གླེགས་བམ་ཀླག་པའི་ཐབས།
དཱ་ན་ཤཱི་ལ།

---

^{[མ་དཔེ་གཟིགས་ན་འདིར་གནོན།]}

རྒྱ་གར་སྐད་དུ། པུསྟ་ཀ་པ་ཋོ་པ་ཡ། བོད་སྐད་དུ། གླེགས་བམ་ཀླག་པའི་ཐབས། དཀོན་མཆོག་གསུམ་ལ་ཕྱག་འཚལ་ལོ། །དང་པོར་རང་ཉིད་རྣམ་པར་སྣང་མཛད་སྐུ་མདོག་དཀར་པོ་སྣ་ཚོགས་པདྨ་ཟླ་བ་ལ་གནས་པ་བསམས་ཏེ། དེའི་མདུན་དུ་རང་གི་འམ་གཞན་གྱི་ཆེད་གང་ཡིན་ཡང་རུང་སྟེ། ཟླ་བ་ལ་གནས་པའི་བསྒྲུབ་བྱ་བསམ་པར་བྱའོ། །དེ་ནས་རང་གི་སྙིང་གར་ཟླ་བ་ལ་གནས་པའི་བྷྲཱུཾ་ལས་ལྷ་མོ་སངས་རྒྱས་སྤྱན་མ་སེར་མོ་མང་པོ་སྤྲོས་ཏེ། རིན་པོ་ཆེའི་བུམ་པ་ཡེ་ཤེས་ཀྱི་བདུད་རྩིས་གང་བས་བསྒྲུབ་བྱ་ལ་དབང་བསྐུར་བར་བསམས་ལ། དེ་ནས་གླེགས་བམ་ཀླག་པར་བྱའོ། །གླེགས་བམ་ཀླག་པའི་ཐབས་པཎྜི་ཏ་དཱ་ན་ཤཱི་ལས་རང་འགྱུར་དུ་མཛད་པ་རྫོགས་སོ།། །།