ཀུ་རུ་ཀུལླེའི་སྒྲུབ་ཐབས།
རྒྱ་གར་སྐད་དུ། ཀུ་རུ་ཀུལླཱ་སྭཱ་དྷ་ནཾ། བོད་སྐད་དུ། ཀུ་རུ་ཀུལླེའི་སྒྲུབ་ཐབས། ཨོཾ་ཀུ་རུ་ཀུལླེ་ལ་ཕྱག་འཚལ་ལོ། །དང་པོ་བདེ་བའི་སྟན་ལ་ཉེ་བར་གནས་ལ། ཀུ་རུ་ཀུལླཱའི་གཟུགས་སུ་བྱས་ཏེ། སེམས་ཅན་མ་ལུས་དབང་དུ་བྱས་པ་བརྩམ་པར་བྱ་བའོ། །རང་གི་སྙིང་གར་ཉི་མའི་དཀྱིལ་འཁོར་རོ། །དེའི་སྟེང་དུ་ཡི་གེ་ཏའཾ་དམར་པོའོ། །དེ་ལས་འོད་ཟེར་ལྔ་ཀུན་ནས་སྤྲོས་ལ་དེ་བཞིན་གཤེགས་པ་རྣམས་ལེགས་པར་མཆོད་ཅིང༌། དཀོན་མཆོག་གསུམ་ལ་
བདག་སྐྱབས་མཆི། །ཞེས་བྱ་བ་ལ་སོགས་པས་སྡིག་པ་བཤགས་པ་ལ་སོགས་པ་རྣམས་ཀྱང་བྱས་ལ། སྟོང་པ་ཉིད་ཀྱང་རྣམ་པར་བསྒོམས་ཤིང༌། ཕྱི་ནས་ནི་ཨུཏྤལ་དམར་པོའོ། །དེའི་སྟེང་དུ་ཉི་མའི་དཀྱིལ་འཁོར་རོ། །དེའི་སྟེང་དུ་ཡི་གེ་ཏཱཾ་དམར་པོའོ། །དེ་དག་རྣམས་ཐམས་ཅད་ཀྱང་ཡོངས་སུ་གྱུར་པ་ལས་ནི་རྗེ་བཙུན་མ་ཀུ་རུ་ཀུལླེ་སྐུ་མདོག་དམར་མོ། ཕྱག་བཞི་མ། གཡས་ཀྱི་ཕྱག་ན་ནི་མདའ་དང་མི་འཇིགས་པའི་ཕྱག་རྒྱའོ། །གཡོན་གྱིས་ནི་གཞུ་དང་ཨུཏྤལ་འཛིན་པ། རྡོ་རྗེ་སྐྱིལ་མོ་ཀྲུང་གིས་གནས་པ། སྟོང་དུ་བསྣམས་པའི་ཤག་ཆུང་དང་ལྡན་པར་བདག་ཉིད་བསྒོམ་པར་བྱ་བའོ། །འོག་ཏུ་ནི་འདོད་པའི་ལྷ་བཟའ་ཤུག་བཅས་པར་བསམ་པར་བྱའོ། ཕྱི་ནས་ནི་བསྒོམ་པ་དང་ལྡན་པས་གསང་སྔགས་བཟླས་པར་བྱ་བའོ། །ཨོཾ་ཀུ་རུ་ཀུལླེ་ཧྲཱིཿ་སྭཱ་ཧཱ། ཀུ་རུ་ལུལླེའི་སྒྲུབ་ཐབས་སོ། །ཨ་བྷ་ཡ་ལ་ཚུལ་ཁྲིམས་རྒྱལ་མཚན་གྱིས་བསྒྱུར་བའོ། །