གདམས་ངག་གི་ཁྱད་པར།

---

^{[མ་དཔེ་གཟིགས་ན་འདིར་གནོན།]}

རྒྱ་གར་སྐད་དུ། ཨུ་པ་དེ་ཤ་བི་ཤེ་ཥཿ། བོད་སྐད་དུ། གདམས་ངག་གི་ཁྱད་པར། རྒྱལ་བ་རྣམ་སྣང་ཞེས་གྲགས་དང༌། །རིན་ཆེན་འབྱུང་ལྡན་ཉིད་དང་ཡང༌། །སྣང་མཛད་དང་ནི་དོན་ཡོད་གྲུབ། །མི་བསྐྱོད་པར་ཡང་རབ་ཏུ་བསྒྲགས། །འདི་དག་མདོག་ནི་དཀར་དང་སེར། །དམར་དང་ལྗང་གུ་མཐིང་ནག་ཡིན། །བྱང་མཆོག་མཆོག་སྦྱིན་མཉམ་བཞག་དང༌། །མི་འཇིགས་ས་གནོན་ཕྱག་རྒྱའོ། །དེ་བཞིན་གཤེགས་པ་རྣམས་ཀྱི་ས་བོན་བྷཱུཾ་ཨཾ་ཛྲཱཾ་ཁཾ་ཧཱུཾ་ངོ༌། །དེ་བཞིན་གཤེགས་པ་ལྔའི་གདམས་ངག་གི་ཁྱད་པར་ཨ་བྷ་ཡ་ལས་ཚུལ་ཁྲིམས་རྒྱལ་མཚན་གྱིས་བསྒྱུར་བའོ། །