ཕྱིར་བཟློག་པ་ཆེན་མོའི་སྒྲུབ་ཐབས།

---

^{[མ་དཔེ་གཟིགས་ན་འདིར་གནོན།]}

རྒྱ་གར་སྐད་དུ། མ་ཧཱ་བྲ་དྱཾ་གཱི་ར་སཱ་དྷ་ནཾ། བོད་སྐད་དུ། ཕྱིར་བཟློག་པ་ཆེན་མོའི་སྒྲུབ་ཐབས། འཕགས་མ་ཕྱིར་བཟློག་པ་ཆེན་མོ་ལ་ཕྱག་འཚལ་ལོ། །ཕྱིར་བཟློག་པ་ཆེན་མོ་སྐུ་མདོག་ནག་མོ་ཞལ་གཅིག་པ། ཕྱག་དྲུག་པ། རལ་གྲི་དང༌། ལྕགས་ཀྱུ་དང༌། མཆོག་སྦྱིན་རྣམས་ཕྱག་གཡས་པ་རྣམས་ནའོ། །པདྨ་དམར་པོ་དང༌། རྩེ་གསུམ་དང༌། ཞགས་པ་དང་བཅས་པའི་སྡིགས་མཛུབ་ཐུགས་ཀར་གནས་པ་ནི་ཕྱག་གཡོན་པ་རྣམས་ནའོ། །ས་བོན་ནི་ཧཱུཾ་ཡིག་གོ །མི་བསྐྱོད་པས་དབུ་བརྒྱན་པ། ལང་ཚོ་གཞོན་ཞིང་རྒྱན་ཐམས་ཅད་ཀྱིས་བརྒྱན་པའོ། །ཕྱིར་བཟློག་པ་ཆེན་མོའི་སྒྲུབ་ཐབས་རྫོགས་སོ།།