འཕགས་མ་འོད་ཟེར་ཅན་གྱི་སྒྲུབ་པའི་ཐབས་ཞེས་བྱ་བ།
མྱ་ངན་མེད་པའི་དཔལ།
རྒྱ་གར་སྐད་དུ། ཨཱཪྻ་མཱ་རཱི་ཙྱཻ་སཱ་དྷ་ནཾ་ནཱ་མ། བོད་སྐད་དུ། འཕགས་མ་འོད་ཟེར་ཅན་གྱི་སྒྲུབ་པའི་ཐབས་ཞེས་བྱ་བ། འཕགས་མ་འོད་ཟེར་ཅན་ཉིད་ལ་ཕྱག་འཚལ་ལོ། །བློ་ལྡན་སེམས་དཔའི་སྐྱིལ་ཀྲུང་གིས། །སྙིང་རྗེ་ཆེན་པོ་རབ་དམིགས་ལ། །སྔ་བར་སྙིང་གར་ཟླ་བ་ལ། །ཨོཾ་ཡིག་དཀར་པོ་བསྒོམ་པར་བྱ། །རྣམ་སྣང་ཞེས་པའི་བདག་ཉིད་ཅན། །ཏི་ཡི་འོད་ཟེར་ཀུན་དུ་དཀར། །ར་བ་ཟླུམ་པོ་མཆོད་རྟེན་ཏེ། འབར་བའི་འོད་ཀྱིས་ཀུན་དུ་བརྒྱན། །བསྒྲུང་བའི་དོན་དུ་མདུན་དང་རྒྱབ། །གཡས་དང་གཡོན་དང་གཞན་ཡང་སྟེང༌། །རིམ་བཞིན་མ་སོགས་བྲན་ལ་སོགས། །བུ་མོ་ལ་སོགས་བུམ་སོགས་དང༌། །ལུགས་མ་ཐང་སྐུ་བཤེས་གཉེན་དང༌། །པོ་ཏི་ལ་གསོས་ཇི་སྙེད་པའོ། །ཏི་ནས་སྙིང་གའི་ཟླ་བར་མཾ། །མྱ་ངན་མེད་ཀྱི་ཡལ་གར་སྐྱེས། །འཕགས་མ་འོད་ཟེར་ཅན་མ་བསམ། །སྐུད་པ་ཁབ་རྣམས་བསམས་པ་མོ། །ལྡང་བའི་ཚུལ་གྱིས་གཡས་པ་ཡི། །སྣ་བུག་ནས་བྱུང་བདུན་ཉེར་གནས། །གདུག་ཅན་ཁ་དང་མིག་དྲུབས་ནས། །ར་བའི་ཕྱི་རོལ་དག་ཏུ་བྱས། །གཞན་ཡང་རིག་སྔགས་བཟླས་པ་བྱ། །སྣ་བུག་གཡོན་འོངས་སྙིང་ག་རུ། །བཞུགས་ནས་མྱ་ངན་མེད་པར་འགྱུར། །མཚམས་བཅིང་བ་ནི་རབ་ཏུ་བྱ། །འོད་ཟེར་ཅན་གྱི་སྒྲུབ་ཐབས་སློབ་དཔོན་མྱ་ངན་མེད་པའི་དཔལ་གྱིས་མཛད་པ་རྫོགས་སོ།།