རྡོ་རྗེ་རྣམ་པར་འཇོམས་པ་ཞེས་བྱ་བའི་གཟུངས་ཀྱི་འགྲེལ་པ་རིན་ཆེན་ཕྲེང་བབ།
ས་ཝ་རི་པ།
རྒྱ་གར་སྐད་དུ། བཛྲ་བི་དཱ་ར་ཎ་ནཱ་མ་དྷཱ་ར་ཎི་རཏྣ་མཱ་ལ་བྲྀཏྟི་ནཱ་མ། བོད་སྐད་དུ། རྡོ་རྗེ་རྣམ་པར་འཇོམས་པ་ཞེས་བྱ་བའི་གཟུངས་ཀྱི་འགྲེལ་པ་རིན་ཆེན་ཕྲེང་བ་ཞེས་བྱ་བ། བཅོམ་ལྡན་འདས་ཕྱག་ན་རྡོ་རྗེ་ལ་ཕྱག་འཚལ་ལོ། །མ་རུངས་འཇོམས་མཛད་མི་ཤིགས་རི་བོ་འཛིན། །ཐུགས་རྗེའི་སྣང་བས་ཉོན་མོངས་འཇོམས་པའི་སྐུ། །རང་གཞན་དོན་རྣམས་མ་ལུས་སྡུད་མཛད་པའི། །དབྱེར་མེད་རང་བཞིན་གསལ་བའི་སྐུ་ལ་བདུད། །བླ་མའི་མན་ངག་ལ་བརྟེན་ནས། །དམན་པའི་དོན་དུ་རྡོ་རྗེའི་དོན་བཤད་བྱ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྡོ་རྗེ་ལ་བཞུགས་ཏེ། ལུས་ཐམས་ཅད་རྡོ་རྗེ་བྱིན་གྱིས་བརླབས་ནས་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་སོ་ཞེས་བྱ་བ་ནི་བཅོམ་ལྡན་འདས་རྡོ་རྗེ་གདན་བྱང་
ཆུབ་སྙིང་པོ་ན་འཁོར་བྱང་ཆུབ་སེམས་དཔའ་དཔག་ཏུ་མེད་པ་དང་ཐབས་ཅིག་ཏུ་བཞུགས་སོ། །བཞུགས་པ་དེའི་ཆོ་བཅོམ་ལྡན་འདས་དེ་ཉིད་རྡོ་རྗེ་དེ་ཉིད་ལ་ཐིམ་ཞིང་སངས་རྒྱས་རྣམས་ཀྱིས་བྱིན་གྱིས་བརླབ་པ་མཛད་ནས། དེ་ནས་བཅོམ་ལྡན་འདས་ཀྱིས་རྡོ་རྗེ་དེ་ཉིད་ལས་ཏིང་ངེ་འཛིན་གྱི་རྣམ་པར་འཕྲུལ་པ་མཛད་པ་ནི་རྣམ་པ་གསུམ་དུ་མཛད་དོ། །འདི་སྐད་དུ་རྡོ་རྗེ་དང༌། ཁྲོ་བོ་གཉིས་སུ་ཐོས་སོ། །གང་གིས་ཤེ་ན། ཕྱག་ན་རྡོ་རྗེ་བདག་གིས་ཐོས་ཏེ་དུས་གཅིག་ན་ཐོས་ཞེས་བྱའོ། །ཇི་ལྟར་ཐོས་ཤེ་ན། དེ་ནས་སངས་རྒྱས་ཀྱི་མཐུ་དང༌། བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱི་རླབས་ཀྱིས་ཞུས་ནས་ཐོས་ཏེ། དེ་ཡང་དེ་གཉིས་ཀྱི་དོན་ཞེས་དྲིས་ནས་སོ། །རྡོ་རྗེ་སྙིང་པོ་ལས་བྱུང་བ། རྡོ་རྗེ་བོའི་དོན་སྨྲས་པ་ཞེས་བྱ་བ་ནི་རྡོ་རྗེ་ནི་འཇོམས་བྱ་འཇོམས་པ་ལ་བྱ། ཁྲོ་བོ་ནི་འཇོམས་བྱེད་ལ་བྱའོ། །དེའི་དོན་ནི་ཤེས་རབ་དང་སྙིང་རྗེ་ཞེས་པའོ། །ཤེས་རབ་ཀྱི་དོན་ནི་ཅི་ཞེ་ན། མི་ཆོད་པ། མི་ཤིགས་པ། བདེན་པ། སྲ་བ། བརྟེན་པ་ཐམས་ཅད་དུ་ཐོགས་པ་མེད་པ། ཐམས་ཅད་དུ་མ་ཕམ་པའོ། །དེའི་ཐབས་ནི་དོན་ཅི་ཞེན། སེམས་ཅན་ཐམས་ཅད་སྐྲག་པར་བྱེད་པ། སེམས་ཅན་ཐམས་ཅད་འཇིལ་བར་བྱེད་པའོ། །འོན་ཤེས་རབ་ཀྱི་ཡོན་ཏན་ཅི་ཞེན། རིག་སྔགས་ཐམས་ཅད་གཅོད་པར་བྱེད་པ། རིག་སྔགས་ཐམས་ཅད་གནོན་པར་བྱེད་པ། ལས་ཐམས་ཅད་འཇོམས་པར་བྱེད་པ། ལས་ཐམས་ཅད་སྒྲུབ་པར་བྱེད་པ། གཞན་གྱི་ལས་ཐམས་ཅད་འཇིག་པར་བྱེད་པའོ། །ཐབས་ཀྱི་ཡོན་ཏན་ཅི་ཞེ་ན། གདོན་ཐམས་ཅད་རླག་པར་བྱེད་པ། གདོན་ཐམས་ཅད་ལས་ཐར་པར་བྱེད་པ། འབྱུང་པོ་ཐམས་ཅད་ཚར་གཅོད་པ། འབྱུང་པོ་ཐམས་ཅད་འགུགས་པར་བྱེད་ཅིང༌། གཞན་གྱི་རིག་སྔགས་དང་འབྱུང་པོའི་གདོན་རླག་པར་བྱེད། སྲུང་བར་བྱེད། དེ་ལས་ཐར་བར་བྱེད་དོ། །འོ་ན་ཤེས་རབ་ཀྱི་ལས་ཇི་ལྟ་བུ་ཞིག་བྱེད་ཅེ་ན། རིག་སྔགས་ཀྱི་ལས་ཐམས་ཅད་བྱེད་དུ་འཇུག་པ། མ་གྲུབ་པ་རྣམས་གྲུབ་པར་བྱེད་པ། གྲུབ་པ་རྣམས་ཆུད་མི་ཟ་བར་བྱེད་པ། འདོད་པ་ཐམས་ཅད་རབ་ཏུ་སྦྱིན་པར་བྱེད་པའོ། །ལས་ཐམས་ཅད་པའི་བུམ་པ་ལས་ཐམས་ཅད་ཀྱི་སྔོན་དུ་འགྲོ་བའོ། །དེས་མ་གྲུབ་པ་གྲུབ་པར་འགྲོ་སྟེ། དེས་
བར་ཆད་མེད་པས་གྲུབ་པ་དེ་ཆུད་མི་ཟ་བར་སྒྲུབ་ནུས་ཤིང༌། སེམས་ཅན་གཞན་ལ་ནུས་པ་སྐྱེད་པར་བྱེད་པའོ། །འོན་ཐབས་ཀྱི་ལས་ཇི་ལྟ་བུ་ཞེ་ན། སེམས་ཅན་ཐམས་ཅད་སྲུང་བ། ཞི་བ་རྒྱས་པ། སེམས་ཅན་ཐམས་ཅད་རེངས་པར་བྱེད་པ། རྨུག་པར་བྱེད་པའི་གསང་སྔགས་ཀྱི་མཐུ་ཆེན་པོ་འདི་རབ་ཏུ་སྨྲས་སོ། །ཞེས་བྱ་བ་ནི་སྲུང་བ་དང༌། ཕྲིན་ལས་བཞིའི་ལས་དང༌། ཁྱད་པར་དུ་རེངས་བར་བྱེད་པ་དང༌། རྨུགས་པའི་བྱེད་པའི་ལས་སོ། །འོན་ལས་དེ་གང་གེས་རྟོགས་པར་བྱ་ཞེ་ན། གསང་སྔགས་ཀྱི་མཐུ་ཆེན་པོ་འདིས་རྟོགས་པར་སྨྲ་བར་བྱའོ།། འོ་ན་ཇི་ལྟར་སྨྲ་བར་བྱ་ཞེ་ན། ན་མོ་རཏྣ་ཏྲ་ཡཱ་ཡ་ན་མཤྩཎྜ་བཛྲ་པཱ་ཎ་ཡེ་མ་ཧཱ་ཡཀྵ་སེ་ན་པ་ཏ་ཡེ་ཧཱུཾ་ཧཱུཾ་ཞེས་བྱ་བ་སྔོན་དུ་སོང་ནས་སོ། །དེའི་དོན་ནི་རང་སྟན་བདེ་བ་ལ་འཇུག་སྟེ། ཚོགས་གཉིས་སྔོན་དུ་སོང་ནས་བདག་ཉིད་རིག་པ་ཧཱུཾ་དུ་བསམས་ཏེ། དེ་ལས་འོག་གི་ཕྱོགས་སུ་རྡོ་རྗེ་རྒྱ་གྲམ། སྟེང་གུར་ཕྱོགས་མཚམས་རྩིག་པའོ། །དེ་ནས་ཧཱུཾ་དེ་ལས་བྷཱུཾ་ཞུ་བ་ལས་གཞལ་ཡས་ཁང་གྲུབ་བཞི་སྒོ་བཞི་སྒོ་ཁྱུད་དང་བཅས་པ་སྟེ་པ་ཉི་མའི་སྐྱིལ་འཁོར་ལ་འཁོར་ལོ་རྩིབས་བཅུ་པའོ། །དེའི་དབུས་ཀྱི་ལྟེ་བའི་ཉི་མ་ལ་ཧཱུཾ་བསམས་ཏེ་འོད་དུ་ཞུ་བ་ལས་རྡོ་རྗེ་དཀར་པོ་གཅིག་ཏུ་གྱུར་ནས་རྡོ་རྗེ་དེའི་ལྟེ་བ་ལ་ཧཱུཾ་ལས་འོད་འཕྲོས་ནས་སེམས་ཅན་དང་སྣོད་དུ་བཅས་པ་སྦྱངས་ཏེ། རྡོ་རྗེ་ཞུ་བས་རྡོ་རྗེ་རྣམ་པར་འཇོམས་པ་ཞེས་བྱ་བ་སྐུ་མདོག་དཀར་པོ་རྡོ་རྗེ་དང་དྲིལ་བུ་བསྣམས་པ་རྡོ་རྗེ་སྐྱིལ་མོ་ཀྲུང་གིས་བཞུགས་པ། རྒྱན་རྣམ་པར་དུ་མས་བརྒྱན་པ། དེའི་ཐུགས་ཀར་ཟླ་བའི་སྟེང་ན་ཧཱུཾ་ངོ༌། །ཧཱུཾ་ངེ་ལས་མ་བཅུ་ལས་ཉི་མའི་དཀྱིལ་འཁོར་བཅུར་བསྒོམས་ནས། དེའི་སྟེང་དུ་ཧཱུཾ་བཅུ་ཐམ་པ་ལས་ཁྲོ་བོ་བཅུ་རུ་བསྒོམ་པ་ནི་ཤར་དུ་ཁམས་གསུམ་རྣམ་རྒྱལ་སྐུ་མདོག་དཀར་པོ་རྡོ་རྗེ་འཛིན་པའོ། །ལྷོ་ཕྱོགས་སུ་གཤིན་རྗེ་གཤེད་པོ་སྐུ་མདོག་དམར་ནག་ཕྱག་ན་རིན་པོ་ཆེ་བསྣམས་པའོ། །ནུབ་ཕྱོགས་སུ་རྟ་མགྲིན་རྟ་མགོ་ལྗང་གུ་མདོག་དམར་པོ་ཕྱག་ན་པདྨ་བསྣམས་པའོ། །བྱང་ཕྱོགས་སུ་བདུད་རྩི་འཁྱིལ་པ་ལྗང་གུ་ཕྱག་ན་རྡོ་རྗེ་རྒྱ་གྲམ་བསྣམས་པའོ། །ཤར་ལྷོ་མཚམས་སུ་དབྱུག་པ་སྔོན་པོ་རྡོ་ངེ་བེ་ཅོན་ནོ། །ལྷོ་ནུབ་མཚམས་སུ་ཨ་མོ་གྷ་པཱ་ཤ་སྐུ་མདོག་མཐིང་ནག་སྦྲུལ་ཞགས་
བསྣམས་པའོ། །ནུབ་བྱང་མཚམས་སུ་འདོད་པའི་རྒྱལ་པོ་དམར་ནག་ཕྱག་ན་གྲེ་གུག་བསྣམས་པའོ། །བྱང་ཤར་མཚམས་སུ་རྡོ་རྗེ་འཁོར་ལོ་སྐུ་མདོག་ལྗང་གུ་ཕྱག་ན་འཁོར་ལོ་འཛིན་པའོ། །སྟེང་གི་ཕྱོགས་སུ་ཧཱུཾ་ཀ་ར་མཐིང་ནག་ཕྱག་ན་རལ་གྲི་བསྣམས་པའོ། །འོག་གི་ཕྱོགས་སུ་སྟོབས་པོ་ཆེ་ནམ་མཁའི་མདོག་ཅན་རྡོ་རྗེ་རྩེ་གསུམ་པ་འཛིན་པའོ། །དེ་རྣམས་ནི་ཞབས་བརྐྱང་བསྐུམ་དུ་བཞུགས་ཤིང་ཁྲོ་བོའི་ཆས་ཀྱིས་བརྒྱན་པ་ཐུགས་ཀར་ཧཱུཾ་བསམས་ཏེ། སྤྱན་དྲང་བ་ལ་སོགས་པ་བྱའོ། །དེའི་སྔགས་ནི། ཏདྱ་ཐཱ། ཨོམ་ཏྲ་ཊ་ཏྲ་ཊ་ཏྲ་ཊ་ཡ་དྲོ་ཊ་ཡ། སྥུ་ཊ་སྥུ་ཊ། སྥོཊ་ཡ་སྥོཊ་ཡ། །གྷུརྞཱ་གྷུརྞཱ། གྷུརྞཱ་པ་ཡ་གྷུརྞཱ་པ་ཡ། ཞེས་པ་ནི་གཙོ་བོ་དང༌། ཁམས་གསུམ་རྣམ་རྒྱལ་དང༌། གཤིན་རྫེ་གཤེད་དང༌། རྟ་མགྲིན་དང༌། བདུད་རྩི་འཁྱིལ་པ་དང༌། ཧཱུཾ་མཛད་དང༌། སྟོབས་པོ་ཆེའོ། ཁམས་གསུམ་རྡོ་རྗེ་རྣམ་རྒྱལ་གྱིས་ཞེས་སྡང་ཞི་བར་གྱིས་ཤིག །རྡོ་རྗེ་བེ་ཅོན་གྱིས་ཞེ་སྡང་རབ་ཏུ་ཞི་བར་གྱིས་ཤིག །བོ་དྷ་ཡ་བོ་དྷ་ཡ་ཞེས་པའོ། །གཤིན་རྡེ་གཤེད་པོས་གཟུང་འཛིན་རབ་ཏུ་ཞི་བར་གྱིས་ཤིག །ཨ་མོ་གྷ་པཱ་ཤས་ཡང་དག་པའི་བྱང་ཆུབ་ཏུ་སེམས་བསྐྱེད་ཅིག་སཾ་བོ་དྷ་ཡ་སཾ་བོ་དྷ་ཡ། རྟ་མགྲིན་གྱིས་འདོད་ཆགས་རབ་ཏུ་ཞི་ཞིང་ཞི་བར་གྱུར་ཅིག་ཡེ་ཤེས་ཀྱི་རང་བཞིན་གསལ་བ་དང༌། འདོད་པའི་རྒྱལ་པོ་ས་ཡེ་ཤེས་དེ་དང་མི་མཐུན་པ་སོལ་ཅིག །བྷྲ་མ་བྷ་མ། བདུང་རྩི་འཁྱིལ་པས་བྱང་ཆུབ་ཀྱི་སེམས་གོང་ནས་གོང་དུ་སྤེལ་བ་དང༌། ཁྲོ་བོ་རྡོ་རྗེ་འཁོར་ལོས་ཡང་དག་པར་སོལ་ཅིག །སཾ་བྷ་མ་ཡས་བྷ་མ་ཡ། ཧཱུཾ་ཀ་རས་ཟུང་ཅིག །སྟོབས་པོ་ཆེས་རེས་སུ་ཟུང་ཅིག །དེ་ལྟར་རྩ་བའི་གསང་སྔགས་བསྟན་ནས། ད་སྒོ་བ་བསྟན་པ་ནི་རྡོ་རྗེ་རྣོན་པོ་མདོག་མཐིང་ནག་རྡོ་རྗེ་རྩེ་གཅིག་པ་བསྣམས་པའོ། །ལྷོ་ན་རབ་ཏུ་ཁྲོས་པ་མདོག་སེར་པོ་ཕྱག་ན་གྲི་གུག་བསྣམས་པའོ། །ནུབ་ཏུ་རྡོ་རྗེ་ལྕགས་སྒྲོག་མདོག་དམར་པོ་ཕྱག་ན་ལྕགས་སྒྲོག་བསྣམས་པའོ། །བྱང་ན་རྡོ་རྗེ་དྲིལ་བུ་མདོག་ལྗང་གུ་དྲིལ་བུ་བསྣམས་པའོ། །དེ་ལྟར་དཀྱིལ་འཁོར་བསྐྱེད་ནས་ནི། །གཙོ་བོའི་ཐུགས་ཀའི་ཧཱུཾ་ལས་ནི། །ཤར་དུ་པདྨའི་གདན་སྟེངས་སུ། །བདག་ཉིད་
ཕྱག་ན་རྡོ་རྗེར་བསྒོམ། །སྤྱན་དྲངས་བསྟིམས་ནས་གསང་སྔགས་བཟླ། །དེ་ནི་སྔོན་དུ་བསྙེན་པའི་དོན་ཏོ། །ད་ནི་ལས་ཀྱི་སོ་སོ་ལ་སྦྱར་བ་ནི། །སྦྱིན་སྲེག་རིམ་པ་བྱ་བ་ནི། །དང་པོ་ཞི་བ་ཤར་དུ་བྱ། །ཁྲུ་གང་ཟླུམ་པོ་འདབ་བཞི་ལ། །རྡོ་རྗེ་དཀར་པོ་སོར་བརྒྱད་དགོད། །དྲི་ཞིམ་དཀར་པོའི་ཤིང་ལས་བྱའོ། །མཆོད་རྫས་བསྲེག་རྫས་དྲི་ཞིམ་དཀར། །རྫས་རྣམས་ཀྱི་ནི་སྦྱིན་སྲེག་བྱའོ། །ཨོཾ་སརྦ་བི་ཤུདྡྷཿསརྦ་དྷརྨཱཿ་སྭབྷཱ་བ་ཤུདྡྷོ྅ཧཾ། དེ་ནས་སྟོང་བའི་ཏིང་འཛིན་ལས། །བདག་ཉིད་ཧཱུཾ་དུ་རབ་བསམས་ཏེ། །དེ་ལས་ཐབ་ཁུང་བྷཱུཾ་ལས་བསྐྱེད། །པདྨ་འདབ་བཞི་གེ་སར་ལ། །དབུས་སུ་ཟླ་བའི་དཀྱིལ་འཁོར་བསམ། །དེའི་སྟེང་དུ་ཧཱུཾ་ལས་རྡོ་རྗེ་དཀར་པོ་གཅིག་ཏུ་གྱུར་པར་བསམས་ཏེ། དེ་ཡོངས་སུ་གྱུར་པ་ལས་རྡོ་རྗེ་རྣམ་པར་འཇོམས་པ་སྐུ་མདོག་དཀར་པོ་རྡོ་རྗེ་དང་དྲིལ་བུ་འཛིན་པའོ། །དེའི་ཐུགས་ཀ་ན་ཟླ་པའི་སྟེང་ན་རཾ་གྱི་མཐའ་མ་ན་ཕར་ལ་ན་མྴྩཎྜ་བཛྲ་པཱ་ཎ་ཡེ་ཧཱུཾ་གིས་བསྐོར་བར་བསྒོམ། །ཤར་དུ་ཉི་མའི་སྟེང་དུ་ཧཱུཾ་ལས་རྡོ་རྗེ་དཀར་པོ་ལས་ཁམས་གསུམ་རྣམ་པར་རྒྱལ་བ་མདོག་དཀར་པོ་ཕྱག་ན་རྡོ་རྗེ་བསྣམས་པའོ། །ལྷོར་ཉི་མའི་སྟེང་དུ་ཧཱུཾ་ལས་རྡོ་རྗེ་དཀར་པོ་དེ་ལས་གཤིན་རྗེ་གཤེད་དམར་ནག་ཕྱག་ན་རིན་པོ་ཆེ་བསྣམས་པའོ། །ནུབ་ཏུ་རྟ་མགྲིན་དམར་པོ་ཕྱག་ན་པདྨ་བསྣམས་པའོ། །བྱང་དུ་བདུད་རྩི་འཁྱིལ་པ་སྐུ་མདོག་ལྗང་གུ་ཕྱག་ན་རྡོ་རྗེ་རྒྱ་གྲམ་བསྣམས་པའོ། །ཞབས་བརྐྱང་བསྐུམ་སྟག་དང་སྦྲུལ་གྱིས་བརྒྱན་པ། ཐུགས་ཀ་ན་ཟླ་བའི་ཐོག་ན་རཾ་འོད་འབར་བ་ཅན་ནོ། །མཐའ་མ་ན་བསྐོར་བ་ནི། ཨོཾ་བོ་དྷ་བོ་དྷ། སཾ་བོ་དྷ་ཡ་སཾ་བོ་དྷ་ཡ། བྷྲ་མ་བྷྲ་མ། སཾ་བྷྲ་མ་ཡ་སཾ་བྷྲ་མ་ཡ་ཞེས་པའོ། །སྤྱན་དྲང་བ་དང་བསྟིམ་པ་ལ་སོགས་པ་རྫོགས་ནས་ཞི་བར་བྱ་བའི་ཕྱིར་གོང་གི་རྩ་བའི་སྔགས་ལས་སརྦ་བྷཱུ་ཏ་ནི་ཤཱནྟིཾ་ཀུ་རུ་སྭཱ་ཧཱ། ཞེས་པས་ཞི་བར་འགྱུར་རོ། །རྒྱས་པ་ལ་ནི་དབྱིབས་གྲུབ་བཞི་ཁྲུ་གང་པ་སེར་པོས་བྱུགས་ལ་ནང་དུ་འཁོར་ལོ་རྩི་བས་བཞི་པ་གསེར་དང་འདྲ་བ་ལ་རྡོ་རྗེ་སེར་པོ་དགོད་པར་བྱའོ། །ཙནྡན་ནམ་དྲི་དང་ལྡན་པའི་མེ་ལ་ཏིལ་བསྲེག་པར་བྱའོ། །དེའི་དོན་ནི་སྟོང་པ་ཉིད་ལས་བདག་ཉིད་ཧཱུཾ་དུ་བསམས་ཏེ་དེ་ལས་འཕྲོས་པས་གསེར་གྱི་འཁོར་ལོ་རྩིབས་བཞི་པ་བསམས་ཏེ། །
དེའི་ལྟེ་བ་ལ་ཉི་མའི་ཐོག་ཏུ་ཧཱུཾ་ཞུ་བ་ལས་རྡོ་རྗེ་སེར་པོ་ལས་རྡོ་རྗེ་རྣམ་པར་འཇོམས་པར་བསྐྱེད། གཞན་གོང་དང་འདྲ་བ་ལས་སེར་པོ་རཾ་སེར་པོའོ། །ན་མ་ཤྩཎྜ་བཛྲ་པཱ་ཎ་ཡེ། ཨོཾ་ཏྲ་ཊ་ཏྲ་ཊ། ཏྲོ་ཊ་ཡ་ཏྲོ་ཊ་ཡ། སྥུ་ཊ་སྥུ་ཊ། སྥོཊ་ཡ་སྥོཊ་ཡ། ཏད་ཡ་ཐཱ། སརྦ་སཏྭ་ནི་པུཥྚིཾ་ཀུ་རུ་ཡེ་སྭཱ་ཧཱ། དབང་གི་ཟླ་གམ་དམར་པོ་སྟེ་ནང་དུ་པདྨ་དམར་པོ་འདབ་མ་དྲུག་པའི་སྟེང་དུ་རྡོ་རྗེ་དམར་པོ་པྲི་བར་བྱའོ། །སེང་ལྡེང་ལ་སོགས་པ་དམར་པོའི་ཤིང་ལ་ཡུངས་ཀར་དམར་པོ་ལས་དགུག་པའི་ལས་བྱ་ཞིང་སྲེག་གོ །དེའི་དོན་ནི་སྟོང་པ་ལེས་བདག་ཉིད་ཧཱུཾ་དུ་བསམས་ཏེ། པཾ་ལས་པདྨ་དམར་པོའི་འདབ་མའི་སྟེང་དུ་ཧཱུཾ་ལས་རྡོ་རྗེ་དམར་པོ་དེ་ལས་རྡོ་རྗེ་རྣམ་པར་འཇོམས་པ་སྐུ་མདོག་དམར་པོ་ཐུགས་ཀར་ཉི་མའི་ཐོག་ཏུ་རཾ་དམར་པོ་གཞན་གོང་དང་མཐུན་པ་ལས་དམར་པོ་ལ་རཾ་དམར་པོའོ། །སྟེང་དུ་ཧཱུཾ་ཀ་ར་མཐིང་ག་ར་གྲི་འཛིན་པ། འོག་ཏུ་སྟོབས་པོ་ཆེ་ནམ་མཁའི་མདོག་ཅན་རྡོ་རྗེ་རྩེ་གསུམ་པའོ། །ཀུ་ཊ་ཀུ་ཊ། སཾ་ཀུ་ཊ་ཡ་སཾ་ཀུ་ཊ་ཡ། གྷ་ཊ་གྷ་ཊ། སཾ་གྷཊ་ཡ། གྷུརྞྞ་གྷུརྞྞ། གྷུརྞྞ་པ་ཡ་གྷུརྞྞ་པ་ཡ། སརྦ་ཤ་ཏྲཱུཾ་ཨ་མོ་གྷ་ཀུ་རུ་ཀུ་ལེ་ཝ་ཤཾ་ཀུ་རུ་སྭཱ་ཧཱ། བསད་པ་ལ་ནི་འདི་ཡིན་ཏེ། ཞུར་ཁྲོད་འཇིགས་པའི་གནས་ཕྱིན་ལ། །དུར་ཁྲོད་ས་ལས་བྱས་པ་ཡི། །གྲུ་བཞི་སྒོ་བཞི་རྒྱ་གྲམ་བྲི། །ལྟེ་བར་གྲུ་གསུམ་ཐོད་པས་བསྐོར། །ཕུར་བུའི་རྫས་ནི་གཏོར་མ་བཞི། །ལྕགས་ཕྱེ་རྡེ་རྗེ་ཡུངས་ཀར་རྣམས། །གོ་རིམས་བཞིན་དུ་བསག་པར་བྱ། །རྫས་རྣམས་བཀྲམ་ནས་བསྒོམ་པ་ནི་དང་པོ་བསོད་ནམས་ཀྱི་བདག་ཉིད་སྡིག་པ་བཤགས་པ་ལ་སོགས་པ་བྱའོ། །དེའི་རྗེས་ལ་ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྦབྷཱ་བ་ཨཱཏྨ་ཀོ྅ཧཾ་ཞེས་བྱ་བས་སོང་པོ་ཉིད་དུ་བསྒོམ་པའོ། །དེ་རྗེ་བྷཱུཾ་ལས་གཞལ་ཡས་ཁང༌། །གྲུ་བཞི་པ་ལ་སྒོ་བཞི་པ། །ཀ་བ་བརྒྱད་དང་རིན་ཆེན་ཏེ། །ནང་ནི་དུར་ཁྲོད་འཇིགས་པའོ། །རྡོ་རྗེ་རྒྱ་གྲམ་ནག་པོ་སྟེ། །གྲུ་གསུམ་ནམ་མཁའི་མདོག་ཅན་བསྒོམ། །གྲུ་གསུམ་ནང་དུ་ཟླ་སྟེང་དུ། །ཧཱུཾ་ལས་རྡོ་རྗེ་ནག་བོ་ཆེ། །རིག་པར་བྱས་ཏེ་འོད་དུ་ཞུ། །དེ་ལས་རྡོ་རྗེ་ནག་པོའི་སྐུ། །བརྐྱང་བསྐུ་མ་རྡོ་རྗེ་ནག་པོ་བསྣམས། །གཡོན་ན་དྲིལ་བུ་སྡིགས་མཛུབ་མཛད། །ཁྲོས་པའི་ཞལ་མདོག་སྟག་ལྤགས་
གྱོན། །ཞལ་ནས་ཧཱུཾ་སྒྲོགས་དཔའ་བོ་ཆེ། །ཐུགས་ཀའི་།ཁྲོ་བོ་བདུད་ལས་རྒྱལ་བྱེད་ནི། །ལྕགས་ཀྱུ་ཕུར་བུ་སྐུ་མདོག་དཀར། །ཟླ་བའི་གདན་ལ་བརྐྱང་བསྐུམ་བཞུགས། །ལྟོ་ཕྱོགས་རྡོ་རྗེ་རྩེ་མོ་ལ། །ཁྲོ་བོ་གཤིན་རྗེ་གཤེད་པོ་ནི། །སྐུ་མདོག་དམར་ནག་འཇིགས་པ་ལ། །ཕྱག་ན་གྲི་གུག་ཕུར་པ་བསྣམས། །ནུབ་ཕྱོགས་ཁྲོ་བོའི་རྒྱལ་པོ་ནི། །ཁྲོ་བོའི་རྒྱལ་པོ་རྟ་མགྲིན་ནི། །སྐུ་མདོག་དམར་པོ་འཇིགས་པ་ལ། །རྡོ་རྗེ་རྩེ་གཅིག་ཕུར་པ་བསྣམས། །བྱང་ཕྱོགས་ཁྲོ་བོའི་རྒྱལ་པོ་ནི། །ཁྲོ་བོའི་རྒྱལ་པོ་བདུད་རྩི་འཁྱིལ། །སྐུ་མདོག་ལྗང་ནག་འཇིགས་པ་ལ། །ཕྱག་ན་ཞགས་པ་ཕུར་པ་འཛིན། །ཁྲོས་