སྐུ་གཟུགས་དང་མཆོད་རྟེན་གྱི་ཆོ་ག།
སྤྱན་རས་གཟིགས་དབང་ཕྱུག་གཟི་བརྗེད་རྒྱལ་པོ་ལ་ཕྱག་འཚལ་ལོ། །འཇིག་རྟེན་མགོན་པོ་མཉེས་བྱ་དང༌། །མཉེས་འདོད་དད་པ་ཐོབ་པས་ཀྱང༌། །མང་པོའི་སྤྱོད་ཡུལ་འགྱུར་བར་ནི། །མཆོད་རྟེན་ལ་སོགས་བརྩམ་པར་བྱ། །གཟི་བརྗིད་རྒྱལ་པོ་ཞལ་གཅིག་པའམ། །ཡང་ན་དཔག་ཏུ་མེད་ཞལ་ཕྱག །བསམ་གྱིས་མི་ཁྱབ་སྤྱན་མངའ་བ། །བསོད་ནམས་བསྒྲུབ་ཕྱིར་སྤྱན་དྲངས་མཆོད། །བདག་ཉིད་ཧྲཱིཿ་ཡིག་ལས་སྐྱེས་པའི། །རྩ་བའི་རྒྱལ་བ་གང་བསྒོམས་པ། །དེ་ཡིས་བྱིན་བརླབས་དབང་བསྐུར་ནས། །རྒྱ་མཚོ་ལ་ནི་ཆར་རྒྱུན་བཞིན། །འཇིམ་པ་ལ་སོགས་ཡོ་བྱད་ལ། །རྡོ་རྗེ་འབར་བས་བགེགས་བསལ་ཏེ། །རིག་པའི་རྒྱལ་པོས་གཟི་བསྐྱེད་ལ། །རྣལ་འབྱོར་ལྡན་པར་བྱིན་གྱིས་བརླབ། །ཨོཾ་ཨཱཿ་ཧྲཱིཿ་སརྦ་ཨ་བྷི་ཀ་ན་ན་ཧ་ར་ཧ་ར་པྲ་ཧ་ར་ཧཱུཾ་ཧཱུཾ་ཕཊ། ཨོཾ་ཨཱཿ་ཧྲཱིཿ་སརྦ་དྷརྨ་ནི་རྨ་ལ་བི་ཤུདྡྷོ་སྭ་བྷཱ་ཝ་སརྦ་མ་ཧཱ་གྷུན་ཨ་ནུ་བརྟི་ཏ་ཡེ་སྭཱ་ཧཱ། ཨོཾ་ཨཱཿ་ཧཱུཾ་ཧོཿ་དེ་ནས་རྟེན་ལ་ཚོགས་བསགས་ཏེ། །སྟོང་པ་ཉིད་དང་བསམ་མི་ཁྱབ། །ཕྱོགས་བཅུའི་སངས་རྒྱས་དགོངས་མཛད་པར། །སྔགས་དང་མཆོད་རྟེན་བཞེངས་པར་བྱ། །ཨོཾ་ན་མོ་བྷ་ག་ཝ་ཏེ། ལོ་ཀེ་ཤྭ་རཱ་ཡ། པྲ་བྷ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱ་ཀྶཾ་བུདྡྷཱ་ཡ། ཏཏྱ་ཐཱ་ཨོཾ་སུ་ཀྵྨེ་ས་ཀྵྨེ་ས་མེ་སམ་ཡ། ཤཱནྟེ་དཱནྟེ། ས་མ་རོ་པེ། ཨ་ནཱ་ལཾ། ཏ་རཾ་བེ། ཡ་ཤོ་ཝ་ཏི། མ་ཧཱ་ཏེ་ཛ། ནིར་ཀུ་ལེ། ནིར་བཱ་ན། སརྦ་བུདྡྷ། ཨ་དྷིཥྛཱ་ན། ཨ་དྷིཥྛི་ཏེ་སྭཱ་ཧཱ། གཟི་བརྗིད་ཀྱི་རྒྱལ་པོའི་གཟུངས་འདི་བརྒྱ་རྩ་བརྒྱད་
བཟླས་ཤིང་ལས་ལ་འཇུག་པས་བཅོམ་ལྡན་འདས་འཇིག་རྟེན་དབང་ཕྱུག་དྲན་པ་དང་མི་འབྲལ་བར་བྱེད་ན། དེས་ཇི་སྲིད་ཡོ་བྱད་ལ་གནས་པའི་རྡུལ་ཕྲ་རབ་ཇི་སྙེད་ཡོད་པ་དེ་སྙེད་ཀྱི་མཆོད་རྟེན་སྐུ་གཟུགས་བྱས་པར་འགྱུར་རོ། །དེ་རྗེས་གཟི་བརྗིད་ཉིད་དཔལ་གྱིས། །ཡེ་ཤེས་སྤྲོས་ལ་རབ་གནས་བྱ། །ནམ་མཁའ་ཇི་སྲིད་བཞུགས་གསོལ་ནས། །བཟོད་པར་གསོལ་ཏེ་མཆོད་པས་མཆོད། །སྐུ་གཟུགས་དང་མཆོད་རྟེན་གྱི་ཆོ་ག་རྫོགས་སོ།།