དཔག་བསམ་གྱི་ཤིང་ཅན་གྱི་སྒྲུབ་ཐབས།
ཐུགས་རྗེ་ཆེན་པོ་དཔག་བསམ་གྱི་ཤིང་ཅན་ལ་ཕྱག་འཚལ་ལོ། །དཔག་མེད་བསོད་ནམས་ཡེ་ཤེས་ཚོགས་རབ་སྨིན་པའི་རྒྱུས། །གང་སྐུ་མི་གཏོད་དཔག་བསམ་ཤིང་ཆེན་བསིལ་གྲིབ་ཅན། །འགྲོ་བའི་དོན་དུ་ཤིན་ཏུ་རྨད་བྱུང་སྐུ་སྟོན་པ། །སྤྱན་རས་གཟིགས་དབང་ཐུགས་རྗེ་ཆེ་མངའ་འདིར་མཉེས་བརྗོད། །ཐོག་མར་རྣལ་འབྱོར་གྱི་དབང་ཕྱུག་ཆེན་པོས་ཚངས་པའི་གནས་བཞི་བསྒོམ་པར་བྱའོ། །ཕྱི་དང་ནང་ལ་སོགས་པའི་རྣམ་པར་དག་པ་སྒྱུར་བའི་རིམ་པས་རྒྱས་བཏབ་ལ། བདག་ཏིང་ངེ་འཛིན་རྒྱལ་པོའི་དང་ལ་གནས་པས། རིན་པོ་ཆེའི་ས་གཞི་ལས་མངོན་པར་བྱུང་བའི་དཔག་བསམ་གྱི་ཤིང་གི་ཡལ་ག་དང༌། མེ་ཏོག་དང་འབྲས་བུ་བསམ་གྱིས་མི་ཁྱབ་པ་རྒྱས་པ། སྤོས་ཀྱི་ངད་ཞིམ་པོས་བསྲུང་ཞིང་དེ་ལས་གྲུབ་པའི་སིལ་སྙན་གྱི་སྒྲས་ཆོས་ཀྱི་སྒོ་ཐམས་ཅད་ཡང་དག་པར་སྟོན་པ། ལྷའི་བུ་དང་བུ་མོ་ལ་སོགས་པ་བྱེ་བ་ཁྲག་ཁྲིག་བརྒྱ་སྟོང་གིས་བསྟོད་ཅིང་ཕུ་དུད་བྱས་པའི་སྡོང་བུ་ཆེན་པོ་ལ་བཞུགས་པ་ནི། འཕགས་པ་སྤྱན་རས་གཟིགས་ཀུན་ནས་འོད་ཟེར་བཀོད་པའི་རྒྱལ་པོ། ཀུན་དུ་ཞལ་ཁ་དོག་བཞི་པ་ཕྱག་བརྒྱད་ཀྱིས་རབ་ཏུ་མཛེས་པ་རྡོ་རྗེ་སྐྱིལ་མོ་ཀྲུང་གིས་མི་གཡོ་བར་བཞུགས་ཤིང༌། འོད་དཔག་ཚད་གཅིག་པས་བཙུན་མོ་དང་བཅས་པའི་འཁོར་གྱི་དཀྱིལ་འཁོར་ལྷམ་མེ་ལྷང་ངེར་གསལ་བར་མཛད་པའོ། །ཆགས་བྲལ་ཆགས་པའི་ཁ་དོག་ཅན། །ནོར་བུ་འབར་བས་བརྒྱན་པའི་སྐུ། །བལྟ་བས་མི་ངོམས་བཙུན་མོ་དང༌། །ལྷན་ཅིག་འཇིགས་སྐྱོབ་ལ་སོགས་འཁྱུད། །གཞན་དག་སྡོད་བུ་ལས་ཕྱེ་བ། །དགུ་བརྒྱ་དགུ་བཅུ་དགུ་ཡལ་ག །ཟླ་བ་ཉི་མ་སོགས་སྟེང་དུ། སྐལ་བཟང་སངས་རྒྱས་འཛུམ་པ་མཛད།།
ཤཱཀྱའི་རྒྱལ་པོ་ཐུགས་ཀ་དང༌། །འོད་དཔག་མེད་དཔལ་ཅོད་པན་དང༌། །སྨིན་མཚམས་ན་ནི་མི་བསྐྱོད་པ། །ཕྱག་མཐིལ་རྡོ་རྗེ་མགྲིན་སྔོན་ཉིད། །གང་དག་འཇིག་རྟེན་འདི་དང་གཞན། །བཀྲ་ཤིས་རྫས་དང་ནོར་དང་འབྲུ། །མེ་ཏོག་རྒྱན་དང་མཆོད་རྫས་སྨན། །གང་ཡོད་མ་ལུས་འདིར་སྦྲུལ་བྱ། །བཻཌཱུར་རང་བཞིན་སྡོང་བུ་རབ་ཏུ་ཀུན་ནས་བརྗིད་ཆགས་འཁྲུངས་པ་ཡི། །ཡལ་ག་བཟང་གྱེས་ཕྱོགས་བཅུར་འདུད་རྣམས་རྫོགས་པའི་སངས་རྒྱས་ཁུར་ཁྱེར་ཞིང༌། །འབྲས་བུ་གཡུར་ཟ་མེ་ཏོག་ཁ་ཕྱེ་ཕན་ཚུན་འགྲན་པ་བཞིན་སྟོན་པ། །མཁའ་ཁྱབ་དྲི་ལྡང་འཇིག་རྟེན་གསུམ་སྐྱབས་དགའ་བ་སྐྱེད་པར་བྱེད་པ་ཡིན། ཡེ་ཤེས་པ་སྤྱན་དྲངས་ནས་གུས་པས་རྫས་དང་བཅས་པས་རིམ་གྲོ་རྫོགས་པར་བྱས་ལ། སྡིག་པ་བསལ་བ་དང༌། འགྲོ་བའི་དོན་དུ་གསོལ་བ་བཏབ་སྟེ། རང་གི་སྤྱོད་ཡུལ་དུ་གནས་པར་བསམ་མོ། །དེའི་འོག་ཏུ་དཔག་བསམ་གྱི་མཆོད་པ་དབུལ་བ་དང༌། ལྷན་ཅིག་ཏུ་རིག་སྔགས་བཟླ་ཞིང་གར་མཁན་དང་རོལ་མོ་མཁན་དང༌། གླུ་མཁན་ལ་སོགས་པས་དགྱེས་པ་བསྐྱེད་པར་བྱའོ། །ཨོཾ་ཨཱཿཧྲཱིཿ་ཀལྤ་བྲྀཀྵ་ཧཱུཾ། ནམ་ཞིག་སྐྱོ་བར་གྱུར་ན་ཡང༌། །ཡེ་ཤེས་རྟེན་ལ་བསྡུས་ནས་སུ། །དམ་ཚིག་དྲན་པའི་རྒྱས་བཏབ་སྟེ། །ཚོགས་བརྔར་བ་ནི་མཁས་པའི་ལུགས། །དཔག་བསམ་གྱི་ཤིང་ཅན་གྱི་སྒྲུབ་ཐབས་རྫོགས་སོ།། །།