ཤེས་རབ་ཀྱི་ཕ་རོལ་ཏུ་ཕྱིན་མའི་སྒྲུབ་ཐབས།
རྒྱ་གར་སྐད་དུ། པྲཛྙཱ་པཱ་ར་མི་ཏཱ་སཱ་དྷ་ནཾ། བོད་སྐད་དུ། ཤེས་རབ་ཀྱི་ཕ་རོལ་ཏུ་ཕྱིན་མའི་སྒྲུབ་ཐབས། སྔར་བཤད་པའི་ཆོ་གས་རང་གི་སྙིང་གར་པདྨ་དཀར་པོ་འདབ་མ་དང་ལྡན་པའི་ཟླ་བའི་དཀྱིལ་འཁོར་ལ་ཡི་གེ་པྲཾ་དཀར་པོ་རྣམ་པར་བཀོད་དེ། །དེ་ཉིད་ལས་སྔར་བཞིན་དུ་ཐམས་ཅད་ཚུལ་བཞིན་དུ་བྱས་ནས་ཡི་གེ་པྲཾ་དང་པདྨ་ཡོངས་སུ་གྱུར་པ་ལས་བཅོམ་ལྡན་འདས་མ་ཞལ་གཅིག་ཕྱག་གཉིས་མ་སྐུ་མདོག་དཀར་མོ་སྟེ། ལུང་དང་རྟོགས་པའི་བདག་ཉིད་ཀྱིས་རིན་པོ་ཆེའི་དབུ་རྒྱན་གྱིས་བརྒྱད་པ། ཤེས་རབ་ཀྱི་ཕ་རོལ་ཏུ་ཕྱིན་པའི་པོ་ཏིས་མཚན་པའི་པདྨ་ཅན་གཉིས་གཡས་པ་དང་གཡོན་པའི་ཟུར་གྱི་བར་སྣང་ལ་ལངས་ལ་ལེགས་པར་བསྣམས་པ་ཕྱག་གཉིས་ཀྱིས་ཆོས་བཤད་པའི་ཕྱག་རྒྱ་བཅིངས་ཤིང༌། པདྨ་དཀར་པོ་དང་ཟླ་བ་ལ་རྡོ་རྗེ་སྐྱིལ་མོ་ཀྲུང་གིས་བཞུགས་པ། གཞོན་ཤིང་ལང་ཚོ་ལ་བབ་པ་དྲེགས་པ་དང་ལྡན་པ། ན་བཟའ་དང་རྒྱན་རྣམས་པར་བཀྲ་བ་རྣམས་ཀྱིས་བརྒྱན་པ། སོ་སོང་སྣང་བ་ཙམ་དུ་རབ་ཏུ་སྤྲོ་བར་བྱེད་པའི་འོད་ཟེར་གྱི་ཚོགས་རྣམ་པ་སྣ་ཚོགས་ཀྱིས་ནམ་མཁའ་ཀུན་ནས་འགེངས་པར་བྱེད་པ་མར་མེའི་ཕྲེང་བ་དང་འདྲ་བ་ཐོགས་པ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་མ་དུ་མ་སྤྲོ་བ་དང་བསྡུ་བའི་སྦྱོར་བས་ཐམས་ཅད་རང་བཞིན་གཅིག་ཏུ་ལྷག་པར་མོས་པས་ཀྱང་ཇི་སྲིད་དུ་ཤེས་རབ་ཀྱི་ཕ་རོལ་ཏུ་ཕྱིན་མ་མངོན་སུམ་དུ་བྱས་པ་དེ་སྲིད་དུ་བསྒོམ་པར་བྱ་བའོ། །དེ་ནས་ཡང་གང་གི་ཚེ་རྒོད་པར་གྱུར་ན་དེའི་ཚེ་སྣའི་རྩེ་མོ་ལ་པདྨ་དཀར་པོ་སྲན་མ་ཙ་ན་ཀའི་ཚད་ཙམ་བྲིས་པ་དང་འདྲ་བ་རྣམ་པར་བསྒོམས་ལ། དེ་ལ་གནས་པའི་ཤེས་རབ་ཀྱི་ཕ་རོལ་ཏུ་ཕྱིན་མ་ཤིན་ཏུ་ཕྲ་མོར་གྱུར་པ་སྔར་བཤད་པའི་གཟུགས་རྩེ་གཅིག་གིས་ཡིད་ཀྱི་དུས་ཡོངས་སུ་ཆད་པ་མེད་པར་ཡང་དང་ཡང་དུ་བསྒོམ་པར་བྱ་བའོ། །དེ་ནས་བསྐྱེད་པའི་ཕྱོགས་ཀྱི་སྔགས་ནི་ཨོཾ་པྲཾ་སྭཱ་ཧཱ། རྫོགས་པའི་ཕྱོགས་ཀྱི་སྔགས་ནི་ཡོད་པ་ཡིན་ཏེ། དོན་དམ་པའི་རིམ་པའི་ཤེས་རབ་ཀྱི་ཕ་རོལ་ཏུ་ཕྱིན་མའི་རྣལ་འབྱོར་གྱི་གདམས་ངག་ཐོབ་པར་གྱུར་པ། དགེ་འདུན་གྱི་བུ་ཞེས་པ། རིགས་མིང་ཡང་
སྟེ་བརྩོན་པ་ཡིས། །སྒྲུབ་ཐབས་གསལ་པོར་བྲིས་པ་ནི། །སེམས་ཅན་ཐམས་ཅད་དོན་ཕྱིར་ཡིན། །ཤེས་རབ་ཀྱི་ཕ་རོལ་ཏུ་ཕྱིན་པའི་སྒྲུབ་ཐབས་སོ། །ཨ་བྷ་ཡའི་ཞལ་སྔ་ནས་དགེ་སློང་ཚུལ་ཁྲིམས་རྒྱལ་མཚན་གྱིས་བསྒྱུར་བའོ། །