བསྒྲུབ་བྱ་སྐྲག་པའི་ལས་ཆུ་ཐིགས་ཞེས་བྱ་བ།
མར་མེ་མཛད་བཟང་པོ།
དཔལ་རྡོ་རྗེ་རྣམ་པར་འཇོམས་པ་ལ་ཕྱག་འཚལ་ལོ། །བསྒྲུབ་བྱ་སྐྲག་པའི་ལས་འགལ་བའི་ལོ་ཐོག་མ་རུངས་པར་བྱ་བའི་ལས་ཀྱི་དྲག་ཤུལ་སྤྱོད་པར་འདོད་པའི་སྒྲུབ་ཕ་པོ་དམ་ཚིག་དང་ལྡན་པས། གནས་ཁང་ཡིད་དང་མཐུན་པར་གཟའ་ཆེན་པོ་རོ་ལངས་ཀྱི་དཀྱིལ་འཁོར་བཞེངས་ཏེ་དབུས་དྲག་པོ་བསྣོལ་མ་དམར་ནག་ཐ་མ་གཟའི་ཁང་བུ་བརྩེགས་པ་བྲིས་ལ་ཁྲག་སྣ་ཆོགས་པ་དང༌། ཤ་སྣའི་གཏོར་མ་དང༌། དཀར་གཏོར་དང༌། སྔོ་སྣ་ཚོགས་པའི་གཏོར་མ་བཤམས་ཏེ་གཞན་གོ །རབས་ཆད་ནག་པོའི་ཐོད་པར་དུར་ཁོད་ཀྱི་རས་དང་རུས་པ་བསྲེགས་པའི་ཐལ་བ་དང༌། དམེ་ཁྲག་སྣ་ཚོགས་པའི་ཐོད་པའི་སྤྱི་བོར་བསྒྲུབ་བྱའི་མིང་དང་གཟུགས་བྲིས་ལ་ཡུལ་ལྷ་དང་
ཡུལ་མིའི་མིང་ཡང་བྲི། ཐོད་པའི་ནང་དུ་རིན་པོ་ཆེའི་ཕྱེ་མ་དང༌། མི་རྟ་ཁྱིའི་ཁྲག་དང༌། མཛོ་རོག་དང༌། གཡག་རོག་གི་ཁྲག་དང༌། མངལ་ཁྲག་ལ་སོགས་པའི་ཁྲག་སྣ་ཚོགས་བླུགས་ལ། ཡུངས་ཀར་དང་ཡུངས་ནག་ལ་བཟླས་ཤིང་བླུགས་སོ། །གཙོ་བོའི་ང་རྒྱལ་དང་ལྡན་པས་མཆོད་པ་དང་བསྟོད་པ་དང་བསྙེན་པ་ཅི་རིགས་པར་བྱའོ། །དེ་ནས་གཟའ་སོ་སོའི་བསྙེན་པ་འབུམ་ཕྲག་རེ་བཟླས། དེ་ནས་ལས་ཀྱི་སྔགས་འདི་ལ་བསྙེན་པ་འབུམ་ཕྲག་བདུན་བཟླས་སོ། །ཨོཾ་མ་ཡ་སྙིང་ཡ་མ་ཁྲག་རཱ་ཧུ་ལ་རཱ་ཧུ་ཧྲིལ་ཤག་ཤག་སེན་སེན་བྷྱོ་བྷྱོ། །རང་རང་ཧྲིལ་པ་ཤ་མི་ཀི་ཧཱུཾ་ཕཊ་ཅེས་ཡུངས་ཀར་དང་ཡུངས་ནག་ལ་བཟླས་ཏེ་ཐོད་པར་བླུགས་སོ། །དེ་ནས་ཁྱབ་འཇུག་ལས་ལ་འཇུག་པའི་དུས་སུ་ཐབ་གསུམ་གྱི་ལས་སྦྱར་ན་བསྒྲུབ་བྱའི་ལོ་ཐོག་ངེས་པར་བརླག་པར་འགྱུར་རོ། །བསྒྲུབ་བྱ་སྐྲག་པའི་ལས་ཆུ་ཐིགས་ཞེས་བྱའོ། །དཔལ་མར་མེ་མཛད་བཟང་པོས་མཛད་པ་རྫོགས་སོ།།