ཐུགས་རྗེ་ཆེན་པོ་ཅན་དཔལ་འཁོར་ལོས་སྒྱུར་བའི་སྒྲུབ་ཐབས།
འཕགས་པ་ཐུགས་རྗེ་ཆེན་པོ་འཁོར་ལོས་སྒྱུར་བའི་རྒྱལ་པོ་ལ་ཕྱག་འཚལ་ལོ། །དེ་ནས། འཁོར་ལོས་སྒྱུར་རྒྱལ་དཀྱིལ་འཁོར་སྟོན། །ཞེས་འབྱུང་བའི་སྒྲུབ་ཐབས་བཤད་པར་བྱའོ། །དེ་ནས་གཞན་ཡང་བཤད་བྱ་བ། །འཁོར་ལོས་སྒྱུར་རྒྱལ་འཇིག་རྟེན་མགོན། །དཔལ་ལྡན་ཡེ་ཤེས་དཀྱིལ་འཁོར་ཆེ། །དོན་ཀུན་གྲུབ་བྱེད་བརྟག་པའོ། །རྒྱུ་སྐར་རྒྱལ་པོ་རྒྱལ་ལ་བབ་པའམ། །ཡང་ན་ཟླ་བ་ཚེས་དང་ཟླ་བ་ཉ། །སྣ་ཚོགས་མེ་ཏོག་འབྲས་བུ་རྒྱས་པའི་ཚེ། །སྐལ་བཟང་རྣམས་ཀྱིས་མགོན་མཆོད་སྡིག་པ་བསལ། །དཀྱིལ་འཁོར་ཆེན་པོ་རྒྱན་གྱིས་སྤྲས། །སྣ་ཚོགས་དྲི་བསུང་དང་ལྡན་པའི། །མེ་ཏོག་གཅལ་བཀྲམ་ལྷ་བ་ལྷུབ་ཅན། །མཆོད་རྫས་ཡོ་བྱད་སྤྲིན་གཏི་བས་ནས། །སྟོབས་ཆེན་སྔོན་འགྲོ་ཉི་མ་དང་པོ་བུམ་པ་དང་ནི་ལྷ། །ལྷག་པར་གནས་བྱས་གཉིས་པ་ཏིང་འཛིན་རྒྱལ་པོ་ལ་གནས་བཟླས། །གསུམ་པ་མཆོད་སྦྱིན་གོ་རིམས་ནུས་སྦྱར་བཟོད་པར་གསོལ། །དེ་མཐར་བཀྲ་ཤིས་རྡོ་རྗེ་ཆུས་བཀྲུས་དངོས་གྲུབ་བླང་བར་བྱ། །བླ་མའི་མན་ངག་ཇི་བཞིན་དུ། །མཁས་པས་དཀྱིལ་འཁོར་བྲིས་ནས་སུ། །རྡོ་རྗེ་འཁོར་ལོ་ཕྱག་རྒྱ་ཡིས། །ལྷ་
དགུ་འཁོར་ལོས་སྒྱུར་བར་བསམ། །ལྟེ་བ་འདམ་སྐྱེས་གེ་སར་འཁྲུངས། །རྡོ་རྗེས་མཚོན་པ་དཔལ་ཆེན་ཉིད། །ཤར་སོགས་རིན་ཆེན་རྩིབས་བརྒྱད་འཁོར་ལོ་རྣམ་བདུན་གཏེར་ཆེན་བཅས་ལྷ་མོ། །ཁྱམས་བཟང་རབ་མཉམ་བཻཌཱུཪྻ་ཡི་ངོས་ལ་ཉི་ཤུ་རྩ་བཞིས་མཆོད་པ་ཡི། །ལྷ་མོ་རྣམས་དང་དེ་བཞིན་སྒོ་བཞིར་ལྕགས་ཀྱུ་ཞགས་པ་སོགས་དགེས་རོལ་པའོ། །མུ་ཁྱུད་ཁོར་ཡུག་བཀྲ་ཤིས་ཀྱི། །རྫས་བཅུ་གྲུབ་པ་ཉི་ཤུས་བསྐོར། །དཔལ་མེད་ལྷ་རྫས་ཡོད་བྱད་ཀྱིས། །ཤིན་ཏུ་ཕུན་ཚོགས་བརྩེ་བ་ཡིན། །ཨོཾ་ཨཱཿཧྲཱིཿཙཀྲ་ཝརྟི་མཎྜལ་སིདྡྷི་ཕཊ་སྭཱ་ཧཱ། ཤེས་རབ་ཐབས་བྱུང་སྐད་ཅིག་སྦྱོར་བས་བདག་ཉིད་འཁོར་ལོས་སྒྱུར་རྒྱལ་གསལ་བསྐྱེད་ལ། །སྙིང་པོ་ལས་འཕྲོས་ལྕགས་ཀྱུའི་ཟེར་གྱིས་ཇི་བཞིན་ཉིད་བཀུག་མཉེས་བྱས་དབྱེར་མེད་གཞུག །བདག་དང་དཀྱིལ་འཁོར་ལྷ་ཚོགས་བཅས་བཟླས་རྡོ་རྗེ་ཕྲེང་རྒྱུན་ཡི་གེ་རབ་ཞུགས་པས། །བུམ་པ་བཟང་བཀང་ཐུན་མཚམས་ཀུན་རྟག་མཉམ་གཞག་ཆེ་གནས་དངོས་ཀུན་མཆོད་བརྩོན་བྱ། །ཐུགས་རྗེ་ཆེན་པོ་ཅན་དཔལ་འཁོར་ལོས་སྒྱུར་བའི་སྒྲུབ་ཐབས་རྫོགས་སོ།།