ཆ་བསགས་ཀྱི་མདོའི་འགྲེལ་པ་ཞེས་བྱ་བ།
རྒྱ་གར་སྐད་དུ། ཀ་ལཱ་པ་སཱུ་ཏྲ་ནཱ་མ་བྲྀཏྟིཿ་བོད་སྐད་དུ། ཆ་བསགས་ཀྱི་མདོའི་འགྲེལ་པ་ཞེས་བྱ་བ། བཅོམ་ལྡན་འདས་གསུང་གི་དབང་ཕྱུག་ལ་ཕྱག་འཚལ་ལོ། །ཀུན་མཁྱེན་ཐམས་ཅད་གཟིགས་པ་པོ། །ལྷ་ཡི་ལྷ་ལ་ཕྱག་འཚལ་ནས། །ཤརྦྦ་ཝརྨྨས་རྣམ་བཤད་པའི། །རྒྱུད་ཉུང་བདག་གིས་རབ་བཤད་བྱ། །གྲུབ་པའི་ཡི་གེ་ཡང་དག་བརྗོད། །སིདྡྷི་ཞེས་པས་ནི་ཡི་གེའི་ངེས་པ་ཡང་དག་པར་བསྟན་པར་རིག་པར་བྱའོ། །གཞན་དུའང་ཉེ་བར་བསྟན་པ་ནི་མ་ཡིན་ནོ་ཞེས་པའི་དོན་ནོ། །འདིར་སིདྡྷའི་སྒྲ་ནི་རྟག་པའི་དོན་དང༌། །གྲུབ་པའི་དོན་དང་རབ་ཏུ་གྲགས་པའི་དོན་ནོ། །དཔེར་ན་གྲུབ་པའི་ནམ་མཁའ་དང༌། གྲུབ་པའི་ཟས་དང༌། ཀཱམ་པི་ལྱེ་ཞེས་པའི་གྲོང་ཁྱེར་རབ་ཏུ་གྲགས་པར་གྲུབ་པ་ལྟ་བུའོ། །བརྞྞ་མི་ཨ་ཡིག་ལ་སོགས་པ་རྣམས་ཏེ། དེ་རྣམས་ཀྱི་ཡང་དག་པར་བརྗོད་པའི་གོ་རིམས་ངེས་པའོ། །དེ་ལ་ཐོག་མ་བཅུ་བཞི་ནི་དབྱངས་རྣམས་སོ། །ཡི་གེ་ཡང་དག་པར་བརྗོད་པའི་ཡུལ་དེ་ལ་དང་པོའི་ཡི་གེ་བཅུ་བཞི་གང་ཡིན་པ་དེ་རྣམས་དབྱངས་ཀྱི་མིང་ཅན་རྣམས་སུ་འགྱུར་རོ། །ཨ་ཨཱ་ཨི་ཨཱི་ཨུ་ཨཱུ་རྀ་རཱྀ་ལྀ་ལཱྀ། ཨེ་ཨཻ་ཨོ་ཨཽའོ། །ཇི་ལྟར་རྗེས་སུ་བྱེད་པའི་ལྀ་ཡིག་ཐུང་དུ་ཡོད་པ་དེ་བཞིན་དུ་རིང་པོ་ཡང་ཡོད་དོ་ཞེས་འདོད་དོ། །དབྱངས་རབ་ཏུ་བསྟན་པ་ནི་ཨ་ཡིག་མ་གཏོགས་པའི་དབྱངས་རྣམས་ནི་ནཱ་མིའོ་ཞེས་པ་ལ་སོགས་པ་ལྟ་བུའོ། །བཅུ་ནི་མཚུངས་པའོ། །དེ་རྣམས་ཀྱི་བཅུ་པོ་རྣམས་ནི་མཚུངས་བའི་མིང་ཅན་དུ་འགྱུར་རོ། །ཨ་ཨཱ་ཨི་ཨཱི་ཨུ་ཨཱུ་རྀ་རཱྀ་ལྀ་ལཱྀ་མཚུངས་པ་རབ་ཏུ་བསྟན་པ་རྣམས་ནི་མཐུན་པ་ལ་རིང་པོར་འགྱུར་རོ་ཞེས་བྱ་བ་ལ་སོགས་པ་ལྟ་བུའོ། །དེ་རྣམས་ཀྱི་གཉིས་གཉིས་དག་ཕན་ཚུན་དུ་ནང་མཐུན་པའི་ཡི་གེ་དག་གོ །དེ་རྣམས་ཀྱི་འདིར་བཅུ་པོ་རྣམས་ཀྱི་ནང་ནས་ཕན་ཚུན་གཉིས་གཉིད་པོ་གང་ཡིན་པ་དེ་དག་ཡི་གེ་མཐུན་པའི་མིང་ཅན་དུ་གྱུར་པ་དག་སྟེ། ཨ་ཨཱ་ཨི་ཨཱི་ཨུ་ཨཱུ་རྀ་རཱྀ་ལྀ་ལཱྀ། དེ་རྣམས་གཟུང་བ་ནི་གསལ་པོར་བྱ་བའི་དོན་ནོ། །ཐུང་བ་གཉིས་པོ་དག་ཀྱང་མཐུན་པའི་ཡི་གེ་ཞེས་བྱ་བའི་མིང་ཅན་ནོ་ཞེས་སོ། །མཚུངས་པའི་ཡི་གེ་རབ་ཏུ་བསྟན་པས་མཚུངས་པའི་ཡི་གེ་ནི་མཐུན་པ་ལ་རིང་པོར་འགྱུར་རོ་ཞེས་བྱ་བ་ལ་སོགས་པ་ལྟ་བུའོ། །སྔོན་མ་ནི་ཐུང་བའོ། །ཡི་གེ་འདྲ་བའི་མིང་
ཅན་དེ་དག་གཉིས་ཀྱི་ནང་ནས་སྔོན་མའི་ཡི་གེ་གང་ཡིན་པ་དེ་ཐུང་བའི་མིང་ཅན་དུ་འགྱུར་ཏེ། ཨ་ཨི་ཨུ་རྀ་ལྀ་ཐུང་ངུ་རབ་ཏུ་བསྟན་པ་ནི་དབྱངས་ཐུང་དུ་མ་ནིང་ལའོ་ཞེས་པ་ལ་སོགས་པ་ལྟ་བུའོ། །ཕྱི་མ་ནི་རིང་བའོ། །ཡི་གེ་མཚུངས་པའི་མིང་ཅན་གཉིས་པོ་དེ་དག་གི་ནང་ནས་ཕ་རོལ་གྱི་ཡི་གེ་གང་དང་གང་ཡིན་བ་དེ་རིང་པོའི་མིང་ཅན་དུ་འགྱུར་ཏེ། ཨཱ་ཨཱི་ཨཱུ་རཱྀ་ལཱྀ། ཐུང་བའང་ཡང་ལ། རིང་པོའང་ལྕི་བ་ཞེས་བརྗོད་པའི་དབང་ལས་འགྱུར་རོ། །ཐུང་བའང་ལྕི་བར་འདོད་དེ་ནྲྀཙྪ་ཞེས་པ་དང༌། སཔྫྫ་ནཱཙྪ་ཞེས་པ་ལས་ཀྱང་ངོ༌། །རིང་པོ་རབ་ཏུ་བསྟན་པ་ནི་ར་ལར་དབྱི་ཞིང་སྔོན་མའི་དབྱངས་ཀྱང་རིང་པོའོ་ཞེས་པ་ལ་སོགས་པ་ལྟ་བུའོ། །ཨ་ཡིག་མ་གཏོགས་པའི་དབྱངས་རྣམས་ནི་ནཱ་མིའོ། །ཨ་ཡིག་སྤངས་བའི་དབྱངས་རྣམས་ནི་ནཱ་མི་ཞེས་བྱ་བ་སྟེ། ཨི་ཨཱི་ཨུ་ཨཱུ་རྀ་རཱྀ་ལྀ་ལཱྀ་ཨེ་ཨཻ་ཨོ་ཨཽ་ནཱ་མི་རབ་ཏུ་བསྟན་པ་ནི་ནཱ་མིའི་ཕ་རོལ་དུ་རའོ་ཞེས་པ་ལ་སོགས་པ་ལྟ་བུའོ། །ཨེ་ཡིག་ལ་སོགས་པའི་ཡི་གེ་རྣམས་ནི་མཚམས་སྦྱོར་གྱི་ཡི་གེ་རྣམས་སོ། །ཨེ་ཡིག་ལ་སོགས་པའི་དབྱངས་ཀྱི་མིང་ཅན་རྣམས་ནི་མཚམས་སྦྱོར་གྱི་ཡི་གེ་ཞེས་བྱའོ། །ཨེ་ཨཻ་ཨོ་ཨཽ། །མཚམས་སྦྱོར་གྱི་ཡི་གེ་བཤད་པ་ནི། མཚམས་སྦྱོར་གྱི་ཡི་གེ་ལའང་ཞེས་པ་འདི་ལྟ་བུ་ལ་སོགས་པ་རྣམས་སུའོ། །ཀ་ཡིག་ལ་སོགས་པ་རྣམས་ནི་གསལ་བྱེད་རྣམས་སོ། །ཀ་ཡིག་ལ་སོགས་པ་དེ་རྣམས། ཧ་ཡིག་གི་མཐར་ཐུག་པ་རྣམས་ལ་གསལ་བྱེད་ཅེས་བྱ་སྟེ། ཀ་ཁ་ག་གྷ་ང༌། ཙ་ཚ་ཛ་ཛྙ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་རལ་ཝ། ཤཥ་ས་ཧ། གསལ་བྱེད་དབྱངས་དང་བྲལ་བ་ནི་ཕ་རོལ་ལ་ཡི་གེ་འགྲོ་ཞེས་པ་ལ་སོགས་པ་ལྟ་བུའོ། །དེ་རྣམས་ནི་སྡེ་ཚན་ལྔ་ལྔ་པ་ལྔའོ། །ཀ་ཡིག་ལ་སོགས་པ་ནས་མ་ཡིག་གི་མཐར་ཐུག་པ་དེ་རྣམས་ལྔ་ལྔར་གྱུར་པ་དེ་རྣམས་ལྔ་པོ་དེ་ཉིད་ལ་སྔེ་ཚན་ཞེས་བྱའོ། །སྡེ་ཚན་རབ་ཏུ་བསྟན་པའི་སྡེ་ཚན་རྣམས་ཀྱི་དང་པོ་དང་གཉིས་པ་དང༌། ཤ་ཥ་ས་རྣམས་ནི་དབྱངས་དང་མི་འདྲའོ་ཞེས་བྱ་བ་ལ་སོགས་པ་ལྟ་བུའོ། །སྔེ་ཚན་རྣམས་ཀྱི་དང་པོ་དང་གཉིས་པ་དང༌། ཤཥ་ས་རྣམས་དབྱངས་དང་མི་འདྲ་བའོ། །སྡེ་ཚན་རྣམས་ཀྱི་དང་པོ་དང་གཉིས་པ་དང་ཤཥ་ས་རྣམས་ནི་དབྱངས་དང་མི་འདྲ་བ་ཞེས་བྱ་བ་སྟེ། ཀ་ཁ་ཙ་ཚ་ཊ་ཋ། ཏ་ཐ་པ་ཕ་ཤཥ་
