བྱམས་པའི་སྒྲུབ་ཐབས།

---

^{[མ་དཔེ་གཟིགས་ན་འདིར་གནོན།]}

རྒྱ་གར་སྐད་དུ། མཻ་ཏྲེ་ཡ་སཱ་དྷ་ནཱཾ། བོད་སྐད་དུ། བྱམས་པའི་སྒྲུབ་ཐབས། མགོན་པོ་བྱམས་པ་ལ་ཕྱག་འཚལ་ལོ། །སྔོན་དུ་གསུངས་པའི་ཆོ་ག་འདིས་ཟླ་བའི་དཀྱིལ་འཁོར་གྱི་སྟེང་དུ་མཻཾ་ཡིག་སེང་པོ་ཡོངས་སུ་གྱུར་པ་ལས་སྣ་ཚོགས་ཆུ་སྐྱེས་ལ་བཞུགས་པའི་ཞལ་གསུམ་སྤྱན་གསུམ། ཕྱག་བཞི་པ་ནག་པོ་དང་དཀར་པོ་ནི་གཡས་དང་གཡོན་གྱི་ཞལ་ལོ། །སྐུ་མདོག་གསེར་ལྟ་བུའོ། སེམས་དཔའི་སྐྱིལ་ཀྲུང་གིས་བཞུགས་པ་ཆོས་འཆད་ཀྱི་ཕྱག་རྒྱ་མཛད་པའོ། །གཞན་གཡས་པ་དང༌། གཡོན་པའི་ཕྱག་དག་གིས་མཆོག་སྦྱིན་དང་ནཱ་ག་གེ་སར་གྱི་མེ་ཏོག་གི་སྙེ་མ་བསྣམས་པ། སྣ་ཚོགས་པའི་རྒྱན་གྱིས་བརྒྱན་པའི་བྱམས་པའི་སྐུར་བདག་ཉིད་དམིགས་ནས་ཕྱག་རྒྱ་བཅིང་བར་བྱའོ། །ལག་པ་གཉིས་སོ་སོར་ཁུ་ཚུར་བཅིངས་ནས་སྡིགས་མཛུབ་དག་མཐེ་བོའི་དབུས་སུ་བཞག་ནས་མེ་ཏོག་གི་རྣམ་པར་སྦྱར་བར་བྱའོ། །དེ་ནས་བཟླས་པ་བྱ་སྟེ། ཨོཾ་མཻ་ཏྲེ་ཡ་སྭཱ་ཧཱ། བྱམས་པའི་སྒྲུབ་ཐབས་རྫོགས་སོ།།