པའི་ཞལ་ལྡན་འཇིགས་པའོ། །རྒྱན་རྣམས་འཛིན་པར་བསྒོམ་པར་བྱའོ། །ཡེ་ཤེས་སེམས་དཔའ་སྤྱན་དྲངས་ནས། །གསད་པའི་སྔགས་ཀྱི་བཟླས་པ་བྱ། །ཨོཾ་ཧེ་ཕུ་ལུ་ནི་རུ་ཕུ་ལུ་གྲྀཧྣ་ཀུ་ལུ་མི་ལི་ཙུ་ལུ་ཀུ་རུ་ཀུ་ལུ་བཛྲ་བི་ཛ་ཡ་སྭཱ་ཧཱ། དེ་ནི་ཁམས་གསུམ་རྣམ་པར་རྒྱལ་བའི་རྩ་བའི་སྔགས་ཏེ། ཚར་གཅད་པའི་ལྕགས་ཀྱུ་དང༌། ཕུར་པའིའོ། །ཨོམ་ཀ་ཊ་ཀ་ཊ། རཊ་རཊ་མོ་ཊ་ནི་པྲ་མོ་ཊ་ནཱ་ཡ་ཀཱི་ལི་ཀཱི་ལཱ་ཡ་སྭཱ་ཧཱ། དེ་མོ་གཤིན་རྗེ་གཤེད་པོའི་སྔགས་ཏེ། ལས་ཀྱི་སྔགས་གྲི་གུག་དང་ཕུར་པའི་སྔགས་སོ། །ཙ་ར་ནི་ཙ་ར། ཧ་ར་ཧ་ར། ས་ར་ས་ར། མཱ་ར་ཡ་མཱ་ར་ཡ་བཛྲ་ཀཱི་ལི་ཀཱི་ལཱ་ཡ་སྭཱ་ཧཱ། ཞེས་པ་རྟ་མགྲིན་གྱི་སྔགས་སོ། །ལས་ཀྱི་སྔགས་ཏེ། རྡོ་རྗེ་རྩེ་གཅིག་པ་དང་ཕུར་པའི་སྔགས་སོ། །ཙྪིནྡ་ཙྪིནྡ། བྷིནྡ་བྷིནྡ། མ་ཧཱ་ཀཱི་ལི་ཀཱི་ལཱ་ཡ་སྭཱ་ཧཱ། བནྡྷ་བནྡྷ། ཀྲོདྷ་ཀྲོདྷ། ཀཱི་ལི་ཀཱི་ལཱ་ཡ་སྭཱ་ཧཱ། ཞེས་པ་ནི་སྒོ་བའི་སྔགས་སོ། །ལས་ཀྱི་ཡང་སྔགས་ཏེ། ཞགས་པ་དང༌། ལྕགས་སྒྲོག་དང༌། ལྕགས་ཀྱུ་དང༌། དྲིལ་བུའོ། །ཙུ་རུ་ཙུ་རུ་ཙཎྜ་ཀཱི་ལི་ཀཱི་ལཱ་ཡ་སྭཱཧཱ། ཞེས་བྱ་བ་ནི་བདུད་རྩི་འཁྱིལ་པའོ། །ལས་ཀྱི་སྔགས་ཏེ་ཞགས་པ་དང༌། ཕུར་བུའོ། །ཏྲཱ་ས་ཏྲཱ་ས་ཡ་བཛྲ་ཀཱི་ལི་ཀཱི་ལཱ་ཡ་སྭཱ་ཧཱ་ཞེས་བྱ་བ་ནི་གཙོ་བོ་རྡོ་རྗེ་རྣམ་པར་འཇོམས་པའི་སྔགས་ཏེ། ལས་ཀྱི་རྡོ་རྗེ་དང་ཕུར་པའི་སྔགས་སོ། །ཀུ་ཊ་ཀུ་ཊ་སཾ་ཀུ་ཊ་ཡ་སཾ་ཀུཊ་ཡ་སརྦ་ཤ་ཏཱུཾ་ཧཱུཾ་ཧཱུཾ་ཧཱུཾ་སྭཱ་ཧཱ། ཡུངས་ཀར་དང་ལྕགས་ཕྱེས་གདབ་པའོ།
དེའི་གཏོར་མ་བསྟན་པ་ནི། །གསེར་དངུལ་ཟངས་ལྕགས་སྣོད་ནང་དུ། །དཀར་གསུམ་མངར་གསུམ་ལ་དུ་དང༌། །སྣུམ་ཁུ་འབྲུ་རྣམས་ཡོངས་སུ་དགང༌། །དེ་རྣམས་བྱིན་བརླབ་རིན་ཆེན་སྣོད། །འབྲུ་གསུམ་སྔགས་ཀྱིས་སྦྱང་ཞིང་སྤེལ། །ཨོཾ་ཨཱཿ་ཧཱུཾ། དེ་ནས་མཆོད་པ་བྱ་བ་ནི་དང་པོ་གཙོ་བོ་མཆོད་པ་ནི། །ནམཿ་ས་མནྟ་བཛྲ་ཎཱཾ་སརྦ་བ་ལཾ་ཨཱ་ཝ་རྟ་ཡ་མ་ཧཱ་བ་ལེ། ཀ་ཏ་བེ་ཏ་ཏ་ལེ། ཨ་ཙླེ་ཞེས་པ་ལྷ་མོའི་གླུ་དང་བཅས་པས་དབུལ་ཏེ། ཧ་ར་ཧ་ར་བཛྲ་དྷཱ་རཱ་ཡ་སྭཱ་ཧཱ། པྲ་ཧ་ར་པྲ་ཧ་ར་བཛྲ་པྲ་བྷཉྫ་ནཱ་ཡ་སྭཱ་ཧཱ་ཞེས་བྱ་བས་སོ། །དཀྱིལ་འཁོར་གྱི་ལྷ་མཆོད་ནི། མྞྜལ་མཱ་ཡེ་ཨ་ཏི་བཛྲ། མ་ཧཱ་བ་ལེ། བེ་ག་ར་ཎ་ར་ཎ། ཨ་ཛི་ཏེ་ཛྭ་ལ་ཛྭ་ལ། ཏི་ཊི་ཏི་ཊི་པིང་ག་ལེ། ད་ཧ་ད་ཧ། ཏེ་ཛོ་བ་ཏི། ཏི་ལི་ཏི་ལི། བནྡྷ་བནྡྷ། ཞེས་བྱ་བའི་གླུ་དང་ལྡན་པས་མཆོད་པ་ནི། མ་ཧཱ་བ་ལི། ཧ་ར་ཧ་ར་བཛྲ་དྷཱ་རཱ་ཡ་སྭཱ་ཧཱ། པྲ་ཧ་ར་པྲ་ཧར་བཛྲ་པྲ་བྷཉྫ་ནཱ་ཡ་སྭཱ་ཧཱ། བཛྲ་ཀྲོ་དྷ་ཛྭཱ་ལ་ཡ་སྭཱ་ཧཱ། ཞེས་པས་གཏོར་མ་དབུལ་བར་བྱའོ། །ད་ནི་རེངས་པའི་ལས་བྱ་བ་ནི་དོང་གྲུ་གསུམ་པ་བྱ་སྟེ། དེའི་ནང་དུ་འཁོར་ལོ་གཞུག་པ་ནི་གཟུགས་གཞག་འཁོར་ལོ་རྩེ་གསུམ་ལ་བརྒྱངས་ལ། སྔགས་མ་ཏི་སྠི་ར་བཛྲ། སུ་ཏི་སྠི་ར་བཛྲ། པྲ་ཏེ་སྠི་ར་བཛྲ། ཞེས་པ་ནི་མགོ་བོ་དང༌། རྐང་པ་གཉིས་ལའོ། །མ་ཧཱ་བཛྲ། ཨ་པྲ་ཏེ་ཧ་ཏ་བཛྲ། ཨ་མོ་གྷ་བཛྲ། ཨེ་ཧི་བཛྲ། ཤཱི་གྷཾ་བཛྲ་དྷཱ་རཱ་ཡ་སྭཱ་ཧཱ། ལག་པ་གཉིས་དང༌། རྩིབ་ལོགས་གཉིས་དང༌། གསང་བའི་གནས་དང་ལྟེ་བའོ། །དེ་ལྟ་བུའི་རྡོ་རྗེ་ཕུར་བུ་བརྒྱད་ཀྱིས་བཏབ་ལ་དོང་གྲུ་གསུམ་དུ་གཞུག་གོ །རང་ཉིད་བསྒྲུབ་པའི་དཀྱིལ་འཁོར་བཞིན་བསྒོམས་ལ་ལས་བྱའོ། །སྲུང་བ་ནི་གྲོ་གའམ་རས་སམ་གང་ཡང་རུང་བ་ལ་འཁོར་ལོ་རྩིབས་དྲུག་པ་བྱ་སྟེ། དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། དགོད་པར་བྱའོ། །ལྟེ་བ་ལ་སརྦ་བཛྲ་ཀུ་ལཾ་ཨཱ་བརྟ་ཡ་སྭཱ་ཧཱ། དེའི་ཕྱི་རོལ་དུ་འཁོར་ལོའི་མུ་ཁུད་ལ་གསལ་བྱེད་དགོད་དོ། །དེའི་ཕྱི་རོལ་དུ་འཁོར་ལོའི་རྩིབས་བརྒྱད་ལ། མ་ཏི་སྠི་ར་བཛྲ། སུ་ཏི་སྠི་ར་བཛྲ། པྲ་ཏི་སྠི་ར་བཛྲ། མ་ཧཱ་བཛྲ། ཨ་པྲ་ཏི་ཧ་ཏ་བཛྲ། ཨ་མོ་གྷ་བཛྲ། ཤཱི་གྷཾ་དྷཱ་རཱ་ཡ་བཛྲ་སྭཱ་ཧཱ། མུ་ཁྱུད་ལ་དབྱངས་ཀྱི་ཡི་གེ་ཚོ་དགོད་
