མེ་ཏོག་ལ་བརྟེན་པའི་སྒྲུབ་ཐབས།
འཇིག་རྟེན་གསུམ་ལས་རྒྱལ་བའི་མཚན་མ་ཅན་ལ་ཕྱག་འཚལ་ལོ། །ཐུབ་དབང་མཚན་ལྟས་བདེ་གཤེགས་མེ་ཏོག་འདབ་སྟོང་དང༌། །བདག་ཉིད་ཆེན་པོའི་པདྨ་འདབ་བརྒྱ་ཕྲག་མཚོན་པ། །སྐལ་བཟང་རྒྱལ་བ་བྱང་ཆུབ་ཕྱོགས་བརྒྱའི་ལྷ་ཚོགས་ཅན། །ཆོས་འཆད་ཕྱག་དབུས་གཡས་གཡོན་སྡོང་བུ་མཛེས་རྒྱས་མདུད། །སྐལ་པ་བཟང་པོས་སྔ་དྲོའི་དུས། །དབེན་པའི་གནས་སུ་མཎྜལ་བྲི། །རིན་ཆེན་ཁྲི་བཀོད་པདྨོའི་སྟེང༌། །རྒྱལ་དང་དེ་སྲས་རིན་ཆེན་བཞུགས། །བསྟོད་དབྱངས་སྔོན་དུ་འགྲོ་པས་མཆོད། །རྐང་པས་བྲོ་བརྡུང་ལག་གར་བསྒྱུར། །སེ་གོལ་གཏོགས་པས་སྤྱི་གཙུག་གཞག །ཁྲུས་གསོལ་དེ་ནས་རྒྱན་སོགས་དབུལ། །མཆོད་པ་ལྔ་དང་ལྡན་པ་ཡི། །གཏོར་མ་ཆེན་པོ་དབུལ་བྱས་ལ། །རོལ་མོ་དང་ནི་བདུག་པར་བཅས། །ལན་གྲངས་ཉི་ཤུ་གཅིག་བསྐོར་བྱ། །མེ་ཏོག་དུ་མས་བཀང་བ་ཡི། །བུམ་པ་བཟང་པོ་བཞི་བཅས་ཏེ། བ་དན་དམར་པོ་བཞི་མཚན་ལ། །མེ་ཏོག་སྣོད་བཞིས་ཁ་རབ་བརྒྱན། །ཕྲེང་བ་སྤེལ་ལེགས་མཛེས་པ་ལ། །ཡིད་བཞིན་ནོར་བུའི་སྔགས་བཏབ་ནས། །གཡས་སུ་འཁྱིལ་པ་ལ་སོགས་དུང༌། །སྣོད་བཟུང་དལ་བུས་དོར་བར་བྱ། །འཇིག་རྟེན་གསུམ་ལས་རྣམ་རྒྱལ་མཚན། །རི་དབང་རྩེ་ནས་སྤྱན་དྲངས་ཏེ། །བདག་ལུས་མཆོད་སྦྱིན་བྱས་ནས་སུ།། སེམས་ནི་སྐུ་ལ་བསྟིམ་པར་བྱ། །རྡོ་རྗེའི་སྐུ་མདོག་འོད་བཟང་མཁྲེགས། །ཐུབ་དབང་རིང་བསྲེལ་དོ་ཤལ་ཐོགས། །གཞོན་ནུའི་ཆ་ལུགས་གར་མཁན་ཚུལ། །པི་ཝང་ལྷན་ཅིག་དགྱེས་པའོ། །ཡེ་ཤེས་ཅན་ལས་ཡེ་ཤེས་སྐུ། །གཞན་སྤྲུལ་བུམ་བཟང་དཔག་ཏུ་མེད། ཐོགས་ནས་དྲི་མཆོག་ཁྲུས་གསོལ་ཞིང། །མེ་ཏོག་སྙིང་པོས་མཆོད་ཆར་དབབ། །ཕྱོགས་བཞི་ནས་ནི་དམ་ཚིག་ཅན། །སྔགས་པ་ལྷུབ་ལྷུབ་གོས་གྱོན་ནས། །རོལ་མོ་དབྱངས་དང་ལྷན་ཅིག་པས། །མེ་ཏོག་སྣ་ཚོགས་ཆར་དབབ་པོ། །ཨོཾ་ཨཱཿཧྲཱིཿབཛྲ་ཛྙཱ་ནཱ་བི་ཤུདྡྷ་མ་ཧཱ་བི་ན་བི་ཕུལླ་དྷ་ར། སརྦ་ཏྭཱརྠཱ་མམ་སརྦ་ཀཱ་ཡ་ཝཱ་ཀ་ཙིཏྟཱ་
པཱ་པཾ་ཨཱ་པ་ར་ཎ་ཤོ་དྷ་ཡ། ཤོ་དྷ་ཡ། བྷ་ར་བྷ་ར། སཾ་བྷ་ར་སཾ་བྷ་ར། སཾ་ཧ་ར། ཨཱ་ཀཱཪྵ་ཡ། ཨཱ་ཀཱཪྵ་ཡ། སརྦ་ཏ་ཐཱ་ག་ཏ་ཧྲྀ་ད་ཡ་ག་རྦྷེ་ཛྭ་ལ་ཧཱུཾ་ཕཊ་སྭཱ་ཧཱ། དེ་ནས་གང་བདོག་འབྱོར་པ་རྣམས་ཀྱིས་བསྟི་སྟང་བྱ་བ་དང༌། །གུས་པས་མེ་ཏོག་བླངས་ནས་སྤྱོད་ཡུལ་ཀུན་ལ་ཁྱབ་བར་གཏོར། །སྙིང་པོ་མཆོག་ཉིད་ཤིང་ལོའི་ག་པུར་གཞག་ཅིང་དྲི་བཟང་བྱུག །དེ་ཡི་ཁྲུས་ཆབ་བདག་གདོང་བཀྲུ་བགོ་ཐམས་ཅད་བསྒྲུབ། །མེ་ཏོག་ལ་བརྟེན་པའི་སྒྲུབ་ཐམས་རྫོགས་སོ།།