར་ལོ་ཙཱ་བ་བྱམས་པའི་དཔལ་གྱིས་བལ་ཡུལ་ཡམ་འགལ་གྱི་གཙུག་ལག་ཁང་དུ་བསྒྱུར་བའོ།།