ས་རྣམས་སོ། །དབྱངས་དང་མི་འདྲ་བ་རབ་ཏུ་བསྟན་པ་ནི་དབྱངས་དང་མི་འདྲ་བ་ནི་དང་པོའོ་ཞེས་བྱ་བ་ལ་སོགས་པ་ལྟ་བུའོ།། །།དབྱངས་དང་འདྲ་བ་ནི་གཞན་རྣམས་སོ། །གཞན་ལྷག་མ་གང་ཡིན་པ་གལ་སོགས་པ་དེ་རྣམས་དབྱངས་དང་འདྲ་བ་ཞེས་བྱ་སྟེ། ག་གྷ་ང་ཛྙ་ཉ་ཌ་ཌྷ་ཎ་ད་དྷ་ན་བ་བྷ་མ་ཡ་ར་ལ་ཝ་ཧ་རྣམས་སོ།། །།དབྱངས་དང་འདྲ་བ་རབ་ཏུ་བསྟན་པ་ནི་དབྱངས་དང་འདྲ་བ་ལ་དབྱིའོ་ཞེས་པ་ལ་སོགས་པ་ལྟ་བུའོ། །སྣ་དང་ལྡན་པ་རྣམས་ནི་ང་ཉ་ཎ་ན་མ་རྣམས་སོ། །ང་ཉ་ཎ་ན་མ་ཞེས་པའི་ཡི་གེ་དེ་རྣམས་སྣ་དང་ལྡན་པ་ཞེས་བྱའོ། །སྣ་ལྡན་རབ་ཏུ་བསྟན་པ་ནི་མཐར་གནས་དང་སྣ་མ་ཡིན་པའི་གསལ་བྱེད་རྣམས་ནི་དྷུཊཱོ་ཞེས་པ་ལ་སོགས་པ་ལྟ་བུའོ། །མཐར་གནས་རྣམས་ནི་ཡ་ར་ལ་ཝ་རྣམས་སོ། །མཐར་གནས་པ་ནི་ཡ་ར་ལ་ཝའི་ཡི་གེ་དེ་རྣམས་ལ་མཐར་གནས་པ་ཞེས་བྱའོ། །མཐར་གནས་རབ་ཏུ་བསྟན་བ་ནི་ཨུའི་ཡི་གེའི་ཛ་དང་མཐར་གནས་པ་རྣམས་དང༌། པའི་སྡེ་ཚན་གྱི་ཕ་རོལ་གྱི་ཨའི་ཡི་གེའོ་ཞེས་པ་ལ་སོགས་པ་ལྟ་བུའོ།། །།དྲོ་བ་རྣམས་ནི་ཤཥ་ས་ཏ་རྣམས་སོ། །ཤཥ་ས་ཧ་ཞེས་པའི་ཡི་གེ་དེ་རྣམས་དྲོ་བའི་ཡི་གེ་ཞས་བྱའོ། །སླར་ཡང་ཡང་བའི་མིད་ཅན་ཞེས་པ་ནི་ས་ལ་སོགས་པའོ་ཞེས་པ་འདི་རྣམས་སྔོན་གྱི་སློབ་དཔོན་ལ་གྲགས་པ་རྗེས་འཇུག་གི་མིང་ཅན་དུ་འདིར་ཤེས་པར་བྱའོ། །ཨཿཞེས་པ་ནི་རྣམ་པར་གཅོད་པའོ། །ཨ་ཡིག་ནི་འདིར་བརྗོད་པའི་ཆེད་དུའོ། །དཔེར་ན་ཀཿཞེས་པ་ལ་སོགས་པ་ལྟ་བུ་སྟེ། གཞོན་ནུ་མའི་ནུ་མ་ཟུང་འདྲ་བའི་ཡི་གེ་ནི་ཚེག་དྲག་ཅེས་པའི་མིང་ཅན་དུ་འགྱུར་རོ། །ཚེག་དྲག་རབ་ཏུ་བསྟན་པ་ནི་ཚེག་དྲག་ནི་ཙ་དང་ཚ་དག་ལ་ཤའོ་ཞེས་བྱ་བ་ལ་སོགས་པ་ལྟ་བུའོ། །ཀ་ཞེས་པ་ནི་ལྕེའི་རྩ་བ་ཅན་ནོ། །ཀ་ཡིག་ནི་འདིར་བརྗོད་པའི་ཆེད་ལའོ། །རྡོ་རྗེའི་རྣམ་པར་ཡི་གེ་འདི་ནི་ལྕེའི་རྩ་བ་ཅན་ཞེས་བྱའོ། །ལྕེའི་རྩ་བ་ཅན་རབ་ཏུ་བསྟན་པ་ནི་ཀ་དང་ཁ་དག་ལ་ཡང་ན་ལྕེའི་རྩ་བ་ཅན་ནོ་ཞེས་པ་ལ་སོགས་པ་ལྟ་བུའོ། པ་ཞེས་པ་ནི་མཆུ་ཅན་ནོ། །པ་ཡིག་ནི་བརྗོད་པའི་ཆེད་ལའོ།། གྲང་པོ་ཆེའི་བུམ་པའི་རྣམ་པའི་ཡི་གེ་འདི་ཉིད་མཆུ་ཅན་ཞེས་བྱའོ། །མཆུ་ཅན་རབ་ཏུ་བསྟན་པ་ནི་པ་དང་ཕ་དག་ལ་མཆུ་ཅན་ནོ་ཞེས་པ་ལ་སོགས་པ་ལྟ་བུའོ།། །།ཨཾ་ཞེས་པ་ནི་རྗེས་སུ་དབྱངས་སོ། །ཨ་ཡིག་ནི་འདིར་བརྗོད་པའི་ཆེད་ལའོ། །འདི་ནི་ཐིག་ལེ་ཙམ་གྱི་ཡི་གེ་ནི་རྗེས་སུ་དབྱངས་ཞེས་བྱའོ། །རྗེས་སུ་
དབྱངས་རབ་ཏུ་བསྟན་པ་ནི་རྗེས་སུ་དབྱངས་ཏེ་གསལ་བྱེད་ལའོ་ཞེས་པ་ལ་སོགས་པ་ལྟ་བུའོ། །སྔོན་མ་དང་ཕྱི་མ་དག་གི་དོན་ལ་དམིགས་པ་ནི་ཚིག་གོ །སྔོན་མ་དང་ཕྱི་མ་དག་གི་རང་བཞིན་ལ་རྣམ་པར་དབྱེ་བའི་དོན་ལ་དམིགས་བའི་ཚིག་གི་ཚོགས་པ་ནི་ཚིག་ཅེས་བའི་ཐ་སྙད་ཅན་དུ་འགྱུར་རོ། །ཏེ྅ཏྲ། ཡ་ཛནྟེ྅ཏྲ། དམིགས་པ་གཟུང་བ་ནི་རྣམ་དབྱེའི་དོན་ལའོ། །ཚིག་གི་མཐའ་ལ་ཨེ་དང་ཨཽའི་ཕ་རོལ་གྱི་ཨ་ཡིག་དབྱིའོ་ཞེས་པ་ལ་སོགས་པ་ལྟ་བུའོ། །གསལ་བྱེད་དབྱངས་དང་བྲལ་བ་ནི་ཕ་རོལ་ལ་ཡི་གེ་འགྲོའོ། །གསལ་བྱེད་དབྱངས་མེད་པ་རྣམས་ནི་ཡི་གེ་ཕྱི་མའི་སྟེང་དུ་གསལ་བྱེད་འགྲོ་བར་བྱའོ། །དབྱངས་ནི་སྭ་ར་སྟེ་རང་ཉིད་རྒྱལ་པོ་ཞེས་བྱའོ། །ཏད་གཙྪ་ཏི། དེ་འགྲོ་བར་བྱེད་དོ། །ཥ་ཌ་ཏྲ། འདིར་དྲུག །ཀ་ཀ་ར་ཏི། གང་བྱེད། ཀ་ཕ་ལ་ཏི། འབྲས་བུ་གང་བྱེད་སྦྱོར་བ་ཐོབ་བའི་ཕྱིར་རོ། །འདི་ནི་རང་བཞིན་ནོ། །རིམ་པ་ལས་མ་འདས་པར་རྣམ་པར་དབྱེ་བར་བྱའོ། །ཡི་གེ་ཡང་དག་པར་སྦྱོར་བ་རྣམས་རིམ་པ་ལས་མ་འདས་པར་རྣམ་པར་དབྱེ་བར་བྱའོ་ཞེས་པའི་དོན་ཏོ། །བཻ་ཡཱ་ཀ་ར་ཎཿ་བརྡ་སྤྲོད་པ་ཞེས་པ། ཨུཙྪ་ཀཻཿ་མཐོན་པོ་རྣམས་ཀྱིས། ཨ་སཾ་མོ་ཧཱརྠ། མ་རྨོངས་པའི་དོན་དུ། ཡེ་ཡོ་གཿ་གང་རྣམས་སྦྱོར་བའོ། །འཇིག་རྟེན་པའི་ཉེ་བར་སྤྱོད་པ་ལས་གྲུབ་བ་ཡང་གཟུང་ངོ༌། །འཇིག་རྟེན་ན་ཉེ་བར་སྤྱོད་པའི་ཐ་སྙད་དོ། །དེའི་ཕྱིར་མ་བསྟན་ཡང་གྲུབ་པར་གཟུང་བར་བྱའོ། །ནཱི་པཱ་དཱ་དང༌། ཨ་བྱ་ཡ་དང༌། མི་ཟད་པ་དང༌། ཨུ་པ་སརྒྒ། ཉེར་སྒྱུར་ཀཱ་རཀ །བྱེད་པ་པོ། །ཀཱལ། དུས། སཾ་ཁྱཱ། གྲངས། ལོ་པཱ་ད་ཡཿ་དབྱི་བ་ལ་སོགས་པའོ།། །།དེ་བཞེན་དུ་ཡི་གེ་ཞེས་པ་ནི་སློང་ཁྱེར་གྱི་མིང་ཡང་སྟེ། ལྔ་ལེན་ཞེས་པ་དང༌། ལྗོངས་ཀྱི་སྐྱེ་བོའི་མིང་ཡང་ངོ༌། །པཉྩ་ལ་བརྞ་ཨོ་ཏི་ལྗོངས་དང་གྲོང་ཁྱེར་སྦྱོར་བ་མ་མཐོང་ལ་མིང་གི་སྒྲ་ལས། ཧ་རི་ཏ་ཀྱཿ་ཕ་ལ་ནཱི་ཏི། ཨ་རུ་རའི་འབྲས་བུ་རྣམས་ཞེས་ཏེ། འབྲས་བུ་རྣམས་ལ་མོའི་སྒྲ་ཡང་འཇུག་གོ། །།དེ་བཞིན་དུ་གཞན་ལ་ཡང་མིང་གི་སྒྲ་མཚུངས་པ་ཏ་ཏ་དྷི་ཏ། དེ་ཕན་ཏེ། འཇིག་རྟེན་ལས་གྲུབ་པ། ཁ་ལ་ཏི་ཀཾ །གཅིག་གི་ཚིག །བ་ནཱ་ནཱི་ཏི། ནགས་རྣམས་ཞེས་པ་ལ། དེ་ཥཱཾ་བ་ནཱ་ནཱ་མི་ཀ་བ་ཙ་ནཱ་ནཱ་མེ་པཾ། ནཱ་མ་ཤབྡཱ་ནཱ་མེ་ཀཱརྠོ་པི་ལིངྒ་བ་ཙ་ན་བྷེ་དཿ་དེ་རྣམས་ཀྱི་ནགས་རྣམས་ཀྱི་ལ་གཅིག་གི་ཚིག་གི་མཐའ་དང་མིང་གི་སྒྲ་རྣམས་ཀྱི་གཅིག་གི་དོན་
ལ་ཡང་རྟགས་ཀྱི་ཚིག་གིས་འབྱེད་དོ། །དཔེར་ན། ཨ་པོ། ཛ་ལཾ། དཱ་རཱཿ་ཀ་ལ་ཏྲཾ། བྷཱ་ཪྻཱ། ཨ་པོ། ཕོའི་སྒྲ། ཛ་ལཾ་མ་ནིང༌། དཱ་རཱཿ་ཕོའི་སྒྲ། ཀ་ལ་ཏྲཾ། མ་ནིང༌། བྷཱཪྻཱ་མོའི་སྒྲ། རིག་བྱེད་དང༌། འཇིག་རྟེན་པས་ཤེས་པས་སོ། །ཇི་སྐད་བཤད་པ་དེ་ཁོ་ན་བཞིན་ངེས་པའི་དོན་ནི་འཇིག་རྟེན་པ་རྣམས་ཏེ། དེ་རྣམས་མ་སྨོས་པ་རྣམས་ཀྱང་ཤེས་པར་བྱའོ། །བགྲོད་དཀའི་སེང་གེ་ཞེས་པའི་འགྲེལ་པ་ལས་མཚམས་སྦྱོར་དང་པོ་རྫོགས་སོ།། །།མཐུན་པའི་ཡི་གེ་རིང་པོར་འགྱུར་ཞིང་ཕྱི་མ་ཡང་དབྱིའོ། །མཚུངས་པའི་མིང་ཅན་གྱི་ཡི་གེ་མཐུན་པའི་ཡི་གེའི་སྔོན་མ་རིང་པོར་འགྱུར་ཞིང་ཕྱི་མ་ཡང་དབྱི་བ་འཐོབ་བོ། །དཎྜཱ་གྲཿ་དབྱུག་པའི་རྩེ་མོ། །སཱ་ག་ཏཱ། དེ་འོངས། ད་དྷའི་ཧཿ་ཞོ་འདི། ན་དཱི་ཧཱཿ་གཙང་པོ། མ་དྷཱུ་ད་ཀཿ་སྦྲང་གི་ཆུ་བོ། བ་དྷཱུ་ཌྷཾ། བག་མ་ལེན་པ། པི་ཏྲཱྀ་ཥ་བྷཿ་ཕ་ཁྱུ་མཆོག །ཀྲྀ་ཀཱ་རཿ་ཀྲྀའི་ཡི་གེ །ཀླཱྀ་ཀཱ་རཿ་ཀླཱྀ་ཡི་གེཿ་ཧིཏླྀ་ལའི་ཡི་གེ་ཞེས་བཤད་པའོ། །མཚུངས་པ་སྨོས་པས་མ་གྲགས་པ་ལས་ཀྱང་པོ། །མཚུངས་པ་རིང་པོར་འགྱུར་ཞིང་ཡི་གེ་མཐུན་པའི་ཕྱི་མ་དབྱི་བའི་དོན་ནོ། །ཏེ་ན་བྲིཀྵཱཿ་ན་དཱི་ཧཿ་ཨ་ཡིག་དང་ཡི་ཡིག་ལས་ཨེའོ། །ཨ་ཡིག་དང་ཨི་ཡིག་ལས་ཕ་རོལ་དུ་ཨེར྄ འགྱུར་རོ། །ཕ་རོལ་ཡང་ཕྱི་བ་འཐོབ་བོ། །ཡི་གེ་སྨོས་པས་དབྱངས་མི་མཐུན་ཡི་གེ་གཟུང་བའོ། །ཏ་བེ་ཧཱ། སེ་ཡཾ། ཙ་ཡི་གེ་དབང་དུ་བྱས་བ་ནི་མ་བཤད་པ་གཞན་ཡང་བསྡུ་བའི་དོན་ནོ། ཏེ་ན་ཀྭ་ཙིཏ་པཱུརྦཱ་པི་ལུ་བྱ་ཏེ། དེས་ན་ཁ་ཅིག་ཏུ་སྔོན་མ་ཕྱིས་པ་དང༌། ཧ་ལ་དང་ལཱཾ་ཀ་ལ་དག་གི་ཨིཥ་ལའི་ཨ་དབྱི་བའོ། །མ་ནས་སའི་ཡང་ངོ༌། །ཧ་ལཱི་ཥ་ལཱ། གཤོལ་དང་གཤོལ་མདའ། ནཱ་དི་ཧེ། ནཱ་དཱིའི་ཨི་ཕྱིས་སོ། །མ་ན་སའི་ས་ཕྱིས་ཏེ། མ་ནཱི་ཥཱ། ཡིད་ཀྱི་དབང་པོའོ།། །།ཨུ་ཡིག་ལས་ཨོ་སྟེ། ཨ་ཡིག་དང་ཨོ་ཡིག་ལས་ཨོར་འགྱུར་ཏེ། ཕ་རོལ་ཡང་དབྱི་བར་བྱའོ། །ཏ་བོ་ཧ་ནཾ། ཁྱོད་ཀྱི་རྟོག་པ། གཾ་གོ་ད་ཀཾ །གངྒཱི་ཆུ།། །།རྀ་ཡིག་ལས་ཨར་ཏེ། ཨ་ཡིག་དང་རྀ་ཡིག་ལས་ཕ་རོལ་དུ་ཨར྄ དུ་འགྱུར་ཏེ་ཕ་རོལ་ཡང་དབྱི་བ་འཐོབ་བོ། །ཏ་བརྐཱརཿ། ཁྱོད་ཀྱི་རྀ་ཡིག །སརྐཱ་རེ་ཎ། དེའི་རྀ་ཡིག །རྀ་ཎ། བུ་ལོན། པྲ། ཐོག་མ། བ་ས་ན། གནས། བཏྶ་ཧ་ར། བེའུ། ཀམྦ་ལ། ལ་བ། དཱ་ཤ་ནཱཾ། ཁོལ་པོ། རྀ་ཎའི་རྐྱེན་ལས་སོ། །རྀ་ཎ་ཁ་ཅིག་ཏུ་ཕ་རོལ་རིང་པོ་ཉིད་དོ། །ཏེ་ན་རྀ་ཎརྞྞཾ། དེས་ན་བུ་ལོན།
