ཕྱག་ན་རྡོ་རྗེ་གོས་སྔོན་པོ་ཅན་གྱི་སྒྲུབ་ཐབས།
སུ་ཝཱ་གཱི་ཤྭ་ར་ཀཱི་རྟི།
རྒྱ་གར་སྐད་དུ། ནཱི་ལཱཾ་བར་དྷ་ར་བཛྲ་པཱ་ཎི་སཱ་དྷ་ནཾ་ནཱཾ། བོད་སྐད་དུ། །ཕྱག་ན་རྡོ་རྗེ་གོས་སྔོན་པོ་ཅན་གྱི་སྒྲུབ་ཐབས་ཞེས་བྱ་བ། གནོད་སྦྱིན་གྱི་སྡེ་དཔོན་ཆེན་པོ་ཁྲོ་བོ་གཏུམ་པོ་ལ་ཕྱག་འཚལ་ལོ། །གདུག་པ་འདུལ་མཛད་ཀླུ་རྣམས་རྒྱན་དུ་མཛད། །གཏུམ་ཞིང་རྔམ་པས་གཤིན་རྗེའི་ཆ་ལུགས་འཛིན། །ཁོ་རྒྱལ་གོས་སྔོན་ཅན་ལ་ཕྱག་འཚལ་ཏེ། དེ་ཡི་སྒྲུབ་ཐབས་བདག་ཉིད་དྲན་ཕྱིར་བྲི། །གནོད་སྦྱིན་གྱི་སྡེ་དཔོན་ཆེན་པོ་ཉེ་བར་བསྒྲུབ་པར་འདོད་པའི་རྣལ་འབྱོར་པས། གནས་དབེན་ཞིང་ཉམས་དགའ་བའི་སར་མཎྜལ་བྱ་བ་ནི་བུ་མོ་ལོ་བཅུ་དྲུག་ལོན་པ་ལུས་སྔོ་བ། །སྣ་ཉག་པ་ཁྲོ་གཉེར་དང་ལྡན་པ། ཤིན་ཏུ་ཁྲོས་པའི་ངང་ཚུལ་དང་ལྡན་པ་ས་ལེན་དུ་བཅུག་སྟེ། ལྷོ་ནུབ་མཚམས་ནས་ས་སྔོན་པོའམ་ནག་པོ་ལེན་དུ་བཅུག་པ། །དྲི་ཞིམ་པོའི་ཆུ་ལ་སྲུང་བའི་སྔགས་བཟླས་ཏེ། ཨོཾ་བཛྲ་པཱ་ཎི་ས་ཏྭ་ཨརྠ་སིདྡྷི་ཀུ་རུ་རཀྵ་ཞེས་བཏབ་ལ། མཎྜལ་སྔོན་པོ་རྒྱར་ཁྲུ་གང་བ་ལ། དཔངས་སུ་མཐོ་གང་བ་རྩིགས་ཏེ། ཙནྡན་དང༌། ཨ་ཀ་རུ་དང༌། ཛཱ་ཏི་དང༌། ཨེ་ལ་དང༌། རམས་དང༌། སོ་བ་ཤིང་གི་ལོ་མ་དྲི་ཆུས་བྱུགས་ལ། མེ་ཏོག་སྔོན་པོའམ་དྲིའི་ཐིག་ལེ་དགུ་བྱས་ལ། མཆོད་རྫས་རྣམས་དགྲམ་པར་བྱའོ། །དེ་ནས་སྒྲུབ་ཐབས་ལྟར་ལྷ་དགུའི་རང་བཞིན་བསྒོམ་མོ། །དེའང་སྒྲུབ་ཐབས་ལས་གཉལ་བཅས་ལ་མཆོད་དོ་ཞེས་པ་ནི་
