ཤེས་རབ་འཕེལ་བའི་ཆོ་ག།
རྒྱ་གར་སྐད་དུ། པྲཛྙཱ་ཝརྡྷ་ན་བི་དྷིཿ། བོད་སྐད་དུ། ཤེས་རབ་འཕེལ་བའི་ཆོ་ག །འཕགས་པ་འཇམ་དཔལ་ལ་ཕྱག་འཚལ་ལོ། །སྒྲོན་མ་ཚོགས་པའི་རྣམ་པ་ཡིས། །སྤྲུལ་པའི་ཆུ་སྐྱེས་ཟླ་དབུས་སོན། །ཧཾ་གི་ཡི་གེ་ཞུ་བ་ཡིས། །དཔའ་བོ་ཉི་མ་སྦས་པས་བསྟན། ཧཱུཾ་ཨོཾ། ཤེས་རབ་ལྷག་པར་འཕེལ་བར་བྱེད་པའོ། །སྐད་ཅིག་གིས་འཇམ་དབྱངས་ཀྱི་རྣལ་འབྱོར་དུ་དམིགས་ཏེ། ལྟེ་བ་ལ་ཟླ་བའི་དཀྱིལ་འཁོར་གྱི་སྟེང་དུ་ཐིག་ལེ་དཀར་པོ་ལ་སྒྲོན་མ་ཚོགས་པའི་རྣམ་པའི་འོད་ཟེར་རྣམ་པར་བསམ་པར་བྱའོ། །སྤྱི་བོར་ཧཾ་ཡིག་དཀར་པོ་ཡིད་གཞོམ་དུ་མེད་པ་མགོ་ཐུར་དུ་འཕྱང་བའི་འོད་ཟེར་བསྒོམ་པར་བྱའོ། །དེའི་རྗེས་སུ་ཐིག་ལེའི་འོད་ཟེར་གྱིས་ཡང་དག་པར་བསྐུལ་ནས་ཧཾ་ཡིག་ཞུ་བར་གྱུར་ཏེ། དེ་ལ་ཐིག་ལེ་འབབ་ཅིང་ཚིམ་པར་བྱའོ། །སེམས་བརྟན་པའི་རྣལ་འབྱོར་པས་ཡུན་རིང་དུ་མི་ཐོགས་པར་ཤེས་རབ་མངོན་པར་འཕེལ་བར་འགྱུར་རོ་ཞེས་སོ། །ལྟེ་བའི་སྟེང་གི་ཕྱོགས་སུ་ནི། །དམར་ཞིང་གསལ་བའི་ཆོས་འབྱུང་ནི། །རྡོ་རྗེ་སྔོན་པོ་རྩེ་ལྔ་པ། །ལྟེ་བ་ལ་ནི་འོད་ཟེར་འབར། །ཧཱུཾ་ཡིག་དཀར་པོ་ལས་སྐྱེས་པའི། །མགོ་བོའི་མཚམས་ནས་ངེས་འབྱུང་བའི། །ཧཱུཾ་ཡིག་དུད་ཁ་ལས་བྱུང་བའི། །སྒྲ་ཡིས་ནམ་མཁའ་ཁྱབ་པར་བལྟ། །སྒྲ་ཡི་འོད་ཀྱི་རེ་ཁཱའོ། །ཞེས་པ་ནི་ཤེས་རབ་འཕེལ་བའི་ཆོ་ག་རྫོགས་སོ།།