པར་བྱའོ། །དེའི་དོན་ནི་ཁྲོ་བོ་བཅུ་ཧཱུཾ་ལས་འཁོར་འཁོར་ལོ་ལ་བསྐྱེད་ལོ་ལ་བསྐྱེད་ལ་མཆོད་པ་དང༌། བསྟོད་པ་དང༌། བསྟིམ་པ་བྱས་ལ་སྔགས་འདི་བཟླས་པ་བརྒྱ་རྩ་བརྒྱད་དམ་ཉི་ཤུ་རྩ་གཅིག་བཟླས་ཏེ་ལུས་ལ་བཏགས་ན། གཟའ་དང་རྒྱུ་སྐར་བྱད་སྟེམས་དང༌། མི་བཟད་པའི་ནད་རྣམས་ཀྱང་ཞི་བར་འགྱུར་རོ། །དེས་ནི་ཐབས་ཀྱི་དོན་བཤད་ཟིན་ཏོ། །ད་ནི་ཤེས་རབ་ཀྱི་དོན་འཆད་པ་ནི་སའི་ཆོག་ཟླ་སོགས་པ་རྫོགས་པར་བྱས་ནས། མཎྜལ་ཤིན་ཏུ་དྲི་ཞིམ་པ་དང་ལྡན་པའི་ཐོགས་ཏུ་དྲིའི་ཐིག་ལེ་བཅོ་ལྔ་བྱ་སྟེ། བུམ་པ་མཚན་ཉིད་འཆད་པར་འགྱུར་པའི་རྫས་དང་བཅས་པར་བཅོ་ལྔ་གཞག་པར་བྱའོ། །ཕྱོགས་སྐྱོང་བའི་གཏོར་མ་ཡང་གཞག་པར་བྱའོ། །མཆོད་པ་རྣམ་པར་ལྔ་ཡང་བཤམས་ཏེ། འོག་ནས་སྟོན་པའི་ལས་ཐམས་ཅད་བུམ་པའི་ཆུས་བསངས་ལ། བསྒྲུབ་པ་ནི་བྱང་ཆུབ་ཏུ་སེམས་བསྐྱེད་ཅིང༌། ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ་ཉྷཾ་ཞེས་པས་སྟོང་པར་བསྒོམ་མོ། །དེའི་རྗེས་ལ་བདག་ཕྱག་ན་རྡོ་རྗེར་བསྒོམས་པའི་ཐུགས་ཀའི་ཧཱུཾ་དེ་ལས་བཾ་བཅོ་ལྔ་འཕྲོས་པས་པདྨ་དེའི་སྟེང་དུ་བྷཱུཾ་ལས་བུམ་པ་བཅོ་ལྔ་བསྐྱེད་ལ། དེའི་ནང་དུ་ཧཱུཾ་དེའི་ཆ་ཤས་ཧཱུཾ་རེ་རེ་བསམ་མོ། །དེ་ཡོངས་སུ་གྱུར་པ་ལས་ཟླ་བའི་སྟེང་དུ་རྡོ་རྗེ་དཀར་པོ་རྩེ་ལྔ་པ་ལྟ་བ་ལ་ཧཱུཾ་དང་བཅས་པར་བསམས་ཏེ། རྡོ་རྗེ་ལ་སྔགས་ཀྱིས་བསྐོར་བ་ནི་སྟེང་དུ། ཨོམ་ཧ་ར་ཧ་ར་བཛྲ། ཧར་དུ་ཨོཾ་མ་ཐ་མ་ཐ་བཛྲ། ཤར་ལྷོར་དྷུ་ན་དྷུ་ན་བཛྲ། ལྷོར་ད་ཧ་ད་ཧ་བཛྲ། ལྷོ་ནུབ་ཏུ་པ་ཙ་པ་ཙ་བཛྲ། བུབ་ཏུ་དྷ་ར་དྷ་ར་བཛྲ། ནུབ་བྱང་མཚམས་སུ་དྷཱ་རཱ་ཡ་དྷཱ་རཱ་ཡ་བཛྲ། བྱང་དུ་དྷཱ་རུ་ཎ་དྷཱ་རུ་ཎ་བཛྲ། བྱང་ཤར་སུ་ཙྪིནྡ་ཙྪིནྡ་བཛྲ། འོག་ཏུ་བྷིནྡ་བྷིནྡ་བཛྲ། དེ་ཡོངས་སུ་བསྐོར་བའི་རྡོ་རྗེའོ། །ཤར་དུ་མ་ཐ་བཛྲ་བཛྲ། ལྷོར་སྥོཊ་བཛྲ་བཛྲ། ནུབ་ཏུ་ཀ་ཊ་བཛྲ་བཛྲ། བྱང་དུ་མ་ཐ་བཛྲ་བཛྲ། དབུས་སུ་སརྦ་བིདྱཱ་བཛྲ་བཛྲ། དེ་ལྟར་སྔགས་རྣམས་བཀོད་ནས། ཧཱུཾ་ལས་འོད་འཕྲོས་སྤྱན་དྲང་བ་ནི་སངས་རྒྱས་ཐམས་ཅད་སྤྱན་དྲངས་ལ་བསྟིམ་མོ། །དེ་ནས་བཟླས་པ་བྱ་བ་ནི་ཉི་ཤུ་རྩ་གཅིག་གམ། བརྒྱ་རྩ་བརྒྱད་ཐིམ་པ་ཐིམ་པ་དང༌། ཡེ་ཤེས་རྣམ་མཁའ་ལ་ཉི་ཟླས་བཏེག་ལ་དམ་ཚིག་བསྡུའོ། །བུམ་པའི་ཆོག་རྫོགས་པ་དང༌། །མཎྜལ་
གནས་ནི་གཞན་དུ་གཞག །ཁ་ཚར་མ་ཉམས་རས་སྟེང་དུ། །སློབ་མ་བསངས་ནས་སྡོམ་པ་སྦྱིན། །དེ་ནས་ཐིག་གི་ལས་བྱ་སྟེ། །ཚད་དང་ལྡན་པའི་ཐིག་སྐུད་ལ། །དྲི་ཞིམ་ཆུ་ཡིས་བྱུགས་པ་ནི། །ཚངས་ཐིག་ནས་བཟུང་ཟུར་དང་ལོགས། །དེ་ནས་ཆ་རྣམས་དབྱེ་བར་བྱ། །དེ་ནས་ཚོན་གྱི་ལས་བྱ་སྟེ། །རིན་ཆེན་སྣ་ལྔའི་ཕྱེ་མ་ལ། །བྱིན་རླབས་རྫོགས་ནས་དེ་ནས་དགྱེ། །དེ་ལྟར་ཟླ་བའི་མཎྜལ་བྲི། །འཁོར་ལོ་རྩིབས་བཅུ་སེར་པོ་བྲི། །གྲུ་བཞི་སྒོ་བཞི་རྟ་བས་བྲི། །དེ་ལྟར་བྲིས་ནས་རྫས་རྣམས་ནི། །བུམ་པ་མ་ནོར་ཕྱོགས་སུ་དགྲམ། །རྡོ་རྗེ་རྡོ་རྗེའི་སྟེང་དུ་དགོད། །ལས་ཀྱི་བུམ་པ་ཤར་དུ་དགོད། །མཆོད་པ་མེ་ཏོག་སྤོས་དག་དང༌། ལྷ་བཤོས་དྲི་དང་བུམ་པ་བཞིན། །དེ་ལྟར་བཀོད་ནས་ཆོག་ནི། །སྡིག་པ་བཤགས་པ་ལ་སོགས་བྱའོ། །ཨོཾ་མཧཱ་ཤཱུ་ནྱ་ཏཱཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ་ཞེས་བྱ་བས་སྟོང་བ་ཉིད་དུ་བསྒོམ་པར་བྱའོ། །དེའི་རྗེས་ལ་བདག་ཉིད་ཧཱུཾ་དུ་བསྒོམ་ནས་བྷྲུཾ་ལས་གཞལ་ཡས་ཁང་བསྐྱེད་དེ་དའི་སྟེང་དུ་པདྨ་བཅོ་ལྔ་བསམས་ལ། དེའི་ཐོག་ཏུ་བུམ་པ་བསྐྱེད་ལ་སྔ་མ་བཞིན་རྡོ་རྗེ་དང་ཧཱུཾ་ཡང་བསམས་ཏེ། ཡེ་ཤེས་བཏེག་པ་དེ་ཡང་བསྟིམ་མོ། །དེ་ལས་འོད་ཟེར་འཕྲོ་འདུ་ལས་རྡོ་རྗེ་དང་ཧཱུཾ་ཞུབ་ལས་ཁྲོ་བོ་བཅོ་ལྔ་བསྐྱེད་པ་ནི་དབུས་སུ་རྡོ་རྗེ་རྣམ་པར་འཇོམས་པ་སྐུ་མདོག་དཀར་པོ་རྡོ་རྗེ་དང་དྲིལ་བུ་འཛིན་པ། ཤར་དུ་ཁམས་གསུམ་རྣམ་རྒྱལ་མདོག་དཀར་པོ་ཤེལ་གྱི་རྡོ་རྗེ་དང་སྡིགས་མཛུབ། ལྷོར་གཤིན་རྗེ་གཤེད་དམར་པོ་མེ་ཤེལ་དང་སྡིགས་མཛུབ། ནུབ་ཏུ་རྟ་མགྲིན་དམར་པོ་པདྨ་དང་སྡིགས་མཛུབ། བྱང་དུ་བདུད་རྩི་འཁྱིལ་པ་དཱུར་བ་དང་སྡིགས་མཛུབ། ཤར་ལྷོར་དབྱུག་པ་སྔོན་པོ་རིན་པོ་ཆེའི་ཙནྡན་དང་སྡིགས་མཛུབ། ལྷོ་ནུབ་ཏུ་དོན་ཡོད་ཞགས་པ་མཐིང་གཡུང་ཀར་དང་སྡིགས་མཛུབ། ནུབ་བྱང་དུ་ཁྲོ་གཉེར་ཅན་དམར་ནག་རིན་པོ་ཆེ་དང་སྡིགས་མཛུབ། བྱང་ཤར་དུ་རྡོ་རྗེ་འཁོར་ལོ་ལྡང་གུ་རིན་པོ་ཆེ་གསེར་གྱི་འཁོར་ལོ་དང་སྡིགས་མཛུབ། སྟེང་དུ་གནོད་མཛེས་མཐིང་ནག་གདུགས་དན་སྡིགས་མཛུབ། འོག་ཏུ་རྡོ་རྗེ་སྡེར་མོ་རྒྱལ་མཚན་དང་སྡིགས་མཛུབ་མདོག་དཀར་པོ་བུམ་པའི་ནང་དུ་ཅུང་ཞིག་ཁྲོས་པའི་མདོག་གོ །སྒོ་བ་
