ཁྲོ་གཉེར་ཅན་གྱི་སྒྲུབ་པའི་ཐབས།
དྲི་མ་མེད་པའི་ལྷ།

---

^{[མ་དཔེ་གཟིགས་ན་འདིར་གནོན།]}

རྒྱ་གར་སྐད་དུ། བྷྲཱྀ་ཀུ་ཊི་སཱ་དྷ་ནཾ། བོད་སྐད་དུ། ཁྲོ་གཉེར་ཅན་གྱི་སྒྲུབ་པའི་ཐབས། བཅོམ་ལྡན་འདས་ཡུམ་ཁྲོ་གཉེར་ཅན་མ་ལ་ཕྱག་འཚལ་ལོ། །སྔར་བཤད་པའི་ཆོ་ག་ལས་ས་བོན་ལྔ་པའི་གསུམ་པ་ལ། དང་པོའི་བརྒྱད་པས་རྫོགས་པར་བྱས་པ་སྟོང་པས་མནན་པར་བསམས་ལ། དེ་ཉིད་ལས་བྱུང་བའི་ལྷ་མོ་ཁོར་གཉེར་ཅན་མ། རལ་བ་དང་ཐོར་ཚུགས་འཆང་བ། ཞི་བ། ཕྱག་བཞི་པ་ཕྱག་གཡས་ན་མཆོག་སྦྱིན་དང་བགྲང་ཕྲེང༌། གཡོན་ན་དབྱིག་པ་དང་སྤྱི་བླུགས་བསྣམས་པ། པདྨའི་གདན་ལ་བཞུགས་པར་བསྒོམ་པར་བྱའོ། །དེ་ནས་ལག་པ་གཉིས་ཀྱི་ཐལ་མོ་བརྐྱང་བ་སྤྱར་ལ།

---

^{[མ་དཔེ་གཟིགས་ན་འདིར་གནོན།]}

མཐེ་བོས་མཐེའུ་ཆུང་གི་སེན་མོ་མནན་ཏེ། སོ་སོར་ཕྱེ་ལ་ལྷག་མ་རྣམས་རྡོ་རྗེར་བྱ་བ་འདི་ནི་ལྷ་མོ་ཁྲོ་གཉེར་ཅན་མའི་ཕྱག་རྒྱའོ། །སྔགས་ལ་ཨོཾ་བྷྲཱྀཾ་སྭཱ་ཧཱ། ཁྲོ་གཉེར་ཅན་གྱི་སྒྲུབ་ཐབས་རྫོགས་སོ།།