འཕགས་མ་དུག་སེལ་མའི་རིག་སྔགས་ཆེན་མོ།
རྒྱ་གར་སྐད་དུ། ཨཱཪྻ་ཛཱཾ་གུ་ལཱི་མ་ཧཱ་བིདྱཱ། བོད་སྐད་དུ། འཕགས་མ་དུག་སེལ་མའི་རིག་སྔགས་ཆེན་མོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་དུ་ཡོད་པ་ན་བཞུགས་ཏེ། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་རབ་ན་དགེ་སློང་གི་དགེ་འདུན་ཆེན་པོ་བརྒྱ་ཕྲག་ཕྱེད་དང་བཅུ་གསུམ་དང་ཐབས་ཅིག་ཏུ་བཞུགས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་མང་པོ་དང༌། ཡང་དཔག་ཏུ་མེད་པའི་ལྷ་དང༌། ཀླུ་དང༌། གནོད་སྦྱིན་དང༌། དྲི་ཟ་དང༌། ལྷ་མ་ཡིན་དང༌། ནམ་མཁའ་ལྡིང་དང༌། མི་འམ་ཅི་དང༌། ལྟོ་འཕྱེ་ཆེན་པོ་དང༌། མི་དང་མི་མ་ཡིན་པ་རྣམས་དང་ཐབས་ཅིག་གོ །དེ་ཉིད་དུ་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་སྔོན་བྱུང་པ་ན་ང་བྱང་ཆུབ་སེམས་དཔར་གྱུར་ཏེ་སྤྱད་པ་སྤྱོད་པ་ན། རི་བོ་གངས་ལྡན་བྱང་ཕྱོགས་ལོགས། །སྤོས་ངད་ལྡང་བའི་རི་བོ་སྟེ། །རི་རྒྱལ་དེ་ཡི་ཤར་ཕྱོགས་ན། །གཞོན་ནུ་བསོད་ནམས་བརྒྱ་ཡིས་མཚན། །ཨེ་ན་ཡ་ཡི་པགས་པའི་གོས། །སྦྲུལ་གྱིས་བརྒྱན་ཅིང་སྐེ་རགས་བྱས། །སྦྲུལ་དུག་རེག་པའི་དུག་ཅན་
དང། །མཐོང་དུག་ཅན་གྱིས་རྣ་རྒྱན་བྱས། །དུག་གི་མེ་ཏོག་ཟས་སུ་ཟ། །དུག་གི་ཁྲག་ནི་འཐུང་བར་བྱེད། །དེ་ཡི་བདག་ལ་བོས་བྱས་ཏེ། །བུ་ཁྱོད་ཚུར་ཤོག་བདག་ལ་ཉོན། །དུག་སེལ་མ་ཞེས་བྱ་བ་ཡི། །རིག་སྔགས་མཆོག་གིས་དུག་འཇོམས་མ། །གང་ཞིག་བདག་མིང་ཙམ་གྱིས་ཀྱང༌། །དེ་ཡི་དུག་རྣམས་ཐམས་ཅད་འཇོམས། །ཏདྱ་ཐཱ། ཨོཾ་ཨི་ལི་མིཏྟེ་ཏི་ལི་མིཏྟེ་ཨི་ལི་ཏི་ལི་མིཏྟེ་དུམྦེ་ལི་དུམྦཱ་ལི་ཨ་གྲ་དུསྶེ་དུསས་ལཱི་ཨི་ཏརྐེ་ཏཀྲ་ར་ཎ་མེརྨེ་མརྨྨ་ར་ཎེ་ཀཤྨཱི་རེ་ཀཤྨཱི་ར་མུ་ཀྟེ་ཨགྷེ་ཨགྷ་ནེ་ཨགྷ་ན་གྷ་ནེ་ཨ་གྷ་ན་གྷ་ནེ་ཨི་ལཱི་ཨི་ལཱི། ཨེ་མ་ལི་ཨེ་ཨི་ལི་མི་ལཱི་ཨེ་ཨཀྵཱ་ཨེ་ཨཀྵ། ཨི་ཨེ་ཤྭེ་ཏེ་ཤྭེ་ཏེ་ཏུཎྜེ་ཨ་ནུ་རཀྵེ་སྭཱཧཱ། འདིར་བདག་གིས་རིག་སྔགས་ཐམས་ཅད་དུ་དཀར་བ་དགེ་སློང་རྣམས་ལ་ལེགས་པར་ཕུལ་བའི་རིག་པ་འདི་ལན་ཅིག་ཐོས་པས་དེ་ལ་ལོ་བདུན་དུ་སྤྲུལ་གྱིས་འཛིན་པར་མི་འགྱུར་རོ། །དེའི་ལུས་ལ་དུག་གིས་གོས་པར་མི་འགྱུར་རོ། །དགེ་སློང་གང་ཞིག་རྣམས་ཀྱིས་རིག་སྔགས་འདི་བཟུང་བར་གྱུར་ན་ཇི་སྲིད་འཚོའི་བར་དུ་སྦྲུལ་གྱིས་འཛིན་པར་མི་འགྱུར་རོ། །གལ་ཏེ་ཡང་སྦྲུལ་གྱིས་བཟུང་ན་དེའི་མགོ་ཨརྫ་ཀའི་དོག་པ་བཞིན་དུ་ཚལ་པ་བདུན་དུ་འགས་པར་འགྱུར་རོ། །ཡང་སྔགས་ཀྱི་ཚིག་འདི་སྦྲུལ་གྱི་མདུན་དུ་བཟླས་པར་མི་བྱའོ།། གང་ཞིག་གིས་བཟླས་ན་སྦྲུལ་འཆི་བར་འགྱུར་རོ། །འདི་ལྟ་སྟེ། ཨི་ལ་ལཱ་ཙི་ལ་ལཱ་ཙཀྐོ་བཀྐོ་ཀོཌ་ཏི་མོ་ཧོ་མོ་ཧི་ཏི་ཀུ་རུ་ཌཱ་ཀུ་རུ་ཌེ་ནི་ཀུ་རུ་ཌེ་ཏི། པུ་རུ་ཌཱ་པུ་རུ་ཌེ་ཏི་ནི་པུ་རུ་ཌཱ་ནི་པུ་རུ་ཌེ་ཏི། ཕུཊྚ་ཕུཊྚ་ར་ཧེ་ཕུཊྚ་ཕུཊྚ། ཊྚེཎྚ་ར་ཧེ། ནཱ་གེ་ནཱ་གཾ་ར་ཧེ། ནཱ་གཌྚ་ཌྚཎྚ་ར་ཧེ། སར་པེ་སར་པ་ར་ཧེ་སར་པཌྚ་ཌྚཎྚ་ར་ཧེ། ཨཙྪེ་ཨཙྪ་ལེ་ཨི་ཨི་ལ་བི་ཥེ། ཤཱི་ཏེ་ཤཱི་ཏཱ་བན་ཏ་ལེ། ཕ་ལེ་ཕ་ལ་ལེ། ཏུཎྜེ་ཏུ་ཏུཎྜེ། ཏཎྜི་ཏཎྜི་ཏེ་ཌ་ཏ་སྥུ་ཊ་སྥུ་ཊ་སྥུ་ཊ་ཏུ་བི་ཥཾ་སྭཱ་ཧཱ། དགེ་སློང་རྣམས་ཀྱིས་དུག་སེལ་མ་ཞེས་བྱ་བའི་རིག་སྔགས་ཆེན་པོ་ལྷ་དང༌། ལྷ་མ་ཡིན་དང༌། ཀླུ་དང་གནོད་སྦྱིན་དང༌། འབྱུང་པོ་འདུས་པ་ཐམས་ཅད་ལ་གསུངས་པ་དང༌། གཏམ་བྱས་པ་དང༌། ཉེ་བར་བསྟན་པ་དང༌། རབ་ཏུ་ལུང་བསྟན་པ་དེ་ཐམས་ཅད་དེ་བཞིན་དུ་མི་བདེན་པ་མ་ལགས་ཏེ་གཞན་དུ་མ་ཡིན་ནོ། །དེ་བདེན་པར་འགྱུར་ཏེ་ཇི་ལྟ་བ་དེ་བཞིན་དུ་ཕྱིན་ཅི་མ་ལོག་པའོ། །ཕྱིན་ཅི་མ་ལོག་པས་སངས་རྒྱས་ཀྱི་བདེན་པ་རྗེས་སུ་དྲན་པ་
དང། ཆོས་ཀྱི་བདེན་པ་རྗེས་སུ་དྲན་པ་དང་དགེ་འདུན་གྱི་བདེན་པ་རྗེས་སུ་དྲན་པ་དང༌། བདེན་པའི་ཚིག་གི་བདེན་པ་རྗེས་སུ་དྲན་པ་དང༌། བདེན་པ་འདི་དང་བདེན་པའི་ཚིག་འདིས་དུག་རྣམས་དུག་མེད་པར་གྱུར་ཅིག །དཱ་ཏཱ་རཾ་གཙྪ་ཏུ། ད་ཥ་ཌཱ་རཾ་གཙྪ་ཏུ། ཨགྣི་གཙྪ་ཏུ། ཀུ་ཊྱཾ་གཙྪ་ཏུ། ཛ་ལ་གཙྪ་ཏུ། སྟཾ་བྷ་གཙྪ་ཏུ། ཤཱནྟཾ་གཙྪ་ཏུ། སྭསྟྱ་ཡ་ནཾ་གཙྪ་ཏུ། བྷཱུ་མྱཾ་ནི་པ་ཏ་ཏུ་བི་ཥཾ་སྭཱ་ཧཱ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང༌། ཀུན་དགའ་བོ་དང༌། དགེ་སློང་དང་བཅས་པའི་འཁོར་རྣམས་དང༌། ལྷ་དང་མི་དང༌། ལྷ་མ་ཡིན་དང༌། ནམ་མཁའ་ལྡིང་དང༌། དྲི་ཟ་དང༌། མི་འམ་ཅི་དང༌། ལྟོ་འཕྱེ་ཆེན་པོ་དང༌། གནོད་སྦྱིན་དང༌། ཀླུ་དང་བཅས་པའི་འཁོར་དེ་དག་ཐམས་ཅད་ཡི་རངས་ཏེ་མངོན་པར་དགའོ། །འཕགས་མ་དུག་སེལ་མའི་རིག་སྔགས་ཆེན་མོ་རྫོགས་སོ།།