བཞི་ནི་ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་རྣམས་མདོག་དཀར་པོ་རྡོ་རྗེ་ཞུ་བ་ལས་བསྐྱེད་ཅིང་བསྒོམ་མོ། །དེ་རྣམས་ཀྱང་ཐུགས་ཀར་རྡོ་རྗེ་དཀར་པོ་ལྟེ་བ་ལ་ཧཱུཾ་དང་བཅས་པ་ཟླ་བའི་སྟེང་དུ་བསམ་མོ། །དེ་ནས་ཡེ་ཤེས་སེམས་དཔའ་སྤྱན་དྲངས་ལ་མཆོད་པ་ནི། ཨོཾ་བཛྲ་དྷཱུ་པེ་པའུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཨོཾ་བཛྲ་པུཥྤེ་པའུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཨོཾ་བཛྲ་ཨཱ་ལོ་ཀེ་པའུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཨོཾ་བཛྲ་གནྡྷེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཨོཾ་བཛྲ་ནཻ་བི་དྱེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཨོཾ་བཛྲ་ཤབྟ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ་ཞེས་བྱ་བས་མཆོད་ནས། ཛཿཧཱུཾ་བཾ་ཧོཿ་ཞེས་བྱ་བས་བསྟིམ་མོ། །དེ་ནས་དབང་བསྐུར་བྱས་ནས་ཐམས་ཅད་ལ་རྡོ་རྗེ་སེམས་དཔས་མཚན་པར་བྱའོ། །དེ་ནས་གསང་སྔགས་བཟླས་པ་ནི། །ན་མཤྩཎྜ་བཛྲ་པཱ་ཎྱེ། སརྦ་བིདྱཱ་བཛྲ་བཛྲ་སྭཱ་ཧཱ། མ་ཧཱ་ཡཀྵ་སེ་ནཱ་པ་ཏ་ཡེ། ཧ་ར་ཧ་ར་བཛྲ། མ་ཐ་མ་ཐ་བཛྲ། དྷུ་ན་དྷུ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ། དྷ་ར་དྷ་ར་བཛྲ། དྷཱ་རཱ་ཡ་དྷཱ་རཱ་ཡ་བཛྲ། དཱ་རུ་ཎ་དཱ་རུ་ཎ་བཛྲ། ཙྪིནྡ་ཙྪིནྡ་བཛྲ། བྷིནྡ་བྷིནྡ་བཛྲ་ཧཱུཾ་ཕཊ་སྭཱ་ཧཱ། ཨོཾ་མ་ཧཱ་ཡཀྵ་སེ་ནཱ་པ་ཏ་ཡེ། མ་ཊ་བཛྲ་བཛྲ། སྥོཊ་བཛྲ་བཛྲ། ཀ་ཊ་བཛྲ་བཛྲ། མ་ཐ་བཛྲ་བཛྲ་ཧཱུཾ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ཞེས་བརྒྱ་རྩ་བརྒྱད་དམ་ཉི་ཤུ་རྩ་གཅིག་གམ་བདུན་རྫོགས་ནས་མཆོད་པ་དབུལ་བར་བྱའོ། །དེ་ནས་ཁྲུས་བྱ་བའི་ཕྱིར། ན་མཤྩ་ཎྡ་བཛྲ་པཱ་ཎ་ཡེ་སརྦ་བིདྱཱ་བཛྲ་བཛྲ་ཧཱུཾ། སྥ་ར་ཎ་ཨ་མྲཾ་ཧེ་ཧཱུཾ་ཕཊ། ཨོཾ་མ་ཧཱ་ཡཀྵ་སེ་ནཱ་པ་ཏ་ཡེ། ཧ་ར་ཧ་ར་བཛྲ། མ་ཐ་མ་ཐ་བཛྲ། དྷུ་ན་དྷུ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ། དྷ་ར་དྷ་ར་བཛྲ། དྷཱ་རཱ་ཡ་དྷཱ་རཱ་ཡ་བཛྲ། དཱ་རུ་ཎདཱ་རུ་ཎ་བཛྲ། ཙྪིནྡ་ཙྪིནྡ་བཛྲ། བྷིནྡ་བྷིནྡ་བཛྲ། སྥ་ར་ཎ་ཨ་མྲྀ་ཏེ་ཧཱུཾ་ཕཊ། ཅེས་བྱ་བས་དབུས་ཀྱི་གཙོ་བོ་བདུད་རྩིར་བྱ་སྟེ། སྒོ་བ་བཞི་བསྒོམ་པ་ནི། ཨོཾ་མ་ཧཱ་ཡཀྵ་སེ་ན་བ་ཏ་ཡེ། མ་ཊ་བཛྲ་བཛྲ་ཛཿ་སྥོཊ་བཛྲ་བཛྲ་ཧཱུཾ། ཀ་ཊ་བཛྲ་བཛྲ་བཾ། མ་ཐ་བཛྲ་བཛྲ་ཧོཿ་དེས་ནི་ཡེ་ཤེས་དབབ་ཅིང་བསྟིམས་ནས། དབང་བསྐུར་ཞིང་ཁྲུས་བྱ་བ་ནི་མཎྜལ་ལེགས་པར་བྱས་ལ་རྒྱལ་པོ་ལ་འཁོར་ལོ། །རྗེའུ་ལ་རིན་པོ་ཆེ། བྲམ་ཟེ་ལ་པདྨ། དམངས་
རིགས་ལ་ལས་ཀྱི་རྡོ་རྗེ། སྔགས་ནི་རྡོ་རྗེ་ལ་བྲིས་ལ་ཐོག་ཏུ་བཞག་སྟེ་ཁྲུས་བྱེད་དུ་གཞུག་པ་ནི། གང་དག་ཡིད་དགེ་སེམས་དང་ཞིང༌། །གཙང་མའི་གོས་ཀྱིས་རབ་བརྒྱན་ཏེ། །དེ་ནི་ཐོག་ཏུ་བཞག་སྟེ་ཁྲུས་བྱེད་དུ་གཞུག་པ་ནི། གང་དག་ཡིད་དགེ་སེམས་དང་ཞིང༌། །གཙང་མའི་གོས་ཀྱིས་རབ་བརྒྱན་ཏེ། །དེ་ནི་རབ་བཀྲུས་གཙང་མ་ཡིན། །དེང་དུས་འབྲས་བུ་དམ་པ་བརྙེས། །དེ་ནས་ཅི་བྱ་ཞེ་ན། ཟབ་མོ་སངས་རྒྱས་སྤྱོད་ཡུལ་བའི། །མདོ་སྡེ་དམ་པ་མཉན་པར་བྱ། མདོ་སྡེ་དམ་པ་ཉན་བྱེད་ན། །མདོ་སྡེ་འདི་ཡི་གཟི་བརྗིད་ཀྱིས། །སྲོག་ཆགས་དག་ནི་ཐམས་ཅད་དང༌། །མི་བཟད་པ་ཡི་ནད་རྣམས་དང༌། །དེ་དག་ཐམས་ཅད་ཞི་བར་ལྟ། །ཚེ་དང་བསོད་ནམས་འཕེལ་བར་འགྱུར། །ཞེས་པས་བྲོད་པ་བསྐྱེད་ནས། །ད་བགེགས་བསྐྲད་པར་བྱ་སྟེ། ལས་ཀྱི་བུམ་པའི་མཚན་ཉིད་ནི། །གསེར་གྱི་བུམ་པའམ་ཡང་ན་ནི། །དངུལ་གྱི་བུམ་པ་དག་ཀྱང་རུང༌། །གཙང་མའི་གོས་ཀྱིས་དཀྲིས་ཤིང་དགང༌། །ནོར་བུ་ཡུངས་ཀར་དཱུར་བ་དང༌། །རིན་ཆེན་རྨ་མེད་ཙནྡན་བཅས། །ཤེལ་དང་རྡོ་རྗེ་མེ་ཏོག་དང། །ཆུ་ཡི་གསེར་ལ་སོགས་པ་ནི། །ཞེས་བྱ་བ་ནི་རྫས་བསྟན་པ་སྟེ། བུམ་པར་བླུགས་ལ་ཁ་ཚར་མ་ཉམས་པའི་རས་ཀྱིས་མགུལ་པ་བཅིངས་ལ་ཤར་ཕྱོགས་སུ་གཞག་གོ །གོང་གི་བུམ་པ་ཡང་དེ་བཞིན་ནོ། །དེ་བྱིན་གྱིས་བརླབ་པ་ནི། བུམ་པ་བྷྲཱུཾ་ལས་བསྐྱེད་པའི་ནང་དུ་འཁོར་ལོ་རྩིབས་བཞི་པ་བསམས་ཏེ། དེའི་ནང་དུ་ཟླ་བའི་སྟེང་དུ། རྡོ་རྗེ་རྒྱ་གྲམ་ཧཱུཾ་གིས་མཚན་པ་ལས། །ཁྲོ་བོ་བདུད་རྩི་འཁྱིལ་པ་མདོག་ལྗང་གུ་རྡོ་རྗེ་རྒྱ་གྲམ་སྡིགས་མཛུབ་བྲང་དུ་བསྣོལ་བའོ། །ཐུགས་ཀར་ཟླ་བའི་སྟེང་དུ་རྡོ་རྗེ་རྒྱ་གྲམ་ལ་ཟླ་བ་ལྔའི་སྟེང་དུ་རྡོ་རྗེའོ། །ཕྱིའི་རྡོ་རྗེ་རྒྱ་གྲམ་བཞིའི་སྟེང་དུ་རྡོ་རྗེ་བཞིའོ། །ནང་གི་མཚམས་བཞིར་ཡང་རྡོ་རྗེ། ཕྱིའི་མཚམས་སུ་ཡང་རྡོ་རྗེའོ། །བདག་ཉིད་ཟླ་བའི་སྟེང་དུ་ཧཱུཾ་ལས་རྡོ་རྗེ་དཀར་པོ་ཧཱུཾ་གིས་མཚན་པ་ལས་རྡོ་རྗེ་རྣམ་པར་འཇོམས་པ་སྐུ་མདོག་དཀར་པོ་རྡོ་རྗེ་དྲིལ་བུ་བསྣམས་པར་བསྒོམས་ལ། ཐུགས་ཀར་རྡོ་རྗེ་དཀར་པོ་ཧཱུཾ་གིས་མཚན་པ་གཅིག་ཏུ་བསྒོམས་ལ། སྤྱན་དྲང་བ་དང༌། མཆོད་པ་དང༌། བསྟོད་པ་དང༌། བསྟིམ་པར་བྱའོ། །དེ་ལྟར་བྱས་ནས་གཞན་དུ་ནི། །བདག་ཉིད་ཕྱག་ན་རྡོ་རྗེ་སྟེ། །འགྱིང་བག་ལྗང་སྔོན་ཅུང་ཞིག་ཁྲོས། །དང་པོ་རང་ཉིད་བཟླས་པ་བསྲུང༌། །ཨོཾ་ན་མོ་རཏྣ་ཏྲ་ཡཱ་ཡ། ན་མཤྩཎྜ་བཛྲ་པཱ་ཎ་
