གཤིན་རྗེ་མཐར་མཛད་ཀྱི་སྒྲུབ་ཐབས།
རྒྱ་གར་སྐད་དུ། ཡ་མཱནྟ་ཀ་སཱ་དྷ་ནཾ། བོད་སྐད་དུ། གཤིན་རྗེ་མཐར་མཛད་ཀྱི་སྒྲུབ་ཐབས། གཤིན་རྗེ་མཐར་མཛད་ལ་ཕྱག་འཚལ་ལོ། །དཔའ་བོ་ཐོད་པའི་ཕྲེད་བ་ཅན། །ཀླུ་སོགས་ཀྱིས་བརྒྱན་བརྒྱན་བཞིན་བསྒྱུར་བའོ། །གཤིན་རྗེ་མཐར་མཛད་མགོན་བཏུང་ནས། །དེ་ཡི་སྒྲུབ་ཐབས་བྲི་བར་བྱ། །བདེ་བའི་སྟན་ལ་ལེགས་གནས་ལ། །སྙིང་གར་ཧཱུཾ་དབྱིབས་མཐིང་ནག་དགོད། །དེ་བྱུང་མཆོད་པའི་ཁྱད་པར་གྱིས། །རྗེ་བོ་མདུན་དུ་ལེགས་པར་མཆོད། །དེ་ཡི་སྔོན་ཕྱོགས་ཡུལ་དུ་ནི། །སྡིག་བཤགས་ལ་སོགས་རྣམས་བྱས་ལ། །འགྲོ་ཀུན་རང་བཞིན་མེད་པར་ནི། །ཐམས་ཅད་ནས་བལྟ་སྐད་ཅིག་གིས། །ས་བོན་སྙིང་བསྐྱེད་ཕྱག་མཚན་ལས། །བྱུང་བ་པདྨར་བརྐྱང་བསྐུམ་ཞབས། །ཁྲོ་གཉེར་བསྙེར་བའི་འཇིགས་པའི་ཞལ། །སྨྲར་སྨིན་སེར་པོ་གྱེན་ལ་སྐྱེས། །ཞལ་གསུམ་ལྗགས་ནི་འདྲིལ་བར་མཛད། །འཇིགས་པའི་མཆེ་བ་རྣམ་པར་གཙིགས། །སྤྱན་མིག་དམར་ཞིང་གསུས་པ་ཆེ། །མཐིང་ནག་གཞོན་ནུའི་སྟུག་པོའི་འོད། །ཉི་མའི་དཀྱིལ་འཁོར་ལ་བཞུགས་ཤིང༌། །མགོ་རུས་ཀྱིས་ནི་རྣམ་པར་བརྒྱན། །བོང་ཐུང་སྟག་ལྤགས་ཤམ་ཐབས་ཅན། །དྲེགས་པ་ཐམས་ཅད་འཇོམས་པར་མཛད། །གཟི་བརྗིད་ཆེན་པོ་ཉི་འོད་ཅན། །ཕྱོགས་རྣམས་མ་ལུས་རྒྱས་པར་མཛད། །འབར་ཞིང་འབར་བའི་ཕྲེང་གདུག་པ།།
དུས་མཐའི་མེ་དད་མཚུངས་པར་འབར། །འཁོར་ལོ་རལ་གྲི་དབྱུག་ཏོ་འབར། །ཆུ་གྲི་མདུང་དང་ཞགས་པ་དང༌། །རྣམ་གསལ་བསྐོར་བའི་ལྷ་རྫས་དྲུག །གཡས་དང་གཡོན་གྱི་ཕྱག་ན་བསྣམས། །འཇིགས་པའི་གཟུགས་ལྡན་ཤིན་ཏུ་དྲག །བདུད་རྣམས་འཇོམས་མཛད་གཤིན་རྗེ་གཤེད། །ཧཱུཾ་སྒྲས་གྲེ་བ་རྒྱས་པར་ནི། །འཇིགས་རྣམས་སྤངས་ལ་བསྒོམ་པར་བྱ། །ཉི་ཤུ་ཕྱེད་དང་སྟོང་ཕྲག་གིས། །སྔགས་རྣམས་རྟག་པར་སྔགས་རིག་པས། །སེམས་མ་ཡེངས་པར་བཟླས་ན་ནི། །འདིར་བརྗོད་དངོས་གྲུབ་འཐོབ་པར་འགྱུར། །སྔོན་འགྲོ་ཆོགས་ཀྱང་འདིར་ནི། །སྔགས་པ་རྣམས་ཀྱིས་སྔགས་འགྲུབ་འགྱུར། །ལས་རྗེས་མཐུན་པར་མདོག་བརྗོད་དེ། །ཤིན་ཏུ་རྒྱས་པར་འདིར་མ་བརྗོད། །བསམ་པའི་འདོད་པ་དེ་ཡང་ནི། །བླ་མའི་གདམས་ངག་ལས་གྲུབ་འགྱུར། །མཁས་པས་བརྩོན་པར་ཤེས་བྱ་བ། །བཙོང་བྱ་དང་གཞན་བསྟེན་པར་བྱ། །གཏོར་མ་བྱ་བའི་སྦྱོར་ལྡན་པས། །ཐུན་ཚོད་བཞིར་ནི་འབད་དེ་བྱ། །བཟླས་པའི་སྔགས་ནི། ཨོཾ་ཧྲཱིཿ་ཥྚྲྀཿ་བི་ཀྲྀ་ཏཱ་ན་ན་ཧཱུཾ་ཧཱུཾ་ཕཊ་ཕཊ་སྭཱ་ཧཱ། གཤིན་རྗེ་མཐར་མཛད་ཀྱི་སྒྲུབ་ཐབས་རྫོགས་སོ།། །།མཁས་པ་ཨ་བྷ་ཡ་ལས་དགེ་སློང་ཚུལ་ཁྲིམས་རྒྱལ་མཚན་གྱིས་བསྒྱུར་བའོ། །