གནོད་སྦྱིན་ལག་ན་རྡོ་རྗེའི་སྒྲུབ་ཐབས་འདིའོ། །དཔལ་ཕྱག་ན་རྡོ་རྗེ་གནོད་སྦྱིན་གྱི་གཏའ་གཏོར་འདི་ལ་བརྟེན་ལ་རྟག་ཏུ་སྒྲུབ་པ་ནི་གཏོར་མའི་སྣོད་རིན་པོ་ཆེའི་རྒྱུ་ལས་བྱས་ཏེ། དེའི་ནང་དུ་འབྲས་ཆན་དང༌། །ནས་དང༌། གྲོ་ལ་སོགས་པ་ལས་གཏོར་མ་བྱས་ཏེ། སྤྱང་གཟིགས་དང༌། ཤ་དང་མར་དང༌། མངར་ལ་སོགས་པས་བརྒྱན་པར་བྱའོ། །དེའི་ནང་དུ་ཐུན་མོང་དང་ཐུན་མོང་མ་ཡིན་པའི་གདན་བཤམ་པའམ། །བསྐྱེད་པར་བྱའོ། །ལཾ་ལས་རི་རབ་བསམས་ཏེ། དེའི་སྟེང་དུ་ཨ་ལས་ཐོད་པའི་སྐུ་མཁར། །སྟེང་དུ་མ་ལས་ཉི་མ། པཾ་ལས་པདྨ། བདག་ཉིད་ཀྱི་ཐུགས་ཀའི་ཧཱུཾ་ལས་འོད་འཕྲོས་ཏེ། །བསྒྲུབ་བྱ་བཀུག་སྟེ་ཐུན་མོང་མ་ཡིན་པའི་གདན་ལ་བསྟིམ། ཡང་འོད་ཟེར་ལྕགས་ཀྱུ་ལྟ་བུའི་ཚ་ཚ་འཕྲོས་པས་ལྷ་དང་ཕྲལ་ལ་གཅེར་བུ་བྱང་ཐང་ལ་བོར་ལྟར་བསམ། སྟེང་དུ་ཧཱུཾ་ལས་གནོད་སྦྱིན་གྱི་སྡེ་དཔོན་བསྐྱེད་དོ། །སྐུ་མདོག་མཐིང་ནག་ཞལ་གཅིག་ཕྱག་གཉིས་གཡས་རྡོ་རྗེ། །གཡོན་རྩེ་གསུམ་འཕན་ཅན་འཕྱར་བ། བཞི་ཁྲོས་པ། སྨིན་མ་གློག་སྟོང་འོད་དུ་འགྱུར་བ། དབུ་སྐྲ་དམར་སེར་གྱེན་དུ་བཅིངས་པ་སྟེ། རིན་པོ་ཆེ་དང་སྤྲུལ་གྱིས་བརྒྱན་པ། མིག་འབྲས་ཧཱུཾ་ལས་མེའི་ཕུང་པོ་འདྲ་བ། ཞལ་ནས་ཧ་ཧ་དང་ཧཱུཾ་ཧཱུཾ་གི་སྒྲ་སྒྲོགས་བས་ཁམས་གསུམ་པ་བརྒྱལ་བར་བྱེད་པ། ཀླུ་ཆེན་པོ་བརྒྱད་ཀྱིས་སྐུ་ལ་རྣམ་པར་བརྒྱན་པ། སྐུ་ཆེ་ལ་ཡན་ལག་རགས་པ། རི་རབ་ལ་རྣམ་པར་བཞུགས་པ་སྟེ། ཞབས་གཉིས་རྒྱ་མཚོའི་གཏིང་དུ་བརྐྱང་ལ། དབུ་བར་སྣང་གི་ཁམས་ན་འཕྱོ་བ། འཁོར་གནོད་སྦྱིན་དང་སྲིན་པོའི་ཚོགས་ཀྱིས་བསྐོར་བ་ཅིག་བསྐྱེད་དོ། །དེ་ཅི་འདྲ་པ་ཅིག་རི་རབ་བརྩེ་ནས་སྤྱན་དྲངས་ལ་ཕྱག་འཚལ། །མཆོད་པ་དབུལ། བདུན་རྣམ་དག་བྱ་སྟེ། བསྟོད་པ་དང་འདོད་པའི་དོན་ལ་གསོལ་བ་བཏབ་སྟེ། ཇཿཧཱུཾ་བཾ་ཧོཿ་ས་གཉིས་སུ་མེད་པར་བསྟིམས་ལ། གཏའ་བདག་ལས་ཀྱི་གནོད་སྦྱིན་ཕྱག་ན་རྡོ་རྗེ་དྲག་པོའི་སྒོ་ནས་ཐུགས་རྗེས་བཞུགས་བས་གཟས་པ་པོའི་ཉོན་མོངས་པ་དང