དཔལ་ཐུགས་རྗེ་ཆེན་པོའི་ཆབ་གཏོར་གྱི་ཆོ་ག།
འཕགས་པ་སྤྱན་རས་གཟིགས་མཆོད་སྦྱིན་མང་པོ་དང་ལྡན་པ་ལ་ཕྱག་འཚལ་ལོ། །དེ་ནས་སྙིང་རྗེ་ཆེན་པོ་ཅན་ཆུ་གཏོར་གྱི་མཆོད་སྦྱིན་ལ་མངོན་པར་དགའ་བས་གང་ན་རི་དང་ཐང་དང་འབབ་ཆུ་དང་ནེའུ་གསིང་དང༌། ལྷ་ཁང་དང་ཕུག་ལ་སོགས་པ་ཅི་རིགས་པའི་གནས་སུ་ཡོ་བྱད་ཕུན་སུམ་ཚོགས་པར་བྱས་ནས་བདེ་བའི་ཡིད་དང་ལྡན་པས་འདུག་སྟེ། གསུམ་ལ་སྐྱབས་སུ་སོང་ནས་བརྩམས་ཏེ། །བྱང་ཆུབ་མཆོག་ཏུ་སེམས་གཟུང་བར། །བྱམས་སོགས་ཚངས་པའི་གནས་བཅས་པས། །ངེས་བར་བྱས་ཏེ་ཆོ་ག་བརྩམ། །ཐམས་ཅད་སྟོང་པ་ཉིད་དབྱིངས་ལས། །པདྨ་ཟླ་དབུས་ས་བོན་མཚན། །ཡོངས་གྱུར་སྦྱོར་བས་ལྷ་མཆོག་བསྐྱེད། །ཕྱག་རྒྱ་སྔགས་ཀྱིས་ཡོངས་སུ་བཅིང༌། །རྡོ་རྗེ་བསྡམས་པ་ལས་བྱུང་བ། །གཉིས་བརྐྱང་གུང་མོ་མཛུབ་གཉིས་མདུད། །མཐེ་བོང་རྡོ་རྗེ་བསྟེན་སྦྱར་ལ། །སྤྱི་གཙུག་སྟེང་དུ་གསལ་གཞག་སྟེ། ན་མཿས་མནྟ་བུདྡྷ་ནཱཾ་བཛྲ་ཨུཥྞཱི་ཥ་ཧཱུཾ་ཧཱུཾ། ཞེས་བྱ་བས་གཙུག་ཏོར་གསལ་བར་བྱའོ། །རྡོ་རྗེ་ཐལ་མོ་གཉིས་སྦྱར་ལས། །གུང་མོ་གཉིས་བརྐྱང་སྲིན་ལག་མཛུབ། །རྩེ་སྦྱར་ཕན་ཚུན་ཁྱུད་བསྐོར་ནས། །གཙུག་ཏོར་སྟེང་དུ་གསལ་བྱས་ནས། །ཨོཾ་ཨཱཿ་ཧྲཱིཿབཛྲ་ཨ་མྲྀ་ཏེ་པསྠཱི་ཏི་ཧཱུཾ་ཧཱུཾ། ཞེས་བྱ་བས་འོད་དཔག་མེད་ཀྱི་ཅོད་པན་བསྒྲུབ་པར་བྱའོ། །ཀླུ་མཆོག་ཆོས་འཆད་ལས་སྐྱེས་པ། །གུང་མོ་དང་ནི་མཐེ་བོང་གཉིས། །གཤིབས་བརྐྱང་རྩེ་མོ་ལྷན་ཅིག་པ། །དམིགས་ལ་ཉེ་བར་བཏུད་ནས་ནི། །ཨོཾ་ཨཱཿཧྲཱིཿབཛྲ་ཛྙཱ་ན་ཙཀྵུ་པྲ་ས་ཀ་ས་ཧཱུཾ། ཞེས་བྱ་བས་ཡེ་ཤེས་ཀྱི་སྦྱན་དང་ལྡན་པས་གསལ་བར་བྱའོ། །ལག་གཉིས་མཉམ་པའི་ཐལ་སྦྱར་བས། །མཛུབ་གཉིས་གུང་མོ་ལ་མདུད་ཅིང༌། །མཐེབ་གཉིས་གུང་མོ་ལ་བཏུད་ནས། །ལུས་ཀུན་ཀུན་ཏུ་བསྐོར་ཉུལ་བས། །ཨོཾ་ཨཱཿཧྲཱིཿབཛྲ་ནཾ་བཛྲ་ཙཀྲ་བྷ་བ་ཝ་ཀ་པ་ཊེ་ཧཱུཾ། ཞེས་བྱ་བས་རྡོ་རྗེ་ཞུབ་ཀྱི་གོ་བགོ་བར་བྱའོ། །དེ་རྗེས། རྣམ་དག་ཆོས་ཉིད་རྒྱ་ཆེན་ནམ་མཁའ་མཛོད་དང་བདུད་རྩི་ཐབ་སྦྱོར་དང༌། ཤུགས་ཆེན་སྐར་མདའ་དབང་དུ་བྱེད་བཤད་རྒྱལ་བ་སྤྱན་རས་གཟིགས་དབང་རྒྱ། །སྔགས་བཅས་གྲངས་ཀྱི་དྲི་དྲལ་བསམ་ཡས་བདུད་རྩིའི་མཚོ་ཆེན་སྤྲིན་འཁྲིགས་དང༌། །དཔག་མེད་ལུས་ཀྱིས་ཕུན་
ཚོགས་མཆོད་སྤྲུལ་མ་ལུས་ཅི་རིགས་དགོས་དགུར་མཆོད། །ཨོཾ་སྭ་བྷཱ་ཝ་བི་ཤུདྡྷཿསརྦ་དྷརྨཱཿསྭ་བྷཱ་བ་བི་ཤུདྡྷོ་ཉ྄ཧཾ། ནམཿ་སརྦ་ཏ་ཐཱ་ག་ཏེ་བྷྱོ། བི་ཤྭ་མུ་ཁེ་བྷྱཿསརྦ་ཏཏྑཾཨུཏྒ་ཏེ་སྥ་ར་ཎ་ཧི་མཾ་ག་ག་ན་ཁཾ་སྭཱ་ཧཱ། ཨོཾ་ཨ་མྲཾ་ཏ་ཀུཎྜ་ལི་ཧ་ན་ཧ་ན་ཧཱུཾ། ནམཿསརྦ་ཏ་ཐཱ་ག་ཏ་ཨ་བ་ལོ་ཀི་ཏེ། ཨོཾ་སཾ་བྷ་ར་ཧཱུཾ། ཨོཾ་ཛྙཱ་ན་ཨ་བ་ལོ་ཀི་ཏེ་ས་མནྟ་སྥ་ར་ཎ་ར་སྨི་བྷ་བཱ་ས་མ་ཡ་མ་ཧཱ་མ་ཎི་དུ་རུ་ཧྲྀ་ད་ཡ་ཛ་ལ་ནི་ཧཱུཾ། ན་མཿས་མནྟ་བུདྡྷཱ་ནཱཾ་གྲ་ཧ་ཤྭ་རི་པྲ་བྷཱ་བ་ཛོ་ཏི་མ་ཧཱ་ས་མ་ཡ་སྭཱ་ཧཱ། ནམཿསརྦ་ཏ་ཐཱ་ག་ཏེ་མ་ཧཱ་ཀཱ་རུ་ཎི་ཀཱ་ཡ་སྭ་ར་ཤྲཱི་ཨ་བ་ལོ་ཀི་ཏེ་མ་ཧཱ་ཨ་དྷིཥྛཱ་ན་ཛྭ་ལ་ནཱ་ནཱ་པཱུ་ཛ་མེ་གྷ་སྥ་ར་ཎ་ཧཱུཾ། པཾ་ལས་པད་སྣོད་རྒྱ་ཆེན་ནི། །འབྲུ་གསུམ་ལས་གྱུར་སྣ་ཚོགས་བཅུད། །ཟབ་ཅིང་རྒྱ་ཆེའི་སྔགས་ཕྱག་རྒྱས། །བྱིན་བརླབས་དེ་སྟེང་སྨན་ཤིང་བསྐྱེད། །ཨ་དང་ཀ་སོགས་ལས་གྲུབ་པ། །གྲུབ་པ་ཉི་ཤུ་སོགས་རྫས་ཀྱིས། །ལེགས་སྤྲས་དམ་ཚིགས་གཏོར་མ་ལ། །ཡེ་ཤེས་བསྟིམས་ལ་ཇི་བཞིན་མཆོད། །དཔལ་ལྡན་ཐུགས་རྗེ་ཆེ་སྟོབས་མཐུས། །སྲི་ཞུ་ཡོན་ཏན་ཕན་འདོགས་དང༌། །སྙིང་རྗེའི་གནས་གྱུར་ལྟོས་ཆགས་མགྲོན། །ཚིམ་བྱེད་མཆོད་སྦྱིན་འདི་རབ་བསྔགས། །དཔལ་ཐུགས་རྗེ་ཆེན་པོའི་ཆབ་གཏོར་གྱི་ཆོ་ག་རྫོགས་སོ།།