ཡེ་ཧཱུཾ་ཧཱུཾ་ཧཱུཾ་ཕཊ་ཕཊ། བདུན་ནམ་ཉི་ཤུ་རྩ་གཅིག་གེས། །བདག་ཉིད་བྱིན་གྱིས་བརླབས་ནས་ནི། །བསྐྱེད་པ་གཙོ་བོའི་ཐུགས་ཀ་ནས། །དམ་ཚིག་རྫོགས་ནས་ཤར་སྒོར་བསྒོམ། །བདག་གིས་ཡེ་ཤེས་སྤྱན་དྲངས་ཏེ། འདིས་ནི་སྔོན་དུ་བསྙེན་པ་བསྟན། །སྒྲུབ་པ་བདག་ཉིད་མི་བསྐྱེད་ཅིང༌། །དཀྱིལ་འཁོར་ཉིད་དུ་བདག་བྱའོ། །དེ་ནི་ལས་དང་བསྒྲུབ་པ་བྱ་བའི་རིམ་པའོ། །བདག་ཉིད་གོང་བཞིན་བསྐྱེད་བྱས་ནས། བཟླས་པའི་སྔགས་ཀྱི་རིམ་པ་ནི། །ན་མ་ཤྩཎྚ་བཛྲ་ཀྲོ་དྷཱ་ཡ་ཧཱུཾ་ཧཱུཾ་ཧཱུཾ་ཞེས་བྱ་བ་ནི་གཙོ་བོ་རྡོ་རྗེ་རྣམ་པར་འཇོམས་པའི་སྔགས་སོ། །མ་ཧཱ་ཡཀྵ་སེ་ནཱ་པ་ཏ་ཡེ་ཨ་མྲྀ་ཏེ་ཧཱུཾ་ཧུ་ལུ་ཧུ་ལུ། ཏིཥྛ་ཏིཥྛ། བྷནྡ་བྷནྡ། ཧ་ན་ཧ་ན་ཧཱུཾ་ཞེས་བྱ་བ་ནི་བགེགས་བསྐྲད་པའི་སྔགས་སོ། །སྒྲུབ་པ་ནི། ནམ་ཤྩཎྜ་བཛྲ་ཀྲོ་དྷཱ་ཡ་ཧཱུཾ། བདག་ཉིད་ཀྱིའོ། །ཧུ་ལུ་ཧུ་ལུ་ཏིཥྛ། བྷནྡ་བྷནྡ། ཧ་ན་ཧ་ན། ཧཱུཾ་ཧཱུཾ་ནི་ས་བོན་གྱི་སྔགས་སོ། །ཨ་མྲྀ་ཏེ་ཧཱུཾ་ཧཱུཾ་ཧཱུཾ་ཕཊ་ཅེས་བྱ་བ་ལན་བདུན་ནམ་ཉི་ཤུ་རྩ་གཅིག་བཟླས་པས་བདུད་རྩིར་བསམ་མོ། །དེས་ནི་ལས་ཐམས་ཅད་འགྲུབ་པའི་བུམ་པའོ། །དེ་ལྟར་ཐབས་ཀྱི་དོན་དང༌། ཤེས་རབ་ཀྱི་དོན་བཤད་ནས། དེའི་ཆེ་བའམ་ཕན་ཡོན་བཤད་པ་ནི། །རྒྱུད་དོ་ཅོག་གི་རྩ་བ་སྟེ། །སྡིག་པ་ཐམས་ཅད་བྱང་བྱས་ནས། །སྡུག་བསྔལ་ཐམས་ཅད་མེད་པར་བྱེད། །དཔལ་ཀུན་གྱིས་ནི་ལེགས་པར་བརྒྱན། །ཞེས་བྱ་བ་ནི་རྒྱུད་ཀྱི་རྩ་བར་གྲུབ་པ་ནི་ཕྱིའི་རྩ་བར་གྲུབ་པ་དང༌། ནང་གི་རྩ་བར་གྲུབ་པ་དང༌། སྤྱོད་པའི་རྩ་བར་གྲུབ་པའོ། །ཕྱིའི་རྩ་བར་གྲུབ་པ་ནི་རྒྱལ་བུ་ལས་རྒྱལ་པོར་བསྐྱེད་པའོ། །ནང་གི་རྩ་བར་གྲུབ་པ་ནི་བུམ་པ་ལས་གསུམ་དུ་བསྐྱེད་པའོ། །སྤྱོད་པའི་རྩ་བར་གྲུབ་པ་ནི་ཁྲུས་འགྲོ་བའོ། །སྤང་བྱའི་རྩ་བར་འགྲོ་བ་སྟེ། ཕྱིས་མཚོན་ནས་ནད་དག་པའོ། །དེའི་ཕྱིར་རྩ་བའོ། །སྡིག་པ་ཐམས་ཅད་བྱང་བྱས་ནས། །ཞེས་བྱ་བ་ནི་དེས་ནུས་པ་གཞག་ནས་གསུམ་པ་ལ་ལ་ཞུགས་པ་དང་དག་པར་འགྲོ་བ་དང་རྒྱུད་ཟབ་མོ་མཉན་པས་དག་པ་དང༌། རང་རང་ལ་རྟོགས་པ་ཁྱད་པར་ཅན་སྐྱེས་པས་དག་པའོ། །རྩ་བའི་དོན་གྱི་སྒོ་ནས་སོ། །རྒྱུད་འདི་ནི་ཕན་ཡོན་དུ་མཚོན་ནས་དག་པའོ། །དེའི་ཕྱིར་རྩ་བའོ། །སྡིག་པ་ཐམས་ཅད་བྱང་བྱས་ནས། །ཞེས་པ་སྡུག་
བསྔལ་དང་བར་ཆོད་ཐམས་ཅད་སེལ་བར་བྱེད། དཔལ་ཀུན་ཏེ་འབྲས་བུ་བདེ་བའི་དོན་ཏོ། །འོ་ན་སྡུག་བསྔལ་ཇི་ལྟར་ཞི་བར་བྱེད་ཅེ་ན། འདིའི་ཕན་ཡོན་དང་ཕྱི་མའི་ཕན་ཡོན་ནོ། །དེ་ལ་འདིའི་ཕན་ཡོན་ནི། །སེམས་ཅན་དབང་པོ་ཉམས་པ་དང༌། །ཚེ་ཟད་པ་དང་ཚེ་ཉམས་དང༌། །ཞེས་བྱ་བ་ནི་དབང་པོ་ལྔ་ཉམས་པ་སྟེ་མི་གསལ་བ་གསལ་བར་འགྱུར་བ། ཡིད་མི་གསལ་ཏེ་གདོན་གྱིས་དཀྲུགས་ཤིང༌། རྣལ་དུ་མི་གནས་པ་སེལ་བ་དང༌། ཚེ་ཟད་པ་སེལ་བར་བྱེད་ཅིང་ཉམས་པ་འགུགས་པར་བྱེད་པའོ། །ཚེ་ནི་སྲོག་གོ །ཉམས་པའི་རྒྱུ་ནི་རྐྱེན་ཟད་པ་དང༌། བར་དུ་གཅོད་པ་སྟེ་གསོ་བར་བྱེད་པའོ། །ཕུན་སུམ་ཚོགས་མིན་གང་ཆགས་དང༌། །ལྷ་རྣམས་རྒྱབ་ཀྱིས་ཕྱོགས་པ་དང༌། །ཞེས་བྱ་བ་ནི་ཕུན་སུམ་ཚོགས་པ་མེད་པ་ནོར་དང་ལང་ཚོལ་སོགས་པ་མེད་ཅིང་བྲན་དུ་འགྲོ་བ་དང་སྐྱེས་པའོ། །དེ་ཡང་སྡུག་བསྔལ་དང་ལྡན་མོད་ཀྱི། །ལས་ངན་པ་གང་ཞིག་གིས་ཆགས་ཤིང་འདུག་པའོ། །ལྷ་རྣམས་རྒྱབ་ཀྱིས་ཕྱོགས་ཞེས་བྱ་བ་ནི་རྒྱལ་པོས་ཆད་པ་བྱེད་པའོ། །ཡང་ན་འཇིག་རྟེན་གྱི་ལྷས་རྒྱབ་ཀྱིས་ཕྱོགས་པའོ། །རྒྱུ་མཚན་ཅི་ཞེ་ན། འགལ་བའི་སྟོབས་ཀྱིས་སོ། །དམན་པ་རྣམས་ཀྱིས་ཀྱང་གནོད་པ་ནི། །བྲན་བཟའ་ལ་སོགས་གཙེས་པ་དང༌། །མཛའ་སྡུག་སྐྱེ་བོ་སྡང་བ་དང༌། །ཞེས་བྱ་བ་ནི་མཛའ་སྡུག་སྐྱེ་བོ་ནི་རང་གི་མཛའ་བོ་དང༌། གཞན་རྣམས་སྡང་བའོ། །བྲན་བཟའ་ནི་བྲན་མོ་དང་ཆུང་མའོ། །སོགས་པ་ནི་བུ་མོ་ལ་སོགས་པ་བསྡུས་པའོ། །ཕན་ཚུན་མཐུན་པ་མ་ཡིན་དང༌། །ནོར་འགྲིབས་པས་ནི་གནོད་པ་དང༌། །ཞེས་བྱ་བ་ནི་ཕན་ཚུན་མཐུན་པ་མ་ཡིན་པ་ནི་དགྲ་བོའོ། །ནོར་འགྲིབས་པ་ནི་གནོད་པ་དང༌། །ཞེས་བྱ་བ་ནི་ནོར་འཕྲོག་པའི་དགྲ་བོ་དེས་གནོད་པ་བསྐྱེད་པའོ། །དེ་ནི་འཇིག་རྟེན་འདིའི་གནོད་པ་སེལ་བའོ། །ཕྱི་མའི་གནོད་པ་གང་ཞེ་ན། མྱ་ནང་ལ་དང་གནོད་པ་དང། །འཇིགས་པ་དང་ནི་ཕོངས་པ་དང༌། །ཞེས་བྱ་བ་ནི་མྱལ་བ་དང་ཡི་དགས་དང༌། དུད་འགྲོ་སྟེ། མྱ་ངན་གྱིས་གདུངས་པ་དང༌། ངལ་བ་དང༌། ལུས་སེམས་ཀྱི་གནོད་པ་གཤིན་རྗེའི་འཇིགས་པ་དང༌། བདེ་བས་ཕོངས་པ་སེལ་བར་བྱེད་པའོ། །མི་མ་ཡིན་གྱི་གནོད་པ་ནི། གཟའ་