༌། རིག་སྔགས་དང༌། གསང་སྔགས་དང༌། སྙིང་པོ་དང༌། ཕྱག་རྒྱ་དང༌། ཕྲིན་ལས་རྣམ་པ་བཞིའི་སྒོ་ནས་བཞུགས་ཏེ། དྲག་པོས་དྲག་པོ་སྒྲོལ་བར་བསམ་མོ། །དེ་ནས་སྔགས་བཟླས་པར་བྱ་སྟེ། ཨོཾ་བཛྲ་པཱ་ཎི་ཧྲྀ་ད་ཡཎ་ཧཱུཾ་ཕཊ་སྭཱཧཱ། དཔལ་
གནོད་སྦྱིན་གྱི་ཡང་སྙིང་ཡིན་པས་བསྙེན་པའི་དུས་སུ་བདུན་འབུམ་ཉི་ཁྲི་གདོན་ནོ། །མཚན་མ་བཟང་བ་དང་སྒྲུབ་པ་ལ་འཇུག་སྟེ། བདག་ཉིད་ཕྱག་ན་རྡོ་རྗེའི་ང་རྒྱལ་གྱིས་ཐུགས་ཀའི་ཧཱུཾ་ལས་འོད་ཟེར་འཕྲོས་བས་ལས་ཀྱི་གནོད་སྦྱིན་གྱི་ཐུགས་དམ་བསྐུལ་ཏེ་འོད་ཟེར་དམར་པོ་མེའི་འོད་ལྟ་བུ་བྱུང་སྟེ། གཟས་པ་པོ་བསྲེག་པ་དང་སྡིག་པ་ལ་སོགས་པ་སྦྱངས་ཏེ། སླར་བདག་ཉིད་ཀྱི་ཐུགས་ཀར་ཐིམ་པ་བསམ། ཨོཾ་ཡཀྵ་ནཱི་ལཱཾ་བར་དྷ་ར་བཛྲ་པཱ་ཎི་ཧཱུཾ། མ་ཧཱ་ཡཀྵ་སེ་ནཱ་པ་ཏ་ཡེ། ཆེ་གེ་མོ་ཨ་མུ་ཀ་སྱ་མཱ་ར་ཡ་ཧཱུཾ་ཕཊ་ཅེས་སྔགས་བཟླས་པས་ཞལ་ནས་སྔགས་ཀྱི་ཕྲེང་བ་མེའི་འོད་དང་བཅས་ཏེ་ལས་ཀྱི་ལྷའི་ཞལ་དུ་ཐིམ། ཐུགས་ཀ་ནས་འཐོན་ཏེ། སླར་བདག་ཉིད་ཀྱི་སྙིང་གར་ཐིམ་སྟེ། སྔགས་ཀྱི་ཕྲེང་བས་བསྐོར་བས་གཟས་པ་པོ་སྔགས་ཀྱི་ཕྲེང་བས་བསྲེགས་ཤིང་འདུལ་བར་བྱའོ། །སྒྲུབ་བརྟགས་བཟང་བ་དང་ལས་ལ་སྦྱར་ཏེ། རྒྱུད་ལས་ཀྱང༌། འོག་ཏུ་མེ་ཡིད་ཀྱི་འཁོར་བསམ། །མེ་འབར་ཀློང་ཆེན་དཀྱིལ་དུ་གཟིར། །བསམ་གཏན་རྡོ་རྗེ་ཐོགས་པ་ཡིས། །གདུལ་བྱའི་སྟེང་དུ་དབབ་པར་བྱ། །ཞེས་གསུངས་ལས་བསྲེགས་བསྐྲད་བཅོམ་བཏགས་པར་བསམ། །དམར་ལམ་བསྟན་པ་ལྟར་ཏིང་ངེ་འཛིན་གྱི་དགོངས་པ་བྱ་ཞིང་དྲག་སྔགས་བཟླས་ཏེ། ཏ་དྱ་ཧྲཱ་བུདྡྷ་བུདྡྷ། བི་བུདྡྷ་མ་ཧཱ་པྲཱ་པྟ། ཧ་ར་ཧ་ར་ནཱ་ག་ནཱཾ། པྲ་ཧ་ར་པྲ་ཧ་ར་ནཱ་ག་ནཱཾ། ཙྪིནྡ་ཙྪིནྡ་ནཱ་ག་ཧྲྀ་ད་ཡ་ནི། བྷིནྡ་བྷིནྡ་ནཱ་ག་ད་མཱ་ནི