མེའི་མཆོད་པའི་ཆོ་ག།
འཕགས་པ་སྤྱན་རས་གཟིགས་དབང་ཕྱུག་མེ་དཔུང་འབར་བ་ལ་ཕྱག་འཚལ་ལོ། །བསོད་ནམས་ཡེ་ཤེས་ཚོགས་མྱུར་དུ། །དངོས་གྲུབ་བྱེད་དང་ཟང་ཟིད་རྙེད། །གཟི་བརྗིད་བསྐྱེད་དང་མཐུ་བསྐྱེད་དང༌། །སྡིག་འཇོམས་བྱ་ཕྱིར་མེ་དཔུང་མཆོད། །དམ་ཚིག་ཅན་གྱིས་སྔོན་དུ་ལྷ་འདྲིས་པར་བྱས་ནས་ནགས་དབེན་པར་སོང་སྟེ། ཁྲུ་བཞི་པ་དང༌། ཁྲུ་གང་པ་དང་མཐོ་གང་པའི་ཚད་ཀྱི་ཤིང་བུ་བཟང་པོ་བསྲུང་བ་བླངས་ཏེ། སེམས་ཅན་ཐམས་ཅད་ལ་བྱམས་པ་དང་ལྷན་ཅིག་པའི་དད་པ་དྲག་པོས་མཆོད་པའི་ཡིད་མ་བརྗེད་པར་བྱས་ལ། ཇི་ཙམ་རིགས་པར་མཆོད་རྟེན་གྱི་གཟུགས་ལྟ་བུར་བརྩིག་གོ །ཇི་སྐད་ཞི་བའི་སྦྱིན་སྲེག་ཏུ། །གང་བསྲུང་སྲེག་རྫས་མཆོད་པའི་རྐྱེན། །དེ་དག་ཐམས་ཅད་འདི་ཤེས་བྱ། །ཁྱད་པར་དུ་ནི་རབ་བསྔགས་བརྒྱད། །ས་ཡི་བདག་པོའི་ཡོ་བྱད་རུང་བ་སྣ་ཚོགས་ཕྱེ་མར་བྱས་པ་དང༌། །དབང་ཕྱུག་རྣམས་ཀྱི་འབྲུ་ནོར་དང་ནི་དེ་བཞིན་ཚོང་དུས་ཆེན་པོའི་ས། །གཟི་ལྡན་མཐུ་ཆེན་སྐྲ་དང་སེན་མོའི་
འཚོ་བའི་དང་པོར་བྱས་པའི་ཕུད། །རང་ཉིད་ལུས་སྐྱེས་དྲི་མ་སྣ་ཚོགས་ཕུན་སུམ་ཚོགས་མིན་ལིང་གའོ། །དེ་ལ་ཐོག་མ་ཁོ་ནར་མེ་སྦར་བ་དང་ཆོ་ག་ཇི་ལྟ་བ་བཞིན་བྱས་ཏེ། འབར་བའི་དབུས་སུ་ཡེ་ཤེས་ཀྱི་ལྷ་སྤྱན་དྲངས་ཏེ། མཆོད་པ་དང་བསྟོད་པ་སྔོན་དུ་འགྲོ་བས་སྲེག་རྫས་དབུལ་ཞིང་རབ་ཏུ་བསྔགས་པའི་ཆུས་ཡང་དང་ཡང་དུ་ཁྲུས་གསོལ་བ་དང་བསད་གཏོར་བྱའོ། །དེ་ནས་ཡང་མཆོད་པ་ལ་སོགས་པ་ཐམས་ཅད་བྱས་ཏེ་གླུ་དང་གར་དང་རོལ་མོ་ལ་སོགས་པ་བཏབ་ཅིང་པི་ཝང་བསྒྲེང་བ་དང་ལྷན་ཅིག་ཏུ་མན་ངག་དང་ལྡན་པས་ཕུན་སུམ་ཚོགས་པ་མ་ཡིན་པའི་ལིང་ག་བསྲེགས་ལ་བཟླའོ། །ཨོཾ་ཨཱཿ་ཧྲཱིཿ་ཨ་ཀི་ནི་ཛྭ་ལ་ཛྲ་ལ་མ་ཧཱ་ཛྭ་གཱ་ཏྲོ། །མ་མ་ཏ་མུ་གེ་ལས་ཆེ་གེ་མོ་ཐམས་ཅད་སིདྡྷ་སིདྡྷ་མ་ཧཱ་ཀཱ་རུ་ཎི་ཀ་ཧོཿ། ཅེས་བྱ་བས་སོ། །མེ་དཔུང་འབར་བ་སྦྱན་རས་གཟིགས་དབང་མེ་ཡི་ལས། །མཆོད་པ་གང་བརྙེས་ཞལ་གཅིག་ཕྱག་གཉིས་ཛ་ཀའི་མདོག། ཤིན་ཏུ་གཟི་བརྗིད་སྒྲུབ་པོའི་བསོད་ནམས་སྒྲུབ་བརྩོན་པ། །ཡིད་བཞིན་ནོར་བུ་མེད་ཐབ་གཡས་གཡོན་འཛིན་པ་ཡིན། །དེ་ཡི་ལས་སྒྲུབ་མེ་ཡི་བུ་ཞེས་བྱ་བའི་ལྷ། །རྐང་པ་གཉིས་བཏེག་དགའ་བའི་གཟི་མདངས་དཀར་དམར་མདོག །རིན་ཆེན་ཕྲེང་ཐོགས་ཉིད་ཀྱི་ཐུགས་ཀ་ལས་འོངས་ནས། །སྦྱིན་བདག་མདུན་སྡོང་དོན་ཀུན་ངེས་པར་བསྒྲུབ་པའོ། །དེ་ཡིས་སྲས་བཅས་ལྷ་མཆོག་གཉིས། །མཉེས་གྱུར་རྨི་ལམ་ནང་དུ་སྟོན། །དེ་ནས་གཤེགས་གསོལ་ཐལ་བ་བསྡུས། །དབུང་པ་གཡས་སུ་གདགས་པར་བྱ། །ཐུགས་རྗེ་ཆེན་པོ་མེ་ཡི་ལྷ། །དེ་ཡི་ཉིན་མོ་ཚུར་བཅད་ལ། །རྟག་ཏུ་བུ་སྡུག་ལྟ་བུར་ནི། །དགོངས་གྱུར་འདོད་པ་ཐམས་ཅད་སྒྲུབ། །མེའི་མཆོད་པའི་ཆོ་རྫོགས་སོ།།