སྐྱེ་བ་བསྡམས་པའི་ཆོ་ག།
ཐུགས་རྗེ་ཆེན་པོ་ཚེ་རབས་དབང་དུ་གྱུར་བ་ལ་ཕྱག་འཚལ་ལོ། །དལ་བ་འདིས་ལམ་དབང་དུ་མ་གྱུར་བའི་སྒྲུབ་པ་པོ་རྣམས་ཀྱིས་བཅོམ་ལྡན་འདས་ཚེ་རབས་དབང་དུ་གྱུར་པའི་བརྟགས་པ་བསྒོམ་པར་བྱ་སྟེ། ཇི་ལྟར་སྤྱོད་པའི་གནས་ཉིད་དུ། །འཇིག་རྟེན་ཕ་རོལ་དྲན་བྱས་ནས། །ཇི་སྐད་བཤད་པའི་མན་ངག་གིས། །དབང་གྱུར་འཕགས་པ་མཉེས་པར་བྱ། །དལ་བ་རིང་དུ་མི་གནས་དང༌། །རྒྱུ་དང་འབྲས་བུས་རྗེས་འབྲེལ་ལ། །སོམ་ཉི་སྤངས་ནས་སྲིད་པ་ལས། །ཡིད་བྱུང་ཞི་ལ་དགའ་བ་བསྐྱེད། །བདག་གིས་ཡོངས་སུ་གཟུང་བ་གང༌། །ཇི་ཙམ་ཆགས་པས་རྗེས་བསྲུངས་པ། །དེ་དག་དེ་ཙམ་སྐྱོ་བ་ཡིས། །མཆོད་སྦྱིན་བྱས་ཏེ་གཅིག་པུར་གནས། །ཞིང་འདིར་གདུག་པ་དྲག་པོ་དང༌། །མི་གཡོ་ལ་སོགས་འདུན་པ་ཆེ། །ལྟོས་བྲལ་ལྷག་པར་མོས་བཅས་པ། །རྣལ་འབྱོར་རྒྱལ་པོ་ངེས་པར་བྱ།། དེའི་འོག་ཏུ་བདག་ཉིད་ཀྱི་སྙིང་པོ་གསུམ་ལྷའི་མཚན་མ་གསུམ་དུ་བསྒྱུར་ཏེ། ཐ་མལ་ལུས་ལས་འདས་ནས་ཏིང་ངེ་འཛིན་སེམས་དཔའི་མངོན་པར་འདུ་བྱེད་པས་བཅོམ་ལྡན་འདས་ཚེ་རབས་དབང་དུ་གྱུར་པའི་གཟུགས་ཀྱི་འདུ་བྱས་པ་ལ་ཞུགས་ཏེ་བླ་མ་དང་ལྷ་རྗེས་དུས་དྲན་པ་དང་མ་བྲལ་བ་བཞིན་དུ་རིག་པ་མཆོག་གི་སྔགས་འདི་བརྗོད་པར་བྱའོ། །ཨོཾ་ཨཱཿ་ཧྲཱིཿ་མ་མ་པ་ར་ཛཱརྨྨ་ར་ཀྵཱ་བ་ར་ཎེ་གུབྟི་བིཪྻ་བྱ་མ་ཧེ་སྭཱ་ཧཱ། ཨོཾ་ཨཱཿཧྲཱིཿ་སརྦ་དུ་ཥྚཱ་ན་མ་མ་ཀྲྀ་ཏེ་ཛཾ་བྷ་ཡ། སྟཾ་བྷ་ཡ། མོ་ཧ་ཡ། བནྡྷ་ཡ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ་སྭཱ་ཧཱ། ཨོཾ་A':་ཧྲཱིཿ་མ་ཧཱ་ཀཱ་རུ་ཎི་ཀཱ་ཡ། མ་མ་པར་ཛཱརྨྨ་ཏ་ར་སརྦ་པྲེ་སྠེ་བེ་རཱཀྵ་བར་ཎཾ་གུཔྟི་སྨ་ར་སྨ་ར་པྲ་ཏི་ཛྙཱ་མ་ཧཱ་ས་མ་ཡ་སུ་སྨ་ར་སྭཱ་ཧཱ། བརྩོན་པའི་ཆ་ལུགས་གནས་ཞབས་གཉིས། །གང་དུ་འདོད་པའི་ཞིང་དེར་བསྐྱོད། །ཆུ་སྐྱེས་ལ་སོགས་སྡོང་བུའམ། །རིན་ཆེན་ཕོ་བྲང་མཆོག་བདག་འཇུག །རྨི་ལམ་རྨིས་པས་བར་ཆོད་པ། །དོ་མོད་མཚན་མོའི་བར་སྐབས་འབྲས། །མཁས་པས་དོགས་པ་མེད་བྱས་ཏེ། །ལྷ་བསྙེན་ཇི་ལྟར་འདོད་བཞིན་སྐྱེ། །སྐྱེ་བོ་ཀུན་གྱི་མངལ་སྒོར་ནི། །སྙིང་རྗེ་ཆེན་པོ་སྤངས་པའི་རྟེན། །ས་བོན་སྡིག་པ་བསམས་ནས་ནི། །རྟག་ཏུ་འཇིགས་པས་གོམས་པར་བྱ། །དཔལ་ལྡན་ཤར་སོགས་ཡོངས་དག་ཞིང༌། །མངོན་དགའ་དྲག་པོས་རྟག་གོམས་པས།།
སྨོན་ལམ་ལྷན་ཅིག་དང་སྲོང་མཐུས། །སྐར་མདའ་ལྟ་བུར་ཐོགས་པ་མེད། །སྐྱེ་བ་བསྡམས་པའི་ཆོག་རྫོགས་སོ།།