དཔལ་ཁ་སརྤ་ཎ་མར་མེ་འབར་བའི་སྒྲུབ་ཐབས།
འཕགས་པ་སྤྱན་རས་གཟིགས་མར་མེ་སྦར་བ་ལ་ཕྱག་འཚལ་ལོ། །དེ་ནས། འཇིག་རྟེན་སྒྲོན་མ་སྒྲོན་མའི་དབུས། །ཞེས་འབྱུང་བའི་སྒྲུབ་ཐབས་བཤད་པའོ། །སྔགས་ལས་སྐྱེས་པའི་འཇིག་རྟེན་མགོན། །རྣམ་དག་སྒྲོན་མ་འབར་བལ། །དགེས་དགུས་རོལ་བར་བཞུགས་པ་ནི། །མར་མེས་མུན་པ་སེལ་བ་བཞིན། །ཉི་མའི་འོད་ཟེར་ནུབ་གྱུར་ཅིང། །ཟླ་བ་ཉ་བར་མ་གྱུར་པའི། །མཚན་མོ་མུན་པ་ཐིབས་པོ་ལ། །བསོད་ནམས་བསྡུས་པའི་མར་མེ་འབར། །རྡོ་རྗེ་ཐལ་སྦྱོར་གསང་སྔགས་ཀྱིས། །བཏབ་པའི་རྩི་མར་སྣ་ཚོགས་པ། །སྒྲོན་ཤིང་མེ་ལྕེས་བཞུ་བྱས་ལ། །སྣོད་བཟངས་པདྨོས་མཚན་པ་ཡི། །ཀོང་བུ་ཤིན་ཏུ་བྱི་དོར་བྱས། །སྨད་འཚོང་ཆང་འཚོང་གསོ་རས་མའི། །ཁྱིམ་བླངས་རས་ཀྱི་སྡོང་བུ་ལ། །མགར་གྱི་སོ་མ་ལ་མེས་བསྲེགས་བྱ། །སྒྲོན་
མའི་དབུས་བཞུགས་ཧྲཱིཿ་ས་མཚན་པ། །སྒེག་པོ་གཞོན་ནུ་རོལ་པའི་ཚུལ། །ཟླ་བའི་འོད་འབྱིན་ཡིད་དུ་འོང༌། །རོལ་བཞི་པ་ནི་རྣམ་པར་བསྒོམ། །དེ་ལ་མེ་ཏོག་སྤོས་མཆོག་སོགས། །སྣ་ཚོགས་མཆོད་པ་ཀུན་གྱིས་མཆོད། །འཇུངས་པ་རྣམས་དང་དབུལ་ཕོངས་དང༌། །སྡིག་ལྡན་རྒྱལ་པོའི་མར་དཀར་སྦྱིན། །ཚངས་པའི་གནས་བཞི་ཉེར་བརྩམས་པའི། །ཆོས་སྦྱིན་རྗེས་སུ་ཡིད་བྱེད་དང༌། །སྙིང་པོའི་རྣལ་འབྱོར་མཆོག་སྡོར་བཅས། །ཐུན་གསུམ་དུ་ནི་རྟག་ཏུ་བྱ། །བདུན་ཕྲག་བདུན་གྱི་ཆོ་ག་ཡིས། །ཐོ་རངས་མཚན་མ་གསུམ་མཐོང་བ། །དེ་ཚེ་གཞོན་ནུ་གཞོན་ནུ་མའི། །སྟོན་མོ་བྱིན་ལ་མེ་ཏོག་གི །ཕྲེང་བས་མགུལ་བརྒྱན་མེ་ལོང་དང༌། །མར་མེའི་འཁོར་ཡུག་དྲི་བྱུག་དང། །མཎྜལ་རོལ་མོ་ཕུལ་ནས་ནི། །མར་མེའི་དུ་བའི་ཐིག་ལེ་སྦྱིན། །དེ་ལ་སྔགས་ནི་འདི་ཡིན་ཏེ། ཨ་ཀ་རུ་ཡི་བདུག་པས་བདུགས། ཨོཾ་ཨཱཿ་ཧྲཱིཿ་ཨཱ་ཪྻཱ་བ་ལོ་ཀེ་ཏེ་ཨཱ་ལོ་ཀ་ཛྙཱ་ན་ཛྭ་ལ་ཛྭ་ལ་པྲ་ཀསྤ་མ་མ་ཙིཏྟེ་སྠཱི་ར་ཧཱུཾ་ཧཱུཾ་ཧཱུཾ། རང་ལུས་མར་མེ་འབར་བ་དང། །མཁའ་ལ་ལྷ་མཐོང་ལུང་བསྟན་པའོ། །དཔལ་ཁརས་པཱ་ཎ་མར་མེ་འབར་བའི་སྒྲུབ་ཐབས་རྫོགས་སོ།།