ཁྲོ་གཉེར་ཅན་གྱི་སྒྲུབ་ཐབས།
― DTG077_Page_0383 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། བྷྲྀ་ཀུ་ཊཱི་སཱ་དྷ་ནཾ། བོད་སྐད་དུ། ཁྲོ་གཉེར་ཅན་གྱི་སྒྲུབ་ཐབས། འཕགས་མ་ཁྲོ་གཉེར་ཅན་ལ་ཕྱག་འཚལ་ལོ། །འདིར་སྔོན་དུ་གསུངས་པའི་ཆོ་གས་བྷྲྀ་ཡིག་སེར་པོ་ལས་སྐྱེས་པའི་སྐུ་མདོག་སེར་མོ་ཞལ་གཅིག་པ། སྤྱན་གསུམ་པ། ཕྱག་བཞི་པ། ལང་ཆོ་གཞོན་པ། ཕྱག་གཡས་པ་དག་ན་མཆོག་སྦྱིན་དང༌། བགྲང་ཕྲེང་བསྣམས་པ། ཕྱག་གཡོན་པ་དག་ན་དབྱུ་གུ་རྩེ་གསུམ་དང༌། སྤྱི་བླུགས་བསྣམས་པ། འོད་དཔག་མེད་ཀྱིས་རྒྱས་བཏབ་པ། པདྨ་དང་ཟླ་བའི་གདན་ལ་བཞུགས་པའི་བཅོམ་ལྡན་འདས་མ་བསམས་ནས་ཕྱག་རྒྱ་བཅིང་བར་བྱའོ། །ལག་པ་གཉིས་བརྐྱང་སྟེ་མཐེབ་ཆེན་དག་གིས་
― DTG077_Page_0384 ―
[མ་དཔེ་གཟིགས་ན་འདིར་གནོན།]
མཐེབ་ཆུང་དག་གི་སེན་མོ་མནན་པར་བྱའོ། །དེ་ནས་སྔགས་བཟླས་པར་བྱ་སྟེ། ཨོཾ་བྷྲྀ་ཀུ་ཏཱི་སྭཱ་ཧཱ། ཁྲོ་གཉེར་ཅན་གྱི་སྒྲུབ་ཐབས་རྫོགས་སོ།།