མཚན་ཡང་དག་པར་བརྗོད་པའི་ཟས་ཀྱི་རྣལ་འབྱོར།
འཇམ་དཔལ་བཤེས་གཉེན།

---

^{[མ་དཔེ་གཟིགས་ན་འདིར་གནོན།]}

འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །མཚན་ཡང་དག་པར་བརྗོད་པའི་རྣལ་འབྱོར་བས་ཅི་ཟ་བའི་ཟས་ཀྱི་རྣལ་འབྱོར་འདི་ལྟར་བྱའོ། །གང་ཡང་ཟས་ཀྱི་དངོས་པོ་སྟོང་པར་བསམས་ཏེ། ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱ་དྱ་ནུ་ཏྤནྣ་ཏྭཱ་ཏ་སྭཱ་ཧཱ། ཞེས་པས་དག་པར་བསམས་ལ། ཨཱཿ་ཡོངས་སུ་གྱུར་པ་ལས་བདུད་རྩི་དཀར་པོ་དྲི་མ་མེད་པ་དང༌། ཨོཾ་ཡོངས་སུ་གྱུར་པ་ལས་མང་ཞིང་སྤེལ་བ་དང༌། ཧཱུཾ་གིས་ཡེ་ཤེས་ཀྱི་བདུད་རྩི་དྲངས་ཏེ། བདག་གི་ལྕེ་རྡོ་རྗེར་བསམས་ལ། ལུས་ངག་ཡིད་གསུམ་བྱིན་གྱིས་བརླབས་ཏེ། སྙིང་གར་ལྷ་ཚོགས་གསལ་བཏབ་ལ་དང་པོར་དཀོན་མཆོག་མཆོད། དེ་ནས་ལྷ་ཚོགས་ཅི་རིགས་པར་མཆོད་ལ། རང་གི་ལུས་ཀྱི་ལྷ་ཚོགས་ཚིམ་པར་བྱས་ལ། ལྷག་མ་འབྱུང་པོ་ཀུན་ལ་སྦྱིན་ནོ། །མཚན་ཡང་དག་པར་བརྗོད་པའི་ཟས་ཀྱི་

---

^{[མ་དཔེ་གཟིགས་ན་འདིར་གནོན།]}

རྣལ་འབྱོར་སློབ་དཔོན་འཇམ་དཔལ་བཤེས་གཉེན་གྱིས་མཛད་པ་རྫོགས་སོ།།