པྲཎྞཾ། དང་པོའི་བུ་ལོན། བ་ས་ནརྞྞཾ། གནས་ཀྱི་བུ་ལོན། ཀམྦ་ལརྞྞཾ། ད་ཤརྞྞཾ་ཞེས་པ་ལ་སོགས་པ་རྣམས་སོ། །རྀ་ཏེཥྩ་ལས་གསུམ་པའི་བསྡུ་བ་སྟེ་གྲང་བས་ཉེན་པ། ཤཱི་ཏཱརྟཱི། རྀ་ཏི་དྷ་ཏོ། རྀ་ཏི་ཁམས་ལ་ཉེར་བསྒྱུར་གྱིས་སོ། །ཨ་ཏི་རིཙྪ་ཏི། པྲཙྪ་ཏི། མིང་གི་ཁམས་ལ་ཡང་སྟེ། པྲཪྵ་བྷ་ཡ་ཏི། གཉིས་ཀ་འདམ་ཀ་ཅན་ཏེ་པཪྵ་བྷཱི་ཡ་ཏི། ཨི་ནའི་རྐྱེན་ནོ། །ལྀ་ཡིག་ལས་ཨལ྄ ཏེ། ཨ་ཡིག་དང་ལྀ་ཡིག་ལས་ཕ་རོལ་དུ་ཨལ྄ དུ་འགྱུར་རོ། །ཕ་རོལ་ལ་ཡང་དབྱི་བ་ཐོབ་བོ། །ཏ་བལྐཱ་རཱཿ་ཁྱོད་ཀྱི་ལྀ་ཡིག །སལྐཱ་རེ་ཎ། དེའི་ལྀ་ཡིག་གིས། ཉེར་བསྒྱུར་ལས་ཡང་ནའོ་སྟེ། གཉིས་ཀ་འདམ་ཀ་ཅན་ནོ། །ལྀའི་ཁམས་ལ་ཨལ་རིང་པོ་སྟེ་ཨ་བཱལྐཱ་རི་ཡ་ཏིའོ། །ཨེ་ཡིག་ནི་ཨཻ་སྟེ་ཨཻ་ཡིག་ཀྱང་ངོ༌། །ཨ་ཡིག་དང་ཨེ་ཡིག་ལས་ཨཻའོ། །ཕ་རོལ་དུ་ཨཻ་ཡིག་ལས་ཀྱང་ངོ༌། །ཕ་རོལ་ཡང་དབྱི་བ་འཐོབ་སྟེ། ཏ་བཻ་ཤཱ། ཁྱོད་དབང་པོ། །སཻན་དྲི། དེ་དབང་མོ། །ཙ་ཡིག་གི་དབང་དུ་བྱས་པ་ནི་འགའ་ཞིག་ལ་ཡང་སྔོན་མ་དབྱིའོ། །ཨེ་བེ་ཙནྤི་ཡི་གེ །འདི་ལྟར་སྦྱོར་བ་མ་ཡིན་པ། ཨ་དྱཻ་བ། ད་ལྟ་ཉིད། ཨི་ཧཻ་བ། ནི་ཡོ་གེ་ཏུ། བསྒོ་བ་ལ། ཨདྱཻ་བཱ་གཙྪ། ད་ལྟ་ཉིད་དུ་སོང༌། ཨི་ཧཻ་བ་ཏིཥྛཿ་འདི་ཉིད་དུ་སྡོད། སྭའི་ཨེར་འགྱུར། བ་ཨི་ར་ཎ་དག་གི་ཡང་བསྟན་པ་སྟེ། སྭཻ་རཾ། སྭཻ་རི། ཨི་ར་ག་ཏཽ་དང༌། ཨི་རསྟུ་ཏཽ། འགྲོ་བ་དང༌། བསྟོད་པའི་དོན་ནོ། །ཨོ་ཡིག་ལ་ཨཽ་སྟེ་ཨཽ་ཡིག་ལ་ཡང་ངོ༌། །ཨ་ཡིག་དང་ཨོ་ཡིག་ལས་ཨཽ་ཡིག་ཏུ་འགྱུར་ཏེ། ཕ་རོལ་དུ་ཨཽ་ཡིག་ལས་ཀྱང་ངོ༌། །ཕ་རོལ་དབྱི་བ་ཡང་འཐོབ་སྟེ། ཏ་བཽ་ད་ནཾ་ཁྱོད་ཀྱི་ཟས། སཽ་པ་གཱ་བཱཾ། དེ་བ་ལང་གི །བརྒྱུད་ཙ་ཡིག་གི་དབང་དུ་བྱས་པ་ལས། ཉེར་བསྒྱུར་གྱི་ཨ་ཡིག་དབྱི་བ་ཁམས་ལས་སོ། །པྲེ་ལ་ཡ་ཏི། སྐུལ་བར་བྱེད། པྲོ་ལ་ཡ་ཏི། སྐེམས་པར་བྱེད། ཨེ་དང་ཨོ་དག་ལའོ། །ཨི་ཎ་དང་ཨེ་དྷ་དག་ལ་མ་ཡིན་ནོ། །ཨུ་པཻ་ཏི། ཉེ་བར་འགྲོ། ཨུ་པཻ་དྷ་ཏེ། ཉེ་བར་འཕེལ། མིང་གི་ཁམས་ལ་ཡང་ནའོ།། ཨུ་པེ་ཀཱ་ཡ་ཏི། ཉེ་བར་གཅིག་འདོད། ཉེར་བསྒྱུར་གྱི་ཨ་ཕྱིས་པའོ། །ཨུ་པཻ་ཀཱི་ཡ་ཏེ། མ་ཕྱིས་པའོ། །པྲོ་ཥ་དྷི་ཡ་ཏི། དང་པོའི་སྨན་འདོད། ཕྱིས་པ། པྲོཥ་དྷི་ཡ་ཏི། མ་ཕྱིས་པ་ཨོཥྛོ་ཏྭོཿ་ཨོཥྛ་དང་ཨོ་དུ་དག་ལ་བསྡུ་བ་ལ་ཡང་ནའོ། །བིམྦཽཥྛཿ་མཆུ་བིམ་པ་ལྟ་བུ་སྠཱུ་ལོ་ཏུཿ་ཨ་ཕྱིས། བིམྦཽཥྛཿ་
སྠཱ་ལཽ་ཏུཿ་བྱི་ལ། བསྡུ་བ་ཅིའི་ཕྱིར་སྨོས་ཤེ་ན། ཧེ་ཙྪ་ཏྲཽཥྛཾ་པ་ཤྱཾ། ཙྪ་ཏྲ། མཆུ་ལྟོས། ཨདྱཽ་ཏུ་པ་ཤྱཾ་དི་རིང་ཞུམ་བུ་ལྟོས། ཨོཾ་ཞེས་པ་ནི་རྟག་ཏུ་ཡང་ངོ༌། །ཨདྱོམྲ། འདི་བཞིན་སོ་མི་ཏྱཱ་བོ་ཙཱ་ཏྲ། བཀའ་སྩལ་པ་དེ་བཞིན་ནོ། །ཨིཀྵ་སྱཽ། ཨ་མ་ཕྱིས་པ། ཏྭ་མཱུ་ཧི་ཎུཾ། ཞུམ་བུའི་དབང་པོ་ལ་རྟོག་པ། ཨཀྵཽཾ་ཧི་ཎི་སེ་ནཱ། དམག་གི་དབང་པོ་ལ་རྟོག་པ། པྲ་ཡོརྡྷ་དང་པོ་དྷ་ངག་ལ་ཡང་ངོ༌། །པྲཽ་དྷཿ། པྲོ་དྷིཿ་ཨཻ་ཥཻ་ཥ་ཡོ་དག་གི་ཨཻ་ཉིད་དོ། །དབྱི་བ་བཀག་པའོ། །པྲེ་ཥཎྞ། བསྐུལ་བྱ། ཨི་ཥ་སྟུ། ཨི་ཥ་ལ་ཡང༌། རབ་ཏུ་དབང་བ། པྲེ་ཥཿ་པྲེ་ཥུཿ་རབ་ཏུ་དབང་བྱ། ཨི་ཡིག་ནི་ཡ་སྟེ། ཡི་གེ་མི་མཐུན་པ་ལའོ། །ཕྱི་མ་ཡང་མི་དབྱིའོ། །ཨི་ཡིག་ནི་ཡར་འགྱུར་ཏེ། ཕ་རོལ་དུ་ཡི་གེ་མི་མཐུན་པ་ལའོ། །ཕ་རོལ་ཡང་མི་དབྱི་སྟེ། དདྷྱ་ཏྲ། ཞོ་འདི་ལ། ན་དྱེཥ། ཆུ་ཀླུང་འདི། ཨི་ཡིག་ཅིའི་ཕྱིར་སྨོས་ཤེ་ན། བ་ཙ་ཏི། འཚོད་པར་བྱེད། དབྱངས་མི་མཐུན་བ་ཅིའི་ཕྱིར་ན། ད་དྷི། ཨུ་ཡིག་ནི་ཝའོ། །ཨུ་ཡིག་ཝར་འགྱུར་ཏེ་དབྱངས་མི་མཐུན་པའི་ཕ་རོལ་ལའོ། །ཕ་རོལ་ཡང་མི་དབྱིའོ། །མ་དྷྭ་ཏྲ། སྦྲང་འདི། བ་དྷྭ་ས་ནཱཾ། མནའ་མའི་གདན།། །།རྀ་ཡིག་ནི་རའོ། །རྀ་ཡིག་ནི་རའོ། རྀ་ཡིག་རར་འགྱུར་ཏེ། དབྱངས་མི་མཐུན་པའི་ཕ་རོལ་ལའོ། །ཕ་རོལ་ཡང་དབྱི་བར་མི་བྱའོ། །པི་ཏྲཱརྠཿ་ཕའི་དོན། མཏྲཱ་རྠཿ་མའི་དོན། ལྀ་ཡིག་ནི་ལའོ། །ལྀ་ཡིག་ནི་ལར་འགྱུར་ཏེ། དབྱངས་མི་མཐུན་བའི་ཕ་རོལ་དུའོ། །ཕ་རོལ་ཡང་དབྱི་བར་མི་བྱའོ། །ལ་ནུ་བན་དྷ། ལཱ་ཀྲྀ་ཏིཿ།། །།ཨེ་ནི་ཨ་ཡའོ། །ཨེ་ཡིག་ནི་ཨ་ཡར་འགྱུར་ཏེ། དབྱངས་མི་མཐུན་པའི་ཕ་རོལ་དུའོ། །ཕ་རོལ་ཡང་མི་དབྱིའོ། །ན་ཡ་ཏི། འདྲེན་པ། ཛ་ཡ་ཏི། རྒྱལ་བ། ཨཻ་ནི་ཨཱ་ཡའོ། །ཨཻ་ཡིག་ནི་ཨ་ཡར་འགྱུར་ཏེ། དབྱངས་ནི་མི་མཐུན་པའི་ཕ་རོལ་དུའོ། །ཕ་རོལ་ཡང་མི་དབྱིའོ། །ནཻ། ཨཱ་ཡ་ཀ །ནཱ་ཡ་ཀཿ་འདྲེན་པ། རཻ། རཱ་ཡིནྡྲི། ནོར་གྱི་དབང་པོ། །ཕ་རོལ་ལ་ཡང་མི་དབྱིའོ། །ཨོ་ཨ་ཝའོ། །ཨོ་ཡིག་ནི་ཨ་ཝར་འགྱུར་ཏེ་དབྱངས་མི་མཐུན་པའི་ཕ་རོལ་དུའོ། །ཕ་རོལ་ཡང་མི་དབྱིའོ། །ལུ་ལ་ཝ་ནཾ་ཨ་ནའོ། །པ་ཊུ་པཊྭཽ་ཏུཿ་ཞུམ་པོ། སྒྲིན་པོ།། །།ཨཽ་ཨཱ་ཝའོ། །ཨཽ་ཡིག་ནི་ཨཱ་ཝར་འགྱུར་ཏེ། ཕ་རོལ་དབྱངས་མི་མཐུན་པ་ལའོ། །ཕ་རོལ་ལ་ཡང་མི་དབྱིའོ། །གཱ་ཝཽ། གཱ་ཝཿ་བ་རྣམས། དེ་རྣམས་མཚམས་སྦྱོར་བར་སོ་སོར་