དང་རྒྱུ་སྐར་བྱད་སྟེམས་དང༌། མི་བཟད་གདོན་གྱིས་ཉེན་པ་དང༌། །ཞེས་བྱ་བས་སོ། །ཡིད་མི་དགའ་བ་ལས་བྱུང་བ་ནི། །མྱ་ངན་ལ་ལས་བྱུང་བ་དང༌། །རྨི་ལམ་སྡིག་པ་མཐོང་ན་ཡང༌། །ཞེས་བྱ་བ་ནི་ཡིད་མི་དགའ་བས་ལུས་དུབ་པ་དང༌། རྨི་ལམ་ངན་པས་ཡིད་དུབ་པའོ། །དེ་དག་ཀྱང་དག་པ་གང་གིས་ཤེ་ན། །དེས་ནི་རབ་བཀྲུས་གཙང་མ་ཡིན། །ཞེས་བྱ་བས་སོ། །འོ་ན་སྡིག་པ་ཇི་ལྟར་བྱད་ཞེ་ན། །ཟབ་མོ་སངས་རྒྱས་སྤྱོད་ཡུལ་བ། །མདོ་སྡེ་དམ་པ་མཉན་པར་བྱ། །མདོ་སྡེ་དམ་པ་ཉན་བྱེད་ན། །མདོ་སྡེ་འདི་ཡི་གཟི་བརྗིད་ཀྱིས། །ཞེས་བྱ་བ་ནི་ཟབ་མོ་སྟེ་བྱིན་གྱིས་བརླབས་པ་བུམ་པའི་དབང་འདི་དང༌། འབྲེལ་པའི་དབང་གསུམ་དང༌། མདོ་རྒྱུད་ཀྱི་སྤྱོད་པ་བཞི་འམ། །སྤྱོད་པའི་ཁྱད་པར་དང༌། ལྟ་བ་དང་ལྟ་བའི་ཁྱད་པར་ཤེས་པས་སོ། །དེས་ཅིར་འགྱུར་ཞེ་ན། ཤེས་ནས་སྤོང་བ་སྟེ་གཉེན་པོས་སོ། །ཤེས་ནས་དག་པ་སྟེ་རང་བཞིན་གྱིས་སོ། །དེ་ལྟར་དཔལ་ཀུན་གྱིས་ལེགས་པར་བརྒྱན་པ་ནི་གང་ཟག་དེས་གཞན་རྗེས་སུ་འཛིན་པར་འགྱུར་ཏེ། སྲོག་ཆགས་དག་ནི་ཐམས་ཅད་དང༌། །མི་བཟད་པ་ཡི་ནད་རྣམས་ཀྱང༌། །དེ་དག་ཐམས་ཅད་ཞི་བར་ལྟ། །ཚེ་དང་བསོད་ནམས་འཕེལ་བར་འགྱུར། །ཞེས་བྱ་བ་ནི་ཐབས་ལ་བརྟེན་པས་ཞི་བ་དང་རྒྱས་པ་དང༌། དབང་དང་མངོན་སྤྱོད་ཀྱིས་ཞི་བར་བྱེད་ཅིང་ཚེ་འཕེལ་བར་བྱེད་པའོ། །ཤེས་རབ་ཀྱི་དོན་གྱིས་གཞན་དག་གི་སྡིག་པ་དང༌། དྲི་མ་དག་པར་བྱེད་པ་ནི། གསུམ་ཀ་ཡོངས་སུ་རྫོགས་པ་དང༌། །ཡང་ན་ཐུགས་མཚན་གསལ་བ་དང༌། ཡང་ནས་བོན་གསལ་བས་ནི། །བྱིན་རླབས་གཞན་ལ་ཁྲུས་བྱའོ། །དྲི་མ་ཐམས་ཅད་ཡོངས་སྤངས་པའི། །གཟུགས་ཀྱི་དྲི་མ་དག་བྱེད་པའི། །ཡོན་ཏན་ཆུ་འབྱུང་ནོར་བུ་འདིས། །བཀྲ་ཤིས་རྫས་ཀྱིས་དག་གྱུར་ཅིག །སྨིན་ཅིང་ཡོངས་སུ་འདུལ་བ་ཡི། །ཚོར་བའི་དྲི་མ་དག་བྱེད་པའི།། ཡོན་ཏན་མར་འབྱུང་ཡུངས་ཀར་འདིས། །འདུ་ཤེས་དྲི་མ་དག་གྱུར་ཅིག །སེམས་ཅན་ཀླུ་ཡི་སྐྱབས་མཛད་པའི། །རང་བཞིན་ཡོན་ཏན་བདུད་རྩིར་ལྡན། །འདུ་བྱེད་དྲི་མ་དག་གྱུར་ནས། །འགྲོ་ཀུན་རང་བཞིན་སོས་གྱུར་ཅིག །ཕོངས་པ་ཀུན་གྱི་སྐྱབས་གྱུར་ཅིག་རང་བཞིན་གྱིས་ནི་འདོད་ཡོན་
འབྱུང། །རྣམ་ཤེས་དྲི་མ་དག་གྱུར་ཅིག་དབུལ་པོ་རྣམས་ཀྱི་སྐྱབས་གྱུར་ཅིག །རང་བཞིན་གྱིས་ནི་དྲི་དང་ལྡན། །ཚ་བའི་གདུང་བ་འཇོམས་པར་བྱེད། །རང་བཞིན་གྱིས་ནི་དག་པའི་མདོག །ཁ་དོག་སྣ་ཚོགས་འགྱུར་བའི་ཤེལ། །འདམ་གྱིས་མ་གོས་ཁ་དོག་གསལ། །ཉོན་མོངས་ནད་སེལ་པདྨ་ལ། །རང་བཞིན་གྱིས་ནི་འོད་གསལ་བ། །མེ་ཏོག་གཡའ་བྲལ་ས་ལེ་སྦྲམ། །རང་བཞིན་གྱིས་ནི་དག་པ་ལ། །གློ་བུར་དྲི་མ་དག་གྱུར་ཅིག །ཡོན་ཏན་ཡོངས་སུ་བརྒྱན་པ་ཡི། །རྒྱུ་བཟངས་དབྱིབས་ལེགས་ཁ་དོག་མཛེས། །ཆུ་ཡི་བདག་ཉིད་མི་བསྐྱོད་པ། །རྣམ་ཤེས་དྲི་མ་དག་གྱུར་ཅིག ། ཅེས་གསུངས་སོ། །འོ་ན་གསང་སྔགས་བརྗོད་པའི་གྲངས་གང་ཞེ་ན། ལན་གྲངས་ཉི་ཤུརྩ་གཅིག་གམ། །ཡང་ན་ལན་གྲངས་བརྒྱ་རྩ་བརྒྱད། །ཅེས་བྱ་བ་བསྟན་ཏོ། །གང་བཟླས་ཤེ་ན། རྡོ་རྗེ་རྣམ་པར་འཇོམས་པའི་གསང་སྔགས་ཀྱི་གྲངས་ཏེ། རྡོ་རྗེ་རྣམ་འཇོམས་བཟླས་ནས་ནི། །རྒྱལ་པོ་རྟག་ཏུ་ཁྲུས་ཀྱིས་ཤིག །བཅོམ་ལྡན་འདས་རྡོ་རྗེའི་ཏིང་ངེ་འཛིན་ལས་བཞེངས་ནས་འཛུམ་པ་མཛད་དོ། །དེའི་དོན་ནི་བསྐུར་བྱ་དང༌། སྐུར་བྱེད་དོ། །དེ་བས་ཁྲུས་ཀྱིས་ཤིག་པའོ། །རྒྱུད་དང་གདམས་ངག་དག་ལས་ནི། །བསྒྲུབས་ན་དྲི་མེད་འབྲས་བུ་ཐོབ། །དེ་ཕྱིར་གཞན་ཕན་བྱ་ཕྱིར་བརྩམས། །དེ་ཡིས་འགྲོ་ཀུན་འབྲས་ཐོབ་ཤོག །སིངྒ་ལར་ནི་འགྲེལ་དང་རྒྱུད་དོན་རྟོགས། །བཛྲ་རཏྣ་དེ་ཝས་དེ་དོན་བརྩམས། །དབང་འབྱོར་ཟད་མི་ཤེས་པའི་གཏེར། །དངོས་གྲུབ་འབྲས་བུ་བདག་གིས་ཐོབ། །དགེ་བ་དྲི་མེད་ཡོད་པ་དེས། །བླ་མ་རྣམས་དང་འགྲོགས་པར་ཤོག །རྡོ་རྗེ་རྣམ་པར་འཇོམས་པའི་གཟུངས་ཀྱི་འགྲེལ་པ་རིན་ཆེན་ཕྲེང་བ་ཞེས་བྱ་བ་སློབ་དཔོན་ཆེན་པོ་ས་ཝ་རི་པས་མཛད་པ་རྫོགས་སོ།། །།པཎྜི་ཏ་དེ་བ་ཕུ་ཎྱ་མ་ཏི་དང༌། ལོ་ཙཱ་བ་དགེ་སློང་ཆོས་ཀྱི་བཟང་པོས་བསྒྱུར་བའོ།།