འཕགས་པ་ཁ་སརྤ་ཎ་འཇིག་རྟེན་མགོན་པོའི་སྒྲུབ་ཐབས།
དྲི་མ་མེད་པའི་ལྷ།
རྒྱ་གར་སྐད་དུ། ཨཱཪྻ་ཁརས་པཱ་ཎི་ལོ་ཀ་ནཱ་ཐ་སཱ་དྷ་ནཾ། བོད་སྐད་དུ། འཕགས་པ་ཁརས་པཱ་ཎི་འཇིག་རྟེན་མགོན་པོའི་སྒྲུབ་ཐབས། འཇིག་རྟེན་མགོན་པོ་ལ་ཕྱག་འཚལ་ལོ། །གནས་དབེན་པར་བདེ་བའི་སྟན་ལ་སྔགས་པ་འདུག་སྟེ། དང་པོར་ཚངས་པའི་གནས་བཞི་བསྒོམ་མོ། །དེ་ནས་སྙིང་གར་ཨ་ལས་ཟླ་བར་ཧྲཱིཿདྐར་པོ་བསམས་པའི་འོད་འཕྲོས་པས། མདུན་གྱི་ནམ་མཁའ་ལ་བླ་མ་དང༌། སངས་རྒྱས་དང་བྱང་ཆུབ་སེམས་དཔའ་གསལ་བར་དམིགས་པར་བྱའོ། །ཡང་དེའི་འོད་ལས་བྱུང་བའི་མཆོད་པའི་སྤྲིན་གྱིས་མཆོད་པ་ལ་སོགས་པ་སྔ་མ་བཞིན་དུ་བྱའོ། །དེའི་འོག་ཏུ་ཨོཾ་སྭ་བྷཱ་ཝ་ཤུདྡྷཿསརྦ་དྷརྨཱཿསྭ་བྷཱ་ཝ་ཤུདྡྷོ྅ཧཾ་ཞེས་བརྗོད་པས་བདག་ཉིད་སྟོང་པར་བསྒོམ་མོ། །དེ་ནས་སྣ་ཚོགས་པདྨ་ཟླ་བའི་དཀྱིལ་འཁོར་དུ་ཧྲཱིཿགྶལ་བའི་འོད་འཕྲོས་པས། འགྲོ་བ་རིགས་ལྔའི་སྡུག་བསྔལ་ཐམས་ཅད་སྦྱངས་ནས། སླར་དེ་ཉིད་དུ་འདུས་པ་ལས་བདག་ཉིད་འཇིག་རྟེན་དབང་ཕྱུག་ཏུ་གྱུར་པར་བསམ་མོ། །དེ་ཡང་ཞལ་གཅིག་ཕྱག་གཉིས་པ་སྐུ་མདོག་དཀར་པོ་སྐྱེད་སྐྱིལ་གྱིས་བཞུགས་པ། དབུ་སྐྲའི་ཅོད་པན་ཅན་དང༌། སྣང་བ་མཐའ་ཡས་ཀྱི་དབུ་རྒྱན་ཅན། རྒྱན་ཐམས་ཅད་ཀྱིས་བརྒྱན་པ། མཛེས་པའི་ན་བཟའ་གསོལ་པ། ཕྱག་གཡས་པུས་མོ་ལ་བརྟེན་ཏེ་བརྐྱང་པ། གཡོན་པ་པདྨ་བསྣམས་པར་བསྒོམས་ལ་དཔྲལ་བར་ཟླ་བ། མགྲིན་པར་ཨོཾ། སྙིང་གར་ཨཱཿཧཱུཾ་རྣམས་གསལ་བར་བྱའོ། །དེའི་གཡས་ངོས་སུ་ལྷ་མོ་སྒྲོལ་མ་གཞོན་ནུའི་ཚུལ་ཅན་དང༌། གཡོན་ན་ཁྲོ་གཉེར་ཅན་དང་ཁྲོ་བོ་བདུད་རྩི་འཁྱིལ་པ་བསམ་མོ། །དེ་ལྟར་
བསམ་གཏན་བྱས་པའི་འོག་ཏུ་བཟླས་པ་ནི་ཨོཾ་ཧྲཱིཿསྭཱ་ཧཱ། འཕགས་པ་ཁརས་པཱ་ཎི་འཇིག་རྟེན་མགོན་པོའི་སྒྲུབ་ཐབས་རྫོགས་སོ།།