གླུ།

---

^{[མ་དཔེ་གཟིགས་ན་འདིར་གནོན།]}

སངས་རྒྱས་ལ་ཕྱག་འཚལ་ལོ། །ཇི་ལྟར་བལྟས་པ་དེ་ལྟར་མཐོང་བ་མེད། །བརྫུན་པ་མེད་པའི་སླུ་བ་འབའ་ཞིག་སྟེ། །བསམ་མི་ཁྱབ་ཅིང་གྲུབ་སྨྲ་ཧེ་རུ་བ། །སྐྱོབ་པའི་སེམས་ཀྱིས་རང་བཞིན་གཟུགས་མི་ཤེས། །ཇི་ལྟར་དེ་ལྟར་གློ་བུར་གང་ལ་བཞག །འདོད་པའི་མདུང་གིས་རང་ལ་ཅི་སྟེ་ཟུག །བསམ་མི་ཁྱབ་ཅིང་གྲུབ་སྨྲ་ཧེ་རུ་པ། །སྐྱོབ་པའི་སེམས་ཀྱིས་རང་བཞིན་གཟུགས་མི་ཤེས། །ལྷན་ཅིག་སེམས་ཏེ་མཁའ་ལུས་བདེ་སྙིང་ལུས། །གཉིས་མེད་གཉིས་ཡིན་སྟོང་དང་སྙིང་རྗེའི་སེམས། །བསམ་གྱིས་མི་ཁྱབ་གྲུབ་སྨྲ་ཧེ་རུ་བ། །སྐྱོབ་པའི་སེམས་ཀྱིས་རང་བཞིན་གཟུགས་མི་ཤེས། །དེ་ནི་མི་སྐྱེ་མི་འགག་རྐྱེན་མེད་དེ། །རང་བཞིན་རྟོགས་ན་རྩ་བའི་སེམས་ཤེས་ཡིན། །བསམ་གྱིས་མི་ཁྱབ་གྲུབ་སྨྲ་ཧེ་རུ་པ། །སྐྱོབ་པའི་སེམས་ཀྱིས་རང་བཞིན་གཟུགས་མི་ཤེས། །བླ་མ་དྷིཥྚི་ཛྙཱ་ནའི་ཞལ་སྔ་ནས་ཀྱི་གླུ་རྫོགས་སོ།།