ཆུ་སྦྱིན་གྱི་ཆོ་ག།
ཐུགས་རྗེ་ཆེན་པོ་རྒྱུན་གྱི་ཕྲེང་བ་ཅན་ལ་ཕྱག་འཚལ་ལོ། །སྙིང་རྗེ་ཆེན་པོ་ཅན་གྱི་རྣལ་འབྱོར་པས། ཡི་དགས་ལ་སོགས་པ་ཕོངས་པ་རྣམས་ལ་ཆུའི་སྦྱིན་པ་སྦྱིན་པ་ལ་བརྩོན་པར་བྱ་སྟེ། རྒྱུ་གཅིག་སྔོན་དུ་སོང་བ་ཡིས། །འཕགས་པ་ཉིད་ནི་དྲན་བྱས་ལ། །མགྲིན་པ་ལག་པ་འཁོར་ལོར་བཅས། །རྫོགས་པའི་སྦྱོར་བས་རྫོགས་པར་བྱས། །ཕྱག་གཡས་ཟླ་དབུས་ཡེ་ཤེས་ཅན། །ཨ་ཕྲེང་གིས་བསྐོར་གསལ་བ་ཡི། །མིང་མེད་རྩེ་ནས་མི་འགྱུར་བདུན། །འབབ་པ་བདུད་རྩིའི་རྒྱུན་རབ་འཛག །པདྨོ་རྒྱས་བཏབ་རིན་ཆེན་སྣོད། །བསིལ་ཞིམ་དངས་པས་བཀང་བའི་ཆུ། །པདྨོའི་མཚོ་ལ་ཆར་རྒྱུན་བཞིན། །ཡེ་ཤེས་བདུད་རྩིར་འབབ་པས་བསྲེ། །འཇུངས་པའི་མྱ་ངན་རྒུད་པ་ཡི། །གཟུགས་ཅན་ཇི་སྙེང་འཇིག་རྟེན་རྒྱུ། །དེ་སྙེད་ཕྱག་མཐིལ་འོད་ཟེར་གྱི། །མདུན་བདར་ས་གཞི་གང་བར་བྱ། །ཨོཾ་ཨཱཿཧྲཱིཿམ་ཧཱ་ཀཱ་རུ་ཎི་ཀ་པྲ་སཱ་ད་སརྦ་པྲེ་ཏ་པྲ་ཏྱུད་ཏ་སཱི་གྷྲཾ་ཛ་ཛ་ཛཿ། །དེ་རྗེས་འོད་ཟེར་སྐར་མདའ་ཡི། །སྔགས་དང་ཕྱག་རྒྱ་གསལ་བ་ཡིས། །མ་ལུས་ལྕེ་ལ་འབར་བ་ཡི། །སྦུབས་བསམས་ཡི་གེ་བཞི་བརྗོད་སྦྱིན། །ཨོཾ་ཨཱཿ་ཧྲཱིཿཧཱུཾ། ཟས་ཀྱི་བདུད་རྩིས་ཚིམ་བྱས་ནས། །གནས་གྱུར་ལྷ་ལུས་ཐོབ་པ་ན། །བདེ་གཤེགས་བཀའ་ཡི་ཚིག་སྦྱིན་པས། །དུབ་པའི་སེམས་ཀྱང་ཚིམ་པར་བྱ། །མཐར་ནི་སྨོན་ལམ་གྱིས་སྨིན་པའི་གདུལ་བྱར་བྱས་པ་ལ་ལམ་བསྟེན་པའི་ཕྱག་རྒྱ་བཀའ་བསྒོ་ལ་ཅི་བདེ་བར་དེངས་སུ་གཞུག་གོ །ཆུ་སྦྱིན་གྱི་ཆོ་ག་རྫོགས་སོ།།