དཔལ་འཇིག་རྟེན་མགོན་པོ་ཚད་མེད་བཞིའི་སྒྲུབ་ཐབས།
འཕགས་པ་སྤྱན་རས་གཟིགས་དབང་ཕྱུག་སྟོང་ཉིད་ཚད་མེད་བཞིའི་བདག་ཉིད་ལ་ཕྱག་འཚལ་ལོ། །རྣམ་ལྡ་མངོན་པར་བྱང་ཆུབ་རིམ། །ཚངས་པའི་གནས་པས་ལེགས་པར་གནས། །རྣམ་དག་སྟོང་པ་ཉིད་དག་ལ། །རྒྱལ་བ་ལྔ་ནི་བསྒོམ་པར་བྱ། །བཅུ་དྲུག་རྒྱང་གྲགས་པདྨོས་ཁེབས་བའི་མཚོ་ནད་ནས། །ཀླུ་ཤིང་སྡོང་པོ་དྲི་མེད་མཛེས་ལྕུག་ལེགས་འཁྲུངས་རྩེར། །པདྨ་ཟླ་བ་ཧྲཱིཿཡིག་གིས་མཚན་ཡོངས་གྱུར་པ། །དཔལ་ལྡན་སྟོང་ཉིད་སྤྱན་རས་གཟིགས་ནི་དང་པོར་བསྒོམ། །དེ་ནི་དཀར་གསལ་གཟི་བརྗིད་མཛེས། །སྣ་ཚོགས་རིན་ཆེན་རྒྱན་གྱིས་སྤུད། །ཧྲཱིཿཡིག་དུང་མདོག་སྙིང་པོར་བཅས། །འགྲོ་ལ་སྟོང་པ་ཉིད་སྟོན་བཞེངས། །དེ་རྗེས་ཡང་དག་རྗེས་འགྲོ་མ་ཡིན་དང༌། དམིགས་བཅས་དམིགས་བྲལ་མངོན་པར་འདུ་བྱེད་དང་དེ་ཡི། །ངེས་པའི་སར་ཆུད་མཚན་མེད་ཤིན་ཏུ་ཞི་བ་ཡིས། །ཡིད་བརྟན་བྱས་ལ་ལྷ་བཞི་རྣམས་པར་སྦྲུལ་པར་བྱ། །བྱམས་པ་ཚད་མེད་ལ་སྐྱེས་ཤིང༌། །ཧྲཱིཿཡིག་སྔོས་མཆན་སྔོན་པོའི་མདོག །འོད་ཀྱི་དཀྱིལ་འཁོར་སྔོ་ལྡན་པ། །བྱམས་པས་འགྲོ་སྐྱོབ་ཤར་དུའོ། །སྙིང་རྗེ་ཚད་མེད་ལས་སྐྱེས་པ། །ཧྲཱིཿཡིག་སེར་ལྡན་སེར་པོའི་མདོག །འོད་ཀྱི་དཀྱིལ་འཁོར་སེར་མངའ་བ། །སྙིང་རྗེས་འགྲོ་སྐྱོབ་ལྷོ་རུའོ། །
དགའ་བ་ཚད་མེད་ལས་སྐྱེས་པ། །ཧྲཱིཿཡིག་དམར་མངའ་དམར་པོའི་མདོག །འོད་ཀྱི་དཀྱིལ་འཁོར་དམར་འཁྱིལ་བ། །དགའ་བས་འགྲོ་སྐྱོབ་ནུབ་ཏུའོ། །བཏང་སྙོམས་ཚད་མེད་ལས་སྐྱེས་པ། །ཧྲཱིཿཡིག་ལྗང་མཚན་ལྗང་མཚན་གུའི་མདོག །འོད་ཀྱི་དཀྱིལ་འཁོར་ལྗང་གསལ་བ། །བཏང་སྙོམས་འགྲོ་སྐྱོབ་བྱང་དུའོ། །དཀྱིལ་འཁོར་བཟང་ལྔ་ཇི་ལྟར་གཞུག་པའི་ཆོ་ག་ཡིས། །ལེགས་བཅུག་ལུས་ཅན་ནམ་མཁའི་མཐའ་ཉམས་གཉེན་ཚོགས་ལ། །རིམ་དང་རིམ་མིན་སྟོང་ཉིད་ཚད་མེད་དྲག་བསྒོམས་ནས། །མཁས་པས་དོན་བསྒྲུབ་ལྷ་ལྔའི་ཕྲིན་ལས་རབ་འབྱམས་སྤྲོ། །དཔལ་འཇིག་རྟེན་མགོན་པོ་ཚད་མེད་བཞིའི་སྒྲུབ་ཐབས་རྫོགས་སོ།།