སྦྱོར་བ་ཡང་བྱིས་པ་ལ་གསལ་པོར་བྱས་པའི་དོན་ནོ། །རྣམ་དབྱེ་ལ་ཡང་མཚམས་སྦྱོར་བར་འགྱུར་ཏེ། ག་ཝཱ་ཇི་ནཾ། བ་ལང་ཀོ་བ། གོ་ཨ་ཛི་ནཾ་ཞེས་པའོ། །དབྱངས་ལ། རྣམ་པར་བཤད་པ། སྭ་རེ་བི་བྷཱཥཱ། ག་ཝཱ་ཀྵཿ་ཁཾ་ག་ཝྸེནྡྲཿ་བ་ལང་དབང་པོ་ཞེས་པ་ལ་ཡང་རྟག་ཏུ་ཨ་ཡིག་ནི་ཨཱ་ག་མའོ། །ཚིག་གི་མཐའ་ལ་ཨ་ཡ་ལ་སོགས་པ་རྣམས་ཀྱི་ཡ་དང་ཝ་དབྱི་བའམ། ཡང་ན་མ་ཕྱིས་པར་རང་བཞིན་དུ་གནས་པར་རོ། །ཨ་ཡ་ཞེས་པ་ལ་སོགས་པ་རྣམས་ཀྱི་ཚིག་གི་མཐའ་ལ་ད་ལྟར་བ་ལ་ཡ་དང་ཝ་དག་གི་དབྱི་བར་བྱའོ། །ཡང་ན་མ་ཕྱིས་པར་རང་བཞིན་གྱི་ངོ་བོ་ཉིད་དུ་བྱའོ། །ཏ་ཨཱ་ཧུ། དེ་རྣམས་སྨྲ། ཏ་ཡཱ་ཧུཿ་ཏསྨཱ་ཨཱ་ས་ནཾ། ཏསྨཱ་ཡཱ་ས་ནཾ། དེ་ལ་གནས། པཊ་ཨི་ཧ། མཁས་པ་འདི། ཨ་སཱ་ཨིནྡུཿ་ཨ་སཱ་ཡི་ནྡུཿ་ཟླ་བའི་གཞི། ཨ་ཡ་ལ་སོགས་པ་རྣམས་ཀྱི་ཅིའི་ཕྱིར་ཞེ་ན། ད་དྷྱ་ཏྲ། མ་དྷྭ་ཏྲ། སྦྲང་འདི། ཚིག་གི་མཐའ་ལ་ཅིའི་ཕྱིར་ཞེ་ན། ན་ཡ་ནཾ། འདྲེན་པ། ན་ཡ་ཀཿ་ནི་ལ་ཨ་ཀའོ། །ཚིག་གི་མཐའ་ལ་ཨེ་དང་ཨོའི་ཕ་རོལ་གྱི་ཨ་ཡིག་དབྱིའོ། །ཚིག་གི་མཐའ་ལ་ད་ལྟར་གྱི་ཨེ་དང་ཨོའི་ཕ་རོལ་གྱི་ཨ་ཡིག་དབྱི་བ་ཐོབ་སྟེ། ཏེ྅ཏྲ། པ་ཊོ་ཏྲཿ་འདིར་དེ་རྣམས། མཁས་པ་འདིར། ཨེ་དང་ཨོའི་ཕ་རོལ་དུ་ཅིའི་ཕྱིར་ན། ཏཱ་ཝ་ཏྲ། འདིར་དེ་དག་གི་ཚིག་གི་མཐའ་བཟུང་བ་ནི་ཚིག་མཐའི་དབང་དུ་བྱས་པ་ལ་ཡིན་གྱི་ཚིག་མཐའ་མ་ཡིན་པ་ལ་མི་འཇུག་པའི་དོན་ནོ། །ཏེ་ན་ཙི་ཏཾ། དེས་བསགས་པ་སྟུ་ཏཾ། བསྟོད་པ། གསལ་བྱེད་ལ་དབྱངས་རྣམས་མཚམས་སྦྱོར་བར་མི་བྱའོ། །གསལ་བྱེད་ཀྱི་ཕ་རོལ་གྱི་དབྱངས་རྣམས་ཀྱང་མཚམས་སྦྱར་བར་མི་བྱའོ། །དེ་ཝའི་གྲི་ཧཾ། ལྷ་མོའི་ཁང་པ། པ་ཊུ་ཧསྟཿ། མཁས་པའི་ལག་པ། མ་ཏྲི་མཎྜ་ལཾ། མ་མོའི་དཀྱིལ་འཁོར། ཛ་ལ་པདྨཾ། ཆུའི་པདྨ། རཻ་དྷུ་ཏི། རིན་པོ་ཆེ་འདོད་པ། བོ་ཡུ་ག་ཏི། རླུང་སོང་བ། རླུང་སྦྱོར་བ་འདམ་ཀ་ཅན། ནཽ་ཡཱ་ནཾ། གྲུའི་བཞིན་བ། ན་ཉ་བསྟན་པ་རྟག་ཏུ་མ་ཡིན་ནོ་ཞེས་ཤེས་པར་བྱ་བའི་ཕྱིར་རོ། །དེས་ན། པིཏྲྱཾ། པི་ཏྲ་དང་ཡན་མཚམས་སྦྱོར་བ་དང༌། ག་བྱུང་ཏི་གོ་དང་ཡུ་ཏི་སྦྱོར་བའོ། །ཨཱ་དྷྭ་མཱ་ནེ། སཾ་ཛྙེ་ཡཾ། བ་ལང་གི་སྒྲ་གྲག་པ་ཚུན་ཆད་ལ་ཤེས་པར་བྱའོ། །བགྲོད་པར་དཀའ་བའི་སེང་གེའི་འགྲེལ་པ་ཞེས་བྱ་བ་ལས་མཚམས་སྦྱོར་གཉིས་པ་རྫོགས་སོ།། །།ཨོའི་མཐའ་ཅན་དང༌།
ཨ་ཨི་ཨུ་ཨཱ་ནི་པཱ་ཏ་དང་དབྱངས་རྣམས་ལ་ཐ་མ་ལ་པར་རོ། །ཨོའི་མཐའ་ཅན་དང༌། །ཨ་དང་ཨི་དང་ཨུ་དང་ཨཱའི་ནི་པཱ་ཏ་རྣམས་མ་འདྲེས་པར་དབྱངས་རྣམས་ལ་ཕ་རོལ་དུ་རང་བཞིན་གྱི་ངོ་བོ་ཉིད་ཀྱིས་གནས་པར་འགྱུར་རོ། །ནོ་ཨ་ཏྲ། གྲུ་འདིར། ཨ་ཧོ་ཨཱ་ཤྩཪྻཾ། ཞིན་ཏུ་རྨད་དུ་བྱུང༌། ཨ་ཐོ་ཨེ་བཾ། དེ་ནས། དེ་བཞིན། ཨ་ཨ་པེ་ཏི། འདི་ཆུ་འདི། ཨི་ཨིནྡྲ་བ་ཤྱཾ། དབང་དབང་པོ་མཐོང༌། ཨུ་ཨུཏྟིཥྛ། ལོངས། ཨཱ་ཨེ་བཾ་ཀི་མ་ནྱ་སེ། ཀུན་དུ་འདི་ཅི་སེམས། ཨཱ་ཨེ་བཾ་ཀིཾ་ནུཏྟ། འདི་དེ་བཞིན་དུ་ཅི་གོང་དུ། དེ་རྣམས་སྨོས་པ་ནི་ནཱ་བཱ་ཡུ། གྲུའི་སྲོག །མཐའ་མ་སྨོས་པ་ནི། ཨ་ཡིག་ལ་སོགས་པ་རྣམས་ཀྱི་མ་འདྲེས་པའི་དོན་ནོ། །དེས་ན་ཙི་ཨི་ཏི་དང༌། ཨི་ཏཱི་ཏ་དང༌། ནཱ་ནུ་ཨི་ཏ་དང༌། བཱ་ཨི་ཏི་དང༌། ནི་པཱ་ཏ་སྨོས་པ་ནི། པ་ཊ་བི་ཧ། མཁས་པ་འདི། ཨཱི་ཥ་ཏུ། དབང་ལྡན་དག །ཨུ་ཥ་ཏུཿ་སྲེག་བྱེད། ཨ་ཊ་ཏུཿ་འགྲོ་བ། གཉིས་ཀྱི་ཚིག་ལ་ཨཽ་ལ་མ་ཡིན་ནོ། །གཉིས་ཀྱི་ཚིག་གི་མཐའ་ལ་ཨཽ་ལ་མི་འགྱུར་ཏེ། དེའི་དབྱངས་ལ་ཐ་མ་ལ་པའི་ངོ་བོ་ཉིད་གྱིས་གནས་པར་གྱུར་པ་ནི། ཨཽའི་ཡི་གེའི་གཟུགས་མ་གཏོགས་པའི་གཟུགས་གཞན་ལ་ཐོབ་བོ་ཞེས་པའི་དོན་ཏེ། ཨགྣཱི་ཨེ་ཏཽ། མེ་འདི་དག །པ་ཊུ་ཨི་མཽ། མཁས་པ་འདི་དག །ཤཱ་ལེ་ཨེ་ཏེ། འབྲས་འདི་དག །མཱ་ལེ་ཨི་མེ། ཕྲེང་བ་འདི་དག །གཉིས་ཀྱི་ཚིག་ཅིའི་ཕྱིར་སྨོས་ཤེ་ན། ཙི་ཏྲ་ནྭ་ཏྲ། འདི་རྗེས་ཀྱི་རི་མོ། པཪྻཱ་སཿ་ཀི །མ་ཡིན་པར་དགག་པ་ཅིའི་ཕྱིར་སྨོས་ཤེ་ན། ཨ་ཛཱ་ཡ་ཝ་ཧྱ་དེ་བ་ཡོ་ར་ཏྲ། འདིར་མཆོད་པ་ཐོབ་པ་སྲུང་བའི་ལྷ་མེད། ཨཽ་ལ་མ་ཡིན་ཏེ་ཞེས་བ་ཅིའི་ཕྱིར་ཞེ་ན། ཏཱ་བ་ཏྲ། ཏཽ་དང་ཨ་ཏྲ་མཚམས་སྦྱོར་བའི་དོན་ནོ། །མང་པོའི་ཚིག་ལ་ཨཱ་མཱི་ལའོ། མང་པོའི་ཚིག་གི་མཐའ་ལ་དེའི་དབྱངས་ཀྱི་ཕ་རོལ་ལ་ཐ་མལ་པའི་ངོ་བོ་ཉིད་དུ་གནས་པར་འགྱུར་ཏེ། ཨ་མཱི་ཨ་ཤྭཱཿ་རྟ་འདི་རྣམས། ཨ་མཱི་ཨེ་ཌ་ཀཱཿ་ལུག་འདི་རྣམས་མང་པོའི་ཚིག་ཅིའི་ཕྱིར་སྨོས་ཤེན། ཨ་མྱ་ཏྲ། ཨ་ཏྲ། གཅིག་གི་ཚིག་གོ །འདི་རྣམས་འདིར། ཨ་མཱི་ཅིའི་ཕྱིར་སྨོས་ཤེ་ན། ཏ་ཨཱ་ཧུཿ་སྨྲ་བ་པེ་དེ་རྣམས། ཨཱ་ཧུ་མང་པོ་ཡིན་ཀྱང་ཨ་མཱི་མ་ཡིན་པས་སོ། །ཉེ་བར་མ་བསྟན་པ་རྣམས་ཀྱང་ངོ༌། །ཡི་གེ་ཡང་དག་པར་བརྗོད་པའི་ཡུལ་གང་རྣམས་ལ་གསལ་བར་མ་བསྟན་པའི་རིགས་རྣམས་ལ་ནི་དབྱངས་ཀྱི་མིང་ཅན་པཱུ་ཏ་སྟེ་དབྱངས་དེ་རྣམས་ཀྱི་ཕ་རོལ་དུ་ཐ་མལ་པའི་ངོ་བོ་ཉིད་དུ་
གནས་པར་འགྱུར་ཏེ། ཨ་གཙྪ་བྷོ་དེ་བ་དཏྟ྅ ཨ་ཏྲ། ཀྱེ་ལྷ་སྦྱིན་འདིར་ཤོག །ཨུཏྟིཥྛ་བྷོ་ཡ་ཛྙཱ་དཏྟ྅ ཨི་ཧ། མཆོད་སྦྱིན་འདིར་སྡོད། རྒྱང་མ་ནས་འབོད་པ་དང༌། གླུ་ལེན་པ་དང༌། ངུ་བ་རྣམས་ལ་ཡང་བླུ་ཏ་སྟེ། དེ་རྣམས་འཇིག་རྟེན་པ་ལ་གྲགས་པ་རྣམས་སོ། །འདི་ནི་བགྲོད་དཀའ་བའི་སེང་གེའི་འགྲེལ་པ་ལས་མཚམས་སྦྱོར་གསུམ་པ་རྫོགས་སོ།། །།སྡེ་ཚན་དང་པོ་རྣམས་ཀྱི་ཚིག་མཐའ་རྣམས་ལ་དབྱངས་དང་དབྱངས་དང་འདྲ་བ་རྣམས་ལ་གསུམ་པ་རྣམས་ལའོ། །སྡེ་ཚན་རྣམས་ཀྱི་དང་པོའི་ཚིག་གི་མཐའ་ཅན་རྣམས་ལ་དབྱངས་དང་དབྱངས་དང་འདྲ་བ་རྣམས་ལ་གསུམ་པ་ཐོབ་པར་འགྱུར་ཏེ། ཝཱ་ཀྲ་ཨ་ཏྲ་ལས། ཝཱ་ག་ཏྲ། འདིར་ངག །ཥཊ྄ གཙྪ་ཏི་ལས། ཥཌྒཙྪ་ཏི། དྲུག་འགྲོ་བར་བྱེད། སྡེ་ཚན་གྱི་དང་པོའི་རིའི་ཕྱིར་སྨོས་ཤེ་ན། བྷ་ཝཱ་ན་ཨཱ་ཧ། བྷ་ཝཱ་ནཱ་ཧ། ཁྱོད་སྨྲ། ཚིག་གི་མཐའ་ཅན་ཅིའི་ཕྱིར་སྨོས་ཤེ་ན། ས་ཀ་ནཱི་ཡཾ། ཀ་དབུས་སུ་བྱུང་བའོ། །དབྱངས་དང་དབྱངས་དང་འདྲ་བ་ཅིའི་ཕྱིར་སྨོས་ཤེ་ན། ཝཱཀྶྟུ་ཏ། སྨྲ་བ་ངན་པ། ཥཊ྄། ཀུཪྺནྟི། ལྔ་པ་ལ་ལྔ་པའམ་ཡང་ན་གསུམ་པ་རྣམས་ལའོ། །སྡེ་ཚན་རྣམས་ཀྱི་དང་པོའི་ཚིག་གི་མཐའ་རྣམས་ལ་ལྔ་པའི་ཕ་རོལ་དུ་ལྔ་པ་འཐོབ་སྟེ་ཡང་ན་གསུམ་པར་རོ། །ཝཱདྨ་ཏི། ཝཱགྨ་ཏི། ངག་གི་བློ་གྲོས། ཥཎྨུ་ཁཱ་ནི། ཥཌྨུ་ཁཱ་ནི། གདོང་དྲུག་རྣམས། ཏནྣ་ཡ་ནཾ། ཏདྣ་ཡ་ནཾ། དེའི་མིག །ཏྲིཥྚུམྨི་ནོ་ཏི། ཏྲིཥྚུཔྨི་ནོ་ཏི། གསུམ་བསྔགས། ཚིག་གི་མཐའ་ལ་དྷུཊ྄ ལ་དང་པོ་ཡིན་ན། དྲི་ཤནྣ་ཡ་ནཾ། རྡོ་འདྲེན། ཛྙཱ་ན་བྷུནྣཱ་ཐཿ་ཡེ་ཤེས་རྟོགས་པའི་མགོན། རྣམ་པར་གཞག་པ་རྣམ་པར་བཤད་པའི་རྐྱེན་སྦྱོར་བ་ལ་རྟག་ཏུ་ལྔ་པར་བཤད་དོ། །ཝཱདྨ་ཡཾ། ངག་གི་རང་བཞིན། ཡམྨཱ་ཏྲཾ། ཇི་ཙམ། སྡེ་ཚན་དང་པོ་རྣམས་ལས་ཤ་ཡིག་ནི་དབྱངས་དང་ཡ་དང་བ་དང་ར་རྣམས་ཕ་རོལ་མ་ཡིན་ན་ཡང་ན་ཚའི་ཡི་གེའོ། །སྡེ་ཚན་གྱི་དང་པོ་རྣམས་ལས་ཚིག་གི་མཐའི་ཕ་རོལ་དུ་ཤའི་ཡི་གེ་དབྱངས་དང་ཡ་དང་བ་དང་ར་རྣམས་ཕ་རོལ་ལ་ཚའི་ཡི་གེར་ཡང་ན་འགྱུར་རོ། །བཱཀྪུའ་ར། ཝཱཀྴཱུ་ར། དཔའ་བོའི་དག །ཥདྪྱཱ་མ། ཥཊྵྱ་མ། སྔོ་བསངས་དྲུག །ཏཙྪྭེ་ཏཾ། ཏཏྵྭེ་ཏཾ། དཀར་པོ་དེ། ཏཙྪྲི་ཏཾ། ཏྲཙྵྲི་ཏཾ། དེ་ལ་བརྟེན། ཏྲྀཥྚུཔྪྲུ་ཏཾ། ཏྲྀཥྚུཔྴྲུ་ཏཾ། གསུམ་བསྔགས་ཉན། སྡེ་ཚན་གྱི་དང་པོ་རྣམས་ལས་ཞེས་ཅིའི་ཕྱིར་སྨོས་ཤེ་ན། པྲཱདྴེ་ཏེ། དང་པོར་ཉལ་བ། དབྱངས་
དང་ཡ་དང་ཝ་དང་རའི་ཕ་རོལ་དུ་ཞེས་པ་ཅིའི་ཕྱིར་སྨོས་ཤེ་ན། ཝཱཀྵླ་ཀཥྞཱ། ངག་འཇམ་པོ། །ཏཙྴྨ་ཤཱ་ནཱཾ། དེ་དུར་ཁྲོད་རྣམས་ཀྱི། ཤླཀྵའི་ལ་གཞན་ལ་སྣ་ལྡན་དུ་ཡང་འདོད་དོ། །དེ་རྣམས་ལས་ཧ་ཡིག་ལ་ནི་ཡང་ན་སྔོན་མའི་བཞི་པའོ། །དེ་རྣམས་དེ་བཞིན་དུ་སྡེ་ཚན་གྱི་དང་པོ་རྣམས་ལས་ཚིག་གི་མཐའ་ལ་ཕ་རོལ་དུ་ཧའི་ཡི་གེ་ནི་སྔོན་མའི་བཞི་པར་ཡང་ན་ཐོབ་སྟེ། ཝཱཀྑཱ་ནཿ་ཝཱགྷཱ་ནཿ་ངག་འཇོམས། ཨཛྫྷ་ལཽ། ཨཛྷ་ལཽ། རའི་གཤོལ། ཥཌྜྷ་ལཱ་ནི། ཥཌྷ་ལཱ་ནི། གཤོལ་དྲུག །ཏདྡྷི་ཏཾ། ཏདྷི་ཏཾ། དེ་ཕན། ཀ་ཀུཔྦྷཱ་སཿ། ཀ་ཀུབྷཱ་སཿ་ཕྱོགས་སྣང༌། ཅིའི་ཕྱིར་ཧ་ཡིག་སྨོས་ཤེ་ན། ཏཏྐྲི་ཏཾ། དེ་རྣམས་ལས་ཞེས་བཟུང་བས་དབྱངས་དང་ཡ་དང་ཝ་དང་རའི་ཕ་རོལ་མི་འཇུག་པའི་དོན་ནོ། །དེ་བས་ན་ངག་འཇོམས་པ་ལ་སོགས་པ་དེ་ཉིད་ཅེས་ཏེ། འདིར་གསུམ་པ་རྣམ་པར་གཅད་པའི་དོན་ནོ། །ཏའི་ཡི་གེ་ནི་ཕ་རོལ་གྱི་གཟུགས་སུ་སྟེ། ལ་དང་ཙ་དང་ཊའི་སྡེ་ཚན་རྣམས་ལའོ། །ཏ་ཡིག་ནི་ཚིག་གི་མཐའ་ལ་ལ་དང་ཙ་དང་ཊའི་སྡེ་ཚན་རྣམས་ལ་ཕ་རོལ་གྱི་གཟུགས་སུ་ཐོབ་སྟེ། ཏལླུ་ནཱ་ཏི། དེ་གཅོད། ཏཙྩ་ར་ཏི། དེ་འགྲོ། ཏཙྪཱ་ད་ཡ་ཏི། དེ་འགེབས། ཏཛྫ་ཡ་ཏི། དེ་རྒྱལ་བར་བྱེད། ཏཛྫྷ་ཥ་ཡ་ཏི། དེའི་ཉ། ཏཉྙ་ཀཱ་རེ་ཎ། ཉ་ཡིག་དེས། ཏཊྚཱི་ཀཱ་ཏེ། དེ་འབྱེད། ཏྛྛ་ཀཱ་རེ་ཎ། ཋ་ཡིག་དེས། ཏཌྜི་ནཾ། དེ་འཕུར། ཏྜྜྷོ་ཀ་ཏེ། དེ་འབུལ། ཏཎྞ། ཀཱ་རེ་ཎ། ཎ་ཡིག་དེས། ཚིག་གི་མཐའ་ལ་དྷུཊ྄ དང་པོ་ལ་ཡིན་ན། ཏཛྫ་ཡཿ་དེ་རྒྱལ་བ། དྲ་ཤལླེ་ཁ། རྡོའི་རེ་ཁ། ཛྙཱ་ན་བུཊྚཱི་ཀ་ན་མི་ཏི། ཡེ་ཤེས་རྟོགས་པའི་ཊཱི་ཀཱ་ཞེས། ལ་དང་ཙ་དང་ཊའི་སྡེ་ཚན་རྣམས་ལ་ཅིའི་ཕྱིར་སྨོས་ཤེ་ན། ཏཏྤ་ཙ་ཏི། དེ་འཚོད་བར་བྱེད། ཙཾ་ཤེ།། །།ཤ་ལ་ཙའོ། །ཏ་ཡིག་ཚིག་མཐའ་ལས་ཕ་རོལ་དུ་ཤ་ལ་ཙར་འཐོབ་སྟེ། ཏཙྴཱུ་ཀྵྨཿ། ཏཙྴྨ་ཤཱ་ནཾ། འདིར་ཤ་ཚ་མ་ཡིན་པའི་ཕྱོགས་ཀྱི་ཚིག་གོ །ང་ཎ་ན་རྣམས་ལ་ཐུང་ངུ་ཉེ་བར་གནས་བའི་དབྱངས་གཉིས་སོ། །ང་དང་ཎ་དང་ན་ཚིག་གི་མཐའ་རྣམས་ལ་སྔོན་མའི་ཉེ་བ་ཐུང་ངུ་རྣམས་ལ་ཕ་རོལ་དབྱངས་གཉིས་སུ་འགྱུར་ཏེ། ཀྲུདད་ཏྲ། ཀྲུདད་ཏཽ་སྟེ། འདིར་འགྲོ། སུ་གཎྞ་ཏྲ། བ་ཙནྣ་ཏྲ། འདིར་འཚེད། ང་ཎ་ན་ཅིའི་ཕྱིར་སྨོས་ཤེ་ན། ཀི་མ་ཏྲ། ཚིག་གི་མཐའི་ཅིའི་ཕྱིར་སྨོས་ཤེ་ན། བྲི་ཏྲ་ཧ་ཎཽ། ལྷ་མིན་གསོད་པ་དག །ཉེ་བའི་ཐུང་ངུ་ཅིའི་ཕྱིར་
སྨོས་ཤེ་ན། པྲཱ་ངཱསྟི། དང་བོར་ཡོང༌། ནའི་མཐའ་ཅན་ནི་ཙ་དང་ཚ་དག་ལ་ཤ་ཡིག་སྟེ་རྗེས་སུ་དབྱངས་ནི་སྔོན་མ་ལའོ། །ན་ཡིག་ཚིག་མཐའ་ལ་བྱུང་ན་ཙ་དང་ཚ་དག་གི་ཕ་རོལ་དུ་ཤ་ཡིག་ཏུ་འཐོབ་སྟེ་རྗེས་སུ་དབྱངས་སྔོན་མ་ལའོ། །བྷ་ཝཱཾ་ཤྩ་ར་ཏི། ཁྱོད་སྤྱོད། བྷ་ཝཱཾ་ཤྪཱད་ཡ་ཏི། ཁྱོད་འགེབས། བྷ་ཝཾ་ཤྩྱ་ཝ་ཏེ། ཁྱོད་འཇིག །བྷ་ཝཱཾ་ཤྪྱ་ཝ་ཏེ། ཚུ་ང་ག་ཏཽ། ཡང་ན་རྣམ་པར་གཞག་པ་དྲན་པའི་ཕྱིར། པ་ཤྲཱ་ནཱ་ཙ་ར་ཏི། དེ་ལྟར་གནས་པ་ཡང་ངོ༌། །དེ་བཞིན་དུ་གཞན་ལ་ཡང་ངོ༌། །དེ་ཉིད་མཐའ་དང་བྲལ་བ་ཞེས་པ་ནི། ཏྭཾ་ཏ་ར་སི། ཁྱོད་སྒྲོལ་བར་བྱེད། ཊ་དང་ཋ་དག་ལ་ཥ་ཡིག་གོ །ན་ཡིག་གི་ཚིག་མཐའ་ཅན་ལ་ཊ་དང་ཋ་དག་ལ་ཕྱི་མ་ལ་ཥ་ཡིག་ཏུ་འཐོབ་སྟེ། རྗེས་སུ་དབྱངས་སྔོན་མ་ལའོ། །བྷ་ཝཱཾ་ཥྚཱི་ཀ་ཏེ། ཐིག་ལེའམ་འགྲེལ་པ། བྷ་བཱཾ་ཥྛ་ཀ་རེ་ཎ། ཋ་ཡིག་གིས། ཏ་དང་ཐ་དག་ལ་ས་ཡིག་གོ །ན་ཡིག་གི་ཚིག་མཐའ་ཅན་ལ་ཏ་དང་ཐ་དག་ལ་ཕྱི་མ་དག་ལ་ས་ཡིག་ཏུ་འཐོབ་སྟེ། རྗེས་སུ་དབྱངས་སྔོན་མ་ལའོ། །བྷ་ཝཱཾ་སྟཱ་ར་ཏི། སྒྲོལ་བར་བྱེད། བྷ་ཝཱཾ་སྠུ་ཌ་ཏི། སྡེར་མ། པུཾ་སྐོ་ཀི་ལཿ་ཁུ་བྱུག་ཕོ། པུཾ་སླལ་ནཾ། སྐྱེས་བུ་མ་རུངས་པ། པུཾ་ཤྩ་ཀོ་ར། བྱ་ཙ་ཀོ་ར། པུཾཥྩྪ་ཏྲཾ། པུཾཥྚིཊྚ་བྷཿ། བྱ་ཊིཌྜ་བྷ། པུཾ་སྥ་ལ་ནཾ། འབྲས་སོ་བ། པུཾཤྩ་ར་ཏི། སྐྱེས་བུ་ནི་ཤིཊ་མ་ཡིན་པ་དབྱངས་མེད་པའི་ཡུལ་ལ་སྦྱོར་བའི་མཐའ་ལ་དབྱི་བར་མ་ངེས་པའི་ཕྱིར། ཇི་ལྟར་ཐོབ་པ་ཙམ་མོ། །ཤི་ཊ་མ་ཡིན་པ་ནི་ཅིའི་ཕྱིར་ན་པུཾ་ཤ་རཿ་དེ་ཤི་ཊཱའོ།། །།ལ་ལ་ལའོ། །ན་ཡིག་ཚིག་མཐའ་ཅན་ལ་ཕ་རོལ་ལ་ལར་འཐོབ་བོ། །རྗེས་དབྱངས་དང་བྲལ་བ་སྟེ། བྷ་ཝཱལླུ་ནཱ་ཏི། གཅོད་པར་བྱེད། བྷ་ཝལླེ་ཁ་ཏི། འདྲི། རྗེས་དབྱངས་ཀྱི་བྱེད་པ་དང་བྲལ་བའི་ཕྱིར་རོ། །ཛ་ཛྷ་ཉ་ཤའི་ཡི་གེ་རྣམས་ལ་ཉ་ཡིག་གོ །ན་ཡིག་ཚིག་མཐའ་ཅན་ནི་ཛ་ཛྷ་དང་ཉ་དང་ཤ་རྣམས་ལ་ཉ་ཡིག་ཏུ་འཐོབ་བོ། །བྷ་ཝཱཉྫ་ཡ་ཏི། བྷ་ཝཱ་ཉྫྷ་ཥ་ཡ་ཏི། བྷ་ཝཱཉྙ་ཀཱ་རེ་ཎ། བྷ་ཝཱ་ཉྴེ་ཏེ། ཉལ། ཤེ་ལ་ཉ་ཡིག་སྟེ། ཚིག་གི་དབུས་ལ་ཙ་དང་ཊའི་སྡེ་ཚན་རྣམས་བསྟན་པ་ཞེས་པ་ནི་ཛ་ཛྷ་ཉ་ཤའི་ཡི་གེ་རྣམས་ལ་ཉ་ཡིག་ཏུ་སྒྲུབ་པ་ཡིན་ནོ། །ཤ་ལ་ཡང་ན་ན་དང་ཙའོ། །ན་ཡིག་ཚིག་མཐའ་ལ་ཕ་རོལ་ཤ་ཡིག་ལ་ཡང་ན་ན་དང་ཙར་འཐོབ་སྟེ། བྷཝཱཉྴཱུ་རཿ། བྷ་བཱཉྩྪཱུ་རཿ། བྷ་ཝཱཉྴ་ཡ་ནཾ། བྷ་ཝཱཉྪ་ཡ་ནཾ།