། པི་སི་མན་དྷ་ནཱ་ག་ཤ་རཱི་ར་ནི། བི་སྥོཊ་ཡ། ནཱ་ག་ཡ་ནཱ་ནི། ཏདྱ་ཐཱ་ཧཱུཾ་ཕཊ། ནཱ་ག་བི་ད་ར་ན་ཧཱུཾ་ཕཊ། ནཱ་ག་ཨུཙྪ་ཊ་ནཱ་ཡ་ཧཱུཾ་ཕཊ། ནཱ་ག་མཱ་ར་ན་སོད་སོད། ནཱ་ག་མཱ་ར་ན་བྱིང་བྱིང༌། ནཱ་ག་མཱ་ར་ན་མུགས་མུགས། །ནཱ་ག་མཱ་ར་ན་ཧ་ལ་ཧ་ལ། ནཱ་ག་མཱ་ར་ན་ཤིག་ཤིག །ནཱ་ག་མཱ་ར་ན་དུ་ན་དུ་ན། ནཱ་ག་མཱ་ར་ན་མྱོས་མྱོས། བྱིང་བྱིང་ཐུམ་རི་ལི་ལི་ཛཿ་ཞག་ཉི་ཤུ་རྩ་གཅིག་ཏུ་མི་ཡེངས་མི་མྱུར་བར་སྨྲ་བ་གཅད་དོ། །ཏིང་ངེ་འཛིན་གྱི་དགོངས་པ་གསལ་ལ་དྲག་པོར་བྱའོ། །ཁ་ཟས་ཀྱི་དུས་ལ་བབ་པ་འམ་ལྡང་བར་འདོད་ན་ཡེ་ཤེས་སེམས་དཔའ་ཆེ་ལ་མཆོད་པ་དབུལ། །གཏོར་མ་བསྔོ། །བསྟོད་པ་བྱ། ལས་ཀྱི་ལྷ་ལ་གཏོར་མ་དབུལ་བ་ནི་ཕྱག་ན་རྡོ་རྗེའི་ཐུགས་ཀའི་ཧཱུཾ་ལས་ཨ་ལས་བནྡྷའི་
འོག་ཏུ་ཡཾ་ལས་རླུང་གི་དཀྱིལ་འཁོར་དེའི་སྟེང་དུ་རཾ་ལས་མེ་གྲུ་གསུམ། དེའི་སྟེང་དུ་ཧཱུཾ་གསུམ། དེའི་སྟེང་དུ་བནྡྷའི་གཞལ་ཡས་ཁང༌། །དེའི་ནང་དུ་ཤ་ལྔ་བདུད་རྩི་ལྔ། ཡཾ་ལས་རླུང་བྱུང༌། མེ་འབར། །མེས་ཐོད་པ་བསྐོལ། །ཤ་ལྔ་བདུད་རྩི་ལྔར་གྱུར་པས་མཆོད། །རྩ་སྔགས་ལ་བ་ལིཾ་ཏ་ཁཱ་ཧི་ཞེས་བཏགས་ལ་དབུལ། ལས་ཀྱི་དུས་སུ་གཏོར་མ་ཤ་ཁྲག་ཏུ་དམིགས་ལ་དབུལ། རྩ་སྔགས་ལམ་མ་སརྦ་ཤ་ཏྲཱུཾ་བཏགས་ལ་དབུལ། །སྐབས་སུ་གཏོར་མ་བསྐུལ། བདག་ཉིད་གཉིད་ལོག་གམ། ཁ་ཟས་དུས་ལ་བབ་ན་ལུས་ཀྱི་ལྷ་ལ་ཐུགས་དམ་གཏད། རིག་སྔགས་དབུལ། གཏའི་གཏོར་མ་གཏོང་ན་གཏོར་མ་བཀའ་ལས་ཕབ་ལ་ནོ་བི་ཀ་ལྟར་བསྐུལ་ཚིག་དང་བཅས་ལ་གཏང་ངོ༌། །གཏའ་བདག་གཤེགས་སུ་གསོལ། །བསྐྱེད་པ་དག་ལ་བསྡུ། གནོད་སྦྱིན་ལག་ན་རྡོ་རྗེའི་སྒྲུབ་པའི་ཐབས། །གཏའི་གཏོར་མའི་གདམས་ངག་སློབ་དཔོན་སུ་ཝཱ་གཱི་ཤྭ་ར་ཀཱི་རྟིས་མཛད་པ་རྫོགས་སོ། །