རྡོ་རྗེ་ཐེག་པའི་ལྟུང་བའི་སྙེ་མ།
ཨ་བྷྱཱ་ཀ་ར་གུཔྟ།
རྒྱ་གར་སྐད་དུ། །བཛྲ་ཡཱ་ན་པཏྟི་མཉྫ་རི་ནཱ་མ། བོད་སྐད་དུ། རྡོ་རྗེ་ཐེག་པའི་ལྟུང་བའི་སྙེ་མ་ཞེས་བྱ་བ། བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །རྡོ་རྗེ་སེམས་དཔའི་སྔོམ་པ་འཛིན་བ་ལ་ལྟུང་བའི་སྡེ་ཚན་རྣམ་པ་གཉིས་ཏེ། རྩ་བའི་ལྟུང་བ་བཤད་པ་དང༌། སྦོམ་པོའི་ལྟུང་བ་བཤད་པའོ། །དེ་ལ་བླ་མ་ལ་གུས་པ་དང༌། བདེ་བར་གཤེགས་པའི་བཀའ་ལས་འདས་པ་དང༌། ཞེ་སྡང་གིས་རྡོ་རྗེ་སྦུན་ལ་སྐྱོན་འབྲུ་བ་དང༌། བྱམས་པ་གཏོང་བ་དང༌། བྱང་ཆུབ་ཀྱི་སེམས་གཏོང་བ་དང༌། ཐེག་པ་གསུམ་ལ་
སྨོད་པ་དང༌། ཡོངས་སུ་མ་སྨིན་པ་ལ་གསང་བ་སྒྲོགས་པ་དང༌། དེ་བཞིན་གཤེགས་པའི་བདག་ཉིད་ཕུང་པོ་ལྔ་ལ་སྨོད་པ་དང༌། ཆོས་ཐམས་ཅད་རང་བཞིན་མེད་པར་རྣམ་པར་དག་པ་ལ་ཐེ་ཚོམ་ཟབ་དང༌། གདུག་པ་ལ་བྱམས་པ་དང་ལྡན་པ་དང༌། ཐོག་མ་དང༌། ཐ་མ་དང༌། དབུས་ཀྱི་ཆོས་ཐམས་ཅད་སྟོང་པ་ལ་ཐོག་མ་དང་ཐམ་དང་དབུས་སུ་རྟོག་པ་དང༌། དད་ལྡན་གྱི་སེམས་སུན་འབྱིན་པ་དང༌། ཇི་ལྟར་རྙེད་པའི་དམ་ཚིག་མི་བསྟེན་པ་དང༌། བུད་མེད་ལ་སྨོད་པ་སྟེ་རྩ་བའི་ལྟུང་བ་བཅུ་བཞིའོ། །དེ་ལ་སྟོབས་ཀྱིས་རྣལ་འབྱོར་མ་ལེན་པ་དང་སྟོབས་ཀྱིས་དེའི་བྱང་ཆུབ་ཀྱི་སེམས་ལེན་པ་དང༌། གསང་བ་མི་སྤོད་པ་དང༌། དམ་ཚིག་ལ་རྩོད་པ་དང༌། དད་པ་དང་ལྡན་པ་ལ་ཕྱིན་ཅི་ལོག་གི་ཆོས་སྟོན་པ་དང༌། ཉན་ཐོས་ཀྱི་ཐེག་པ་དང་ལྷན་ཅིག་ཞག་བདུན་དུ་གནས་པ་དང༌། རྣལ་འབྱོར་མི་ཤེས་པར་རྣལ་འབྱོར་པར་མངོན་པའི་ང་རྒྱལ་བྱེད་པ་དང༌། མི་དད་པ་ལ་ཆོས་སྟོན་པ་སྟེ་སྦོམ་པོའི་ལྟུང་བ་བརྒྱད་དོ། །རྡོ་རྗེ་སེམས་དཔའི་བསླབ་པ་ལ་གནས་པས་རྣམ་པ་ཐམས་ཅད་དུ་ཡོངས་སུ་སྤང་བར་བྱའོ། །རྡོ་རྗེ་ཐེག་པའི་ལྟུང་བའི་སྙེ་མ་ཞེས་བྱ་བ་མཁས་པ་ཆེན་པོ་ཨ་བྷྱཱ་ཀ་ར་གུཔྟས་མཛད་པ་རྫོགས་སོ། །མ་ག་དྷཱའི་མཁས་པ་ཆེན་པོ་དེ་ཉིད་དང༌། མང་དུ་ཐོས་པའི་དགེ་སློང་བསོད་སྙོམས་པ་སངས་རྒྱས་གྲགས་པས་ནཱ་ལེནྡྲར་བསྒྱུར་ཅིང་ཞུས་ཏེ་གཏན་ལ་ཕབ་པའོ།།