རྗེ་འཇིག་རྟེན་དབང་ཕྱུག་གི་སྒྲུབ་ཐབས།

---

^{[མ་དཔེ་གཟིགས་ན་འདིར་གནོན།]}

ཐུགས་རྗེ་ཆེན་པོ་ལ་ཕྱག་འཚལ་ལོ། །སྲིད་གསུམ་གཙོ་བོ་ཞི་བའི་ལྷ། །ཐུགས་རྗེས་མི་བསྙེལ་ཤེས་རབ་ཀྱིས། །ཆགས་བྲལ་འཇིག་རྟེན་དབང་

---

^{[མ་དཔེ་གཟིགས་ན་འདིར་གནོན།]}

ཕྱུག་གི །ཞབས་ཀྱི་པདྨོར་སྤྱི་བོས་འདུད། །གསུམ་ལ་སྐྱབས་སོང་སེམས་བསྐྱེད་པས། །བྱམས་སོགས་ཚད་མེད་ལེགས་སྦྱངས་ཤིང༌། །བརྩེ་ཆེན་ཡེ་ཤེས་སྙིང་གི་མེས། །ལུས་ཅན་སྒྲིབ་པའི་བུང་ཤིང་བསྲེག །རྣམ་ལྔ་བྱང་ཆུབ་ལས་འཁྲུངས་སྐུ། །གཞོན་ནུ་དཀར་མཛེས་ཕུན་ཚོགས་ཚུལ། །མཆོག་སྦྱིན་པདྨོ་གཡས་དང་གཡོན། །འོད་དཔག་མེད་པའི་དབུ་བརྒྱན་བསྒོམ། །དེ་ཉིང་པདྨ་འདབ་བཞིས་ཏེ། །ལྟེ་བར་རང་སེམས་ཧཱུཾ་ཡིག་ནི། །ཨོཾ་དང་ཨཱཿདང་ཧྲཱིཿཧཱུཾ་བཞིས། །བསྐོར་བའི་དག་གིས་ས་གསུམ་སྦྱང༌། མེ་ལོང་གཟུགས་དང་བྲག་ཅའི་སྒྲ། །མཁའ་འདྲ་དག་དང་དྲི་མེད་དང༌། །ཡེ་ཤེས་ཕྲིན་ལས་སྦྱར་བ་ཡི། །སེམས་འདི་ལྷ་ཡི་བདག་ཉིད་འགྱུར། །རྗེ་འཇིག་རྟེན་དབང་ཕྱུག་གི་སྒྲུབ་ཐབས་རྫོགས་སོ།།