ཞེན་མེད་ཀྱི་ལྟ་བ།
ཀཾ་པ་ལ།
རྒྱ་གར་སྐད་དུ། ཨ་སམྦནྡྷ་སརྒ་དྲྀཥྛ་ནཱ་མ། བོད་སྐད་དུ། ཞེན་མེད་ཀྱི་ལྟ་བ་ཞེས་བྱ་བ། ཡུམ་ཕག་མོལ་ཕྱག་འཚལ་ལོ། །སྲིད་པ་གསུམ་གྱི་རྒྱུ་ལས་འདི། །དཔའ་བོ་བདག་གི་དཀྱུས་སར་ཐུངས། །བདེ་གཤེགས་ལྔ་ཡི་རྟ་ལ་ཞོན། །རྟ་པ་བདག་འདྲའི་དཔའ་བོ་ནི། །འཇིག་རྟེན་ན་ནི་ཡོད་མ་ཡིན། །བརྒྱུགས་པས་དུག་གསུམ་རྟ་རྒོད་བཏུལ། །ལྷ་ཆེན་བཞི་ཡི་སྒ་ཡིས་བསྟད། །ཤེས་རབ་ཐབས་ཀྱིས་སྲབ་ཏུ་བཅུག །རྟ་པ་བདག་འདྲའི་དཔའ་བོ་ནི། །འཇིག་རྟེན་ན་ནི་ཡོད་མ་ཡིན། །བརྒྱུགས་པས་དུག་གསུམ་རྟ་རྒོད་བཏུལ། །ཉོན་མོངས་བཅུ་ཡི་གསོས་ཅིག་བྱིན། །ལྟ་དྲུག་དབུས་ཀྱི་བྲེས་སུ་བཅུག །བརྒྱུགས་བས་དུག་གསུམ་རྟ་རྒོད་བཏུལ། །རྟ་པ་བདག་འདྲའི་དཔའ་བོ་ནི། །འཇིག་རྟེན་ན་ནི་ཡོད་མ་ཡིན། །བླ་མ་ལུང་གི་རལ་གྲི་ཐོགས། །
ཚངས་པའི་གནས་དྲུག་སྟེང་དུ་འགྲོ། །རྟ་པ་བདག་འདྲའི་དཔའ་བོ་ནི། །འཇིག་རྟེན་ན་ནི་ཡོད་མ་ཡིན། །བརྒྱུགས་པས་དུག་གསུམ་རྟ་རྒོད་བཏུལ། །ཕྱོགས་བཅུ་དག་ཏུ་བརྒྱུགས་པས་ཀྱང༌། །དེ་ཡི་རྟ་རྗེས་མངོན་པ་མེད། །རྟ་པ་བདག་འདྲའི་དཔའ་བོ་ནི། །འཇིག་རྟེན་ན་ནི་ཡོང་མ་ཡིན། །བརྒྱུགས་པས་དུག་གསུམ་རྟ་རྒོད་ཐུལ། །སློབ་དཔོན་ཀཾ་པ་ལས་མཛད་བ་ཞེན་མེད་ཀྱི་ལྟ་བ་ཞེས་བྱ་བ་རྫོགས་སོ།།