ཕྱིར་ཟློག་མ་ཆེན་མོ།

---

^{[མ་དཔེ་གཟིགས་ན་འདིར་གནོན།]}

རྒྱ་གར་སྐད་དུ། མ་ཧཱ་པྲ་ཏྱཾ་གི་རཱ། བོད་སྐད་དུ། ཕྱིར་ཟློག་མ་ཆེན་མོ། ཕྱིར་ཟློག་མ་ཆེན་མོ་ནི་སྐུ་མདོག་ནག་མོ་ཞལ་གཅིག་ཕྱག་དྲུག་མ་སྟེ། རལ་གྲི་དང་ལྕགས་ཀྱུ་དང་མཆོག་སྦྱིན་པ་ནི་གཡས་པའི་ཕྱག་གིས་སོ། །པདྨ་དམར་པོ་དང༌། ཏྲི་ཤཱུ་ལ་དང༌། ཞགས་པ་དང་བཅས་པའི་སྡིགས་མཛུབ་སྙིང་ག་ན་གནས་པ་དང་ལྡན་པ་ནི་གཡོན་པའི་ཕྱག་རྣམས་སོ། །ས་བོན་ནི་ཧཱུཾ་ངོ༌། །དབུ་རྒྱན་ལ་མི་བསྐྱོད་པའོ། །རྒྱན་ཐམས་ཅད་དང་ལྡན་པ། གཟུགས་དང་ལང་ཚོ་ཕུན་སུམ་ཚོགས་མའོ། །ཨ་བྷ་ཡ་ལས་ཚུལ་ཁྲིམས་རྒྱལ་མཚན་གྱིས་བསྒྱུར་བ་རྫོགས་སོ། །