ཛམྦྷལའི་གདམས་ངག །

---

^{[མ་དཔེ་གཟིགས་ན་འདིར་གནོན།]}

རྒྱ་གར་སྐད་དུ། ཛམྦྷ་ལ་སྱ་ཨུ་པ་དེ་ཤཿ།བོད་སྐད་དུ། ཛམྦྷ་ལའི་གདམས་ངག །ལག་པ་གཡས་བར་ཟླ་བ་ལ་གནས་པའི་ས་བོན་ཙླུཾ་ལ་སོགས་པ་ལྔ་ཡོངས་སུ་གྱུར་པ་ལས་དེ་བཞིན་གཤེགས་པ་ལྔ་བསྒོམས་ལ། དེ་དག་རྣམས་ཀྱང་ཟླ་བ་དང་ལྷན་ཅིག་ཁུ་བར་བྱས་ཏེ། ཛཾ་ལས་བྱུང་བའི་ཛམྦྷ་ལ་རབ་ཏུ་གྲགས་པ་མདུན་དུ་བསྐྱེད་ལ། སྔར་བརྗོད་པའི་ཁུ་བ་དང་ཆུ་ལྷན་ཅིག་ཏུ་སྲིན་ལག་

---

^{[མ་དཔེ་གཟིགས་ན་འདིར་གནོན།]}

བརྐྱང་བའི་ལག་པ་ཁུ་ཚུར་ཕྱེད་དུ་བྱས་པའི་ཁྱོར་བས་དེའི་དབུ་ལ་བརྒྱ་རྩ་བརྒྱད་བླུགས་པར་བྱའོ། །ཕུན་སུམ་ཚོགས་པ་ལྷག་མ་མ་ལུས་པར་འབྱུང་བར་འགྱུར་རོ། །འདི་ནི་ཛམྦྷ་ལའི་གདམས་ངག་གོ །དཱ་དང་ཨ་བྷ་ཡའི་ཞལ་སྔ་ནས་དགེ་སློང་ཚུལ་ཁྲིམས་རྒྱལ་མཚན་གྱིས་བསྒྱུར་པའོ། །