ཉི་ཟླ་བཅིང་པའི་ཐབས།
ཀ་མ་རི།
རྒྱ་གར་སྐད་དུ། སོ་མ་སཱུཪྻ་བནྡྷ་ནོ་པཱ་ཡ་ན་མ། བོད་སྐད་དུ། ཉི་ཟླ་བཅིང་པའི་ཐབས་ཞེས་བྱ་བ། ཡུམ་དོན་གྲུབ་མ་ལ་ཕྱག་འཚལ་ལོ། །དགེ་འདུན་རྣམས་ཀྱི་ཡོན་ཏན་བརྗོད་མི་ཤེས་པ་ཡི། །གཎྜཱིའི་སྒྲ་བརྡུངས་སྐྱོན་སྨྲས་ཕྱི་རོལ་དག་ཏུ་བསྐྲད། །ཆུ་ཡི་སྟེང་གཤེགས་མེ་ཏོག་ལེན་ཅི་ཆུ་ཡི་གཏིང་མི་འབྱིང༌། །ངོ་མཚར་ཕུལ་དུ་བྱུང་བའི་པི་རཱུ་པ་ཞེས་གྲགས། །ཚོང་འདུས་སྲང་དུ་འཁྱམ་ཞིང་ཟས་ཀྱི་ལྷག་མ་ཟ། །ཡུད་ཙམ་ཁྲོས་པས་གངྒཱའི་ཆུ་རྒྱུན་གྱེན་ལ་བཟློག །ཆུ་ཡི་སྟེང་གཤེགས་མེ་ཏོག་ལེན་ཅིང་ཆུ་ཡི་གཏིང་མི་འབྱང༌། །ཡོན་ཏན་ཕུལ་དུ་བྱུང་བའི་བི་རཱུ་པ་ཞེས་གྲགས། །ཆང་ཚོང་དག་ལ་ཁྲོ་བར་མི་བྱེད་ཉི་མ་ནི། །ཁྱོད་ཀྱི་ཁང་པར་གཏའ་མར་བཞག་ཅེས་སྨྲས་ཏེ་འདུག །ཆུ་ཡི་སྟེང་གཤེགས་མེ་ཏོག་ལེན་ཅིང་ཆུ་ཡི་གཏིང་མི་འབྱིང༌། །ངོ་མཚར་ཕུལ་དུ་བྱུང་པའི་བིཪྺ་པ་ཞེས་གྲགས། །མུ་སྟེགས་རྟེན་ལ་སྤྱན་ཟུར་གཅིག་པས་ལིངྒ་གས། །དེ་མཐོང་ཁྱབ་མཇུག་ལྷ་ཡི་རྟེན་དེ་ཨནྡྷ་འདར། །ཉི་མ་གཏའ་མར་བཅུག་ནས་ཆང་འཐུང་བི་རཱུ་པ། །འཇིག་རྟེན་རྣམས་ནི་ཕྱུགས་འདྲ་བི་རཱུ་པ་ཞེས་བརྗོད། །ལྷན་ཅིག་སྐྱེས་པའི་སེམས་ཉིད་ཕྲ་ཞིང་དྲི་མ་མེད། །ཆུ་ཡི་སྟེང་གཤེགས་མེ་ཏོག་ལེན་ཅིང་ཆུ་ཡི་གཏིང་མི་འབྱིང༌།། ངོ་མཚར་ཕུལ་དུ་བྱུང་བའི་བི་རཱུ་པ་ཞེས་གྲགས། །ཉི་ཟླ་བཅིང་བའི་ཐབས་ཞེས་བྱ་བ་སློབ་དཔོན་པོ་རཱུ་པ་ནས་བརྒྱུད་པ་ཀ་མ་རིས་མཛད་པ་རྫོགས་སོ།།