ཛམྦྷལའི་སྒྲུབ་ཐབས།
རྒྱ་གར་སྐད་དུ། ཛམྦྷ་ལ་སཱ་དྷ་ནཾ། བོད་སྐད་དུ། ཛམྦྷ་ལའི་སྒྲུབ་ཐབས། སྟོང་པ་ཉིད་བསྒོམས་པའི་རྗེས་ཐོགས་ལ་ཉི་མ་ལ་ཛཾ་སེར་པོ་
ལས་བྱུང་བའི་ཛམྦྷ་ལ་སེར་པོ་ཞལ་གསུམ་ཕྱག་དྲུག་པ། མི་བསྐྱོད་པ་དང་རལ་པ་དང་ཅོད་པན་དང་ལྡན་པ་སྟེ། གཡས་པའི་ཕྱག་གསུམ་གྱིས་ནི་ཤིང་ཐོག་མ་དུ་ལུ་ངྒ་དང༌། ལྕགས་ཀྱུ་དང་མདའ་བསྣམས་བའོ། །གཡོན་པའི་ཕྱག་དང་པོ་གཅིག་གིས་ནི་གཡོན་ཟུར་ན་གནས་པའི་ཤེས་རབ་ལ་འཁྱུད་པ། གཡོན་པའི་ཕྱག་གཞན་གཉིས་ཀྱིས་ནི་ཞགས་པ་དང་བཅས་པའི་ནེའུ་ལེ་དང༌། གཞུ་བསྣམས་པར་བདག་ཉིད་ངེས་པར་རྫོགས་པར་བྱས་ལ། མདུན་དུ་ཡང་གཟུགས་དེ་བསམ་གཏན་གྱིས་བཞུགས་སུ་གསོལ་ཞིང༌། དེའི་མགོ་ལ་ཡང་རྡོ་རྗེ་འཛིན་པ་ཆེན་པོ་བསྒོམས་ཏེ། དེ་ཞུ་བས་དབང་བསྐུར་བར་གྱུར་བ་དང༌། །རྡོ་རྗེའི་ཆུ་ལན་བརྒྱ་རྩ་བརྒྱད་ཁྱོར་བས་བླུགས་པར་བྱ་བའོ། །འདི་ནི་མན་ངག་གི་ཁྱད་པར་གཞན་གྱིས་ཛམྦྷ་ལའི་སྒྲུབ་ཐབས་ཡིན་ཏེ། སྔགས་འདི་ནི། ཨོཾ་ཛམྦྷ་ལ་ཛ་ལེནྡྲ་ཡེ་སྭཱ་ཧཱ། ཨ་བྷ་ཡ་ལས་ཚུལ་ཁྲིམས་རྒྱལ་མཚན་གྱིས་བསྒྱུར་བའོ།། །།