ཡི་གེ་བརྒྱ་པ།
འཕགས་པ་ཀླུ་སྒྲུབ།
― DTG096_Page_0275 ―
[མ་དཔེ་གཟིགས་ན་འདིར་གནོན།]
རྒྱ་གར་སྐད་དུ། ཨཀྵ་ར་ཤ་ཏ་ཀ །བོད་སྐད་དུ། ཡི་གེ་བརྒྱ་པ། འཇམ་པའི་དཔལ་རྡོ་རྗེ་ལ་ཕྱག་འཚལ་ལོ། །དངོས་པོ་རྣམས་གཅིག་པ་ཉིད་མ་ཡིན་ནོ། །གཞན་པ་ཉིད་ཀྱང་དེ་བཞིན་ནོ། །ཡོད་པ་ཉིད་དུ་བསྒྲུབ་པར་བྱ་བ་ཡིན་ནོ། །མེད་པ་ཉིད་ཀྱང་བསྒྲུབ་པར་བྱ་པའོ། །རྒྱུ་ཡོད་པ་མ་ཡིན་ནོ། །མ་ཡིན་ཏེ་ལྟོས་པའི་ཕྱིར་རོ། །འདོད་པས་ཡོད་པ་མ་ཡིན་ནོ། །བརྡ་མ་གྲུབ་པོ། །གཏན་ཚིགས་དག་དོན་མེད་དོ། །རང་བཞིན་བརྗོད་པར་བྱའོ། །གཅིག་ཉིད་ལ་སྐྱོན་ཡོད་དོ། །གཞན་ཉིད་ན་དངོས་པོ་མེད་པ་ཡིན་ནོ། །འཛིན་པར་མི་ནུས་སོ། །དངོས་པོ་མཐོང་བ་མ་ཡིན་ནོ། །ཡོད་པ་ནི་བྱ་བ་མ་ཡིན་ནོ། །དེ་དག་ལ་སྐྱེ་བ་མེད་དོ། །འདུས་བྱས་མེད་དོ། །ཕྱོགས་གཅིག་ཙམ་མོ། །རྨི་ལམ་དང་མཚུངས་སོ། །མིང་ནི་དངོས་པོ་མ་ཡིན་ནོ། །བསྒྲུབ་བྱ་དང་མཚུངས་སོ། །ཡི་གེ་བརྒྱ་པ་རྫོགས་སོ།།