ཀུརྦཉྴཱུ་རཿ། ཀུརྦཉྩྪཱུ་རཿ། པྲ་ཤཱཉྩྴ་ཡ་ནཾ། པྲ་ཤཱཉྩྪ་ཡ་ནཾ། ཉལ་གན་ཉིད་དུ་འགྲོ་བ་མ་ཡིན་ནོ། །རྗེས་དབྱངས་སྡེ་ཚན་གྱི་མཐའི་དེ་ཉིད་ཡིན་ནོ། །ཡང་ན་འདིར་སྡུད་པ་ལའོ། །ཌ་ཌྷ་ཎ་ཕ་རོལ་ལ་ཎ་ཡིག་གོ །ཌ་དང་ཌྷ་དང་ཎ་རྣམས་ཕ་རོལ་ལ་ཎ་ཡིག་ཏུ་འཐོབ་སྟེ། བྷ་ཝཱཎྜི་ནཾ། བྷ་ཝཱཎྜྷོ་ཀ་ཏེ། བྷ་ཝཎྞ་ཀཱ་རེ་ཎ། ཏུའི་སྒྲས་ཡང་ན་མི་འཇུག་པའི་དོན་ནོ། །མ་ནི་གསལ་བྱེད་ལ་རྗེས་སུ་དབྱངས་སོ། །མ་ཡིག་ནི་སླར་ཡང་མཐའ་ལ་རྗེས་སུ་དབྱངས་འཐོབ་སྟེ། གསལ་བྱེད་ཕ་རོལ་ལའོ། །ཏྭཾ་ཡ་སི། ཁྱོད་སོང༌། ཏྭཾ་ར་མ་སེ། དགའ། མཐའ་ཅིའི་ཕྱིར་སྨོས་ཤེ་ན། ག་མྱ་ཏེ། འགྲོ་བར་བྱ། ཅིའི་ཕྱིར་རྗེས་སུ་དབྱངས་སྨོས་ཤེ་ན། མིང་སྔོན་དུ་འགྲོ་བ་ཅན་གྱི་ཆོ་ག་རྟག་ཏུ་མ་ཡིན་ཏེ། ས་མྲཱ་ཏཱ། སྨྲཱ་ཇཽ།། །།སྡེ་ཚན་དེ་ལ་སྡེ་ཚན་དེའི་ལྡ་པར་ཡང་ན་རུང་ངོ༌། །རྗེས་དབྱངས་ནི་མཐའ་ལ་ཕ་རོལ་གྱི་སྡེ་ཚན་ལ་ལྔ་པར་ཡང་ན་འཐོབ་སྟེ། ཏྭཾ་ཀ་རོ་ཥི། ཁྱོད་ཀྱིས་བྱེད། ཏྭདྐ་རོ་ཥི། ཏྭཾ་ཙ་རོ་སི། སྡེ་ཚན་ཅིའི་ཕྱིར་སྨོས་ཤེ་ན། ཏྭཾ་ལུནཱ་སི་ཞེས་པ་ནི་བགྲོད་པར་དཀའ་བའི་སེང་གེའི་འགྲེལ་པ་ལས་མཚམས་སྦྱོར་བཞི་པ་རྫོགས་སོ།། །།ཚེག་གྲག་ནི་ཙ་དང་ཚུལ་ཤའོ། །རྣམ་པར་གཅད་པ་ནི་ཕ་རོལ་ཙ་དང་ཚ་དག་ལ་ཤ་ཡིག་ཏུ་འཐོབ་སྟེ། ཀཤྩ་ར་ཏི། ཀ་ཤྪཱ་ད་ཡ་ཏི། ཊ་དང་ཋ་ལ་ཥའོ། །རྣམ་པར་གཅད་པ་ཕ་རོལ་ཊ་དང་ཋ་དག་ལ་ཥ་ཡིག་ཏུ་འཐོབ་སྟེ། འམ་གྱི་སྒྲ་ནི་སོ་སོ་རེ་རེ་བ་དང་བསྡུ་བའི་དོན་ནོ། །ཀཥྚཱི་ཀ་ཏེ། ཀཥྛ་ཀཱ་རེ་ཎ། ཏ་དང་ཐལ་སའོ། །ཚེག་དྲག་ནི་ཕ་རོལ་དུ་ཏ་དང་ཐ་ལ་ས་ཡིག་ཏུ་འཐོབ་སྟེ། ཀསྟ་ར་སྟི། ཀསྠཱུ་ལ་ཡ་ཏི། ཀཱ་ར་སྐ་རཱ་ད་ཡཿཞེས་པ་ལ་སོགས་པའི་སྒྲ་འཇིག་རྟེན་ལ་གྲུབ་པའོ། །ཀ་དང་ཁ་དག་ལ་ཡང་ན་ལྕེའི་རྩ་བ་ཅན་ནོ། །ཚེག་དྲག་ནི་ཕ་རོལ་དུ་ཀ་དང་ཁ་དག་ལ་ཡང་ན་ལྕེའི་རྩ་བ་ཅན་འཐོབ་སྟེ། ཀ་ཀ་རོ་ཏི། ཀཿ་ཀ་རོ་ཏི། གང་བྱེད། ཀ་ཁ་ན་ཏི། ཀཿ་ཁ་ན་ཏི། གང་རྐོ་བར་བྱད། པ་དང་ཕ་དག་ལ་ཡང་ན་མཆུ་ཅན་ནོ། །ཚེག་དྲག་ནི་ཕ་རོལ་དུ་པ་དང་ཕ་དག་ལ་མཆུ་དང་ལྡན་པ་སྟེ། ཡང་ན་མ་ཡིན་ནོ། །ཀ་ཉྤ་ལ་ཏི། ཀཿ་ཕ་ལ་ཏི། འབྲས་བུ་གང་བྱེད། ཀ་བཾ་ཙ་ཏི། གང་ཚེ་དང་རྣམ་པར་གཞག་པ་རྣམ་པར་བཤད་པའི་དབྱངས་མེད་པ་ཕ་རོལ་ཤིཊ་ལ་ཤ་ལ་སོགས་པ་རྣམས་ལ། པུ་རུཥཿ་ཏྶ་རུ་ཀཿ། སྐྱེས་བུའི་རལ་གྲིའི་ཡུ་བ། ཝཱ་སཿ་ཀྵོ་མཾ། ཟར་མའི་གོས།
ཨདྦྷིཿ་པྶཱ་ཏཾ། ཆུ་འདོད་པ། ཤ་དང་ཥ་དང་ལ་ཕ་རོལ་གྱི་གཟུགས་ལ་ཡང་ནའོ། །ཚེག་དྲག་གི་ཕ་རོལ་དུ་ཥ་དང་ས་རྣམས་ལ་ཕ་རོལ་གྱི་གཟུགས་སུ་ཡང་ན་འཐོབ་སྟེ། ཀཤྴེ་ཏེ། ཀཿ་ཤེ་ཏེ། གང་ལ་ཉལ། ཀཥྵ་ཎ་ཌེ། ཀཿ་ཥ་ཎ་ཌེ། ཟ་མ་གང༌། ཀསྶཱ་དྷུཿ། ཀཿ་སཱ་དྷུཿ། གང་ལེགས། ཙ་ཊ་ཉིད་ཅེས་པའི་བྱེད་བ་མེད་པས་རྣམ་པར་གཅད་བྱ་བསྒྲུར་བ་ནི་སྒྲ་མེད་ལ་དང་པོར་འགྱུར་བ་མ་ཡིན་ནོ། །ཚེག་དྲག་དབྱངས་མེད་པ་ལ་དང་པོའོ་ཞེས་ཀུན་ནས་བསྟན་པར་མི་འགྱུར་ཏེ། ཀཤྩར་ཏི་ཞེས་པ་ལ་སོགས་པ་རྣམས་ལ་ཡང་དེ་ལྟ་བུ་ཉིད་དོ། །ཨ་ཡིག་དག་གི་དབུས་སུ་ཨུའོ། །ཨ་ཡིག་གཉིས་ཀྱི་དབུས་སུ་ཚེག་དྲག་ནི་ཨུར་འཐོབ་སྟེ། ཀོ྅ཏྲ། ཀོ྅རྠཿ། སླར་ཡང་འདིར་ཞེས་པ་ནི་རང་བཞིན་ཕ་རོལ་ཉིད་ཀྱི་ཕྱིར་ར་ཡིག་ཡིན་ནོ། །ཨ་དང་དབྱངས་དང་འདྲ་བ་དག་ལས་ཀྱང་ངོ༌། །ཨ་ཡིག་དང་དབྱངས་འདྲ་བ་དག་གི་དབུས་སུ་ཚེག་དྲག་ཨུར་འཐོབ་སྟེ། ཀོ་གཙྪ་ཏི། གང་འགྲོ་བར་བྱེད། དབྱངས་དང་མི་འདྲ་བ་ཅི་ལྟ་བུ་ཞེ་ན། ཀཿ་ཤེ་ཏེ། གང་ལ་ཉལ། །ཨའི་ཕ་རོལ་དུ་དབྱི་བའམ་ཡང་ན་དབྱངས་གཞན་ལ་ཡའོ། །ཨ་ཡིག་ལས་ཕ་རོལ་དུ་ཚེག་དྲག་དབྱི་བའམ་གཞན་དུ་བཤད་པའི་དབྱངས་ལ་ཡང་ན་ཡ་རུ་འཐོབ་སྟེ། ཀ་ཨི་ཧ། ཀ་ཡི་ཧ། ཀ་ཨུ་པ་རི། ཀ་ཡུ་པ་རི། ཨའི་ཕ་རོལ་ཅིའི་ཕྱིར་སྨོས་ཤེ་ན། ཨགྣིར་ཏྲ་འམ་ནི་འདིར་བསྡུ་བ་སྟེ། འདིར་ཡ་ཡིག་ནི་ཅུང་ཟད་མཆོག་ཏུ་གསལ་བའོ། །ཨཱ་དང་བྷོ་དག་ལས་དབྱངས་ལ་ཇི་ལྟ་བ་དེ་བཞིན་ནོ། །ཨཱ་ཡིག་དང་བྷོའི་སྒྲ་དག་ལས་ཕ་རོལ་དུ་ཚེག་དྲག་དེ་དེ་བཞིན་དུ་སྟེ་ཕ་རོལ་གྱི་དབྱངས་ལའོ། །དེ་ཝཱ་ཨཱ་ཧུཿ། དེ་ཝཱ་ཡཱ་ཧུཿ། བྷོ་ཨ་ཏྲ། བྷོ་ཡ་ཏྲ། བྷོ་ཞེས་པ་ནི་བོད་པའི་ཚིག་གི་ཨོའི་མཚན་ཉིད་དོ་ཞེས་པ་འགའ་ཞིག་གོ །དེས་ན། བྷ་གོ་ཨ་ཏྲ། བྷ་གོ་ཡ་ཏྲ། ཨ་གྷོ་ཨ་ཏྲ། ཨ་གྷོ་ཡ་ཏྲ། ཨ་ཡིག་ལས་ཅུང་ཟད་མཆོག་ཏུ་གསལ་བར་བྱས་པའོ། །ཨོ་ཡིག་ཀྱང་ཅུད་ཟད་མཆོག་ཏུ་གསལ་བའོ། །དེ་དེ་བཞིན་ནོ་ཞེས་གཟུང་བ་ནི་རྟག་ཏུ་དབྱི་བ་བཀག་པའི་འདམ་ཀ་ཅན་ནོ། །དབྱངས་དང་འདྲ་བ་ལ་དབྱིའོ། །ཨཱ་ཡིག་དང་བྷོའི་སྒྲ་དག་ལས་ཕ་རོལ་དབྱངས་དང་འདྲ་བ་ལ་ཕ་རོལ་དུ་ཚེག་དྲག་དབྱི་བ་འཐོབ་སྟེ། དེ་ཝཱ་ག་ཏཱཿ། བྷོ་ཡཱ་སི། བྷ་གོ་བྲ་ཛ། ཨ་གྷོ་ཡ་ཛ། དྲང་སྲོང་མཆོད། དབྱི་བ་བཟུང་བ་ནི་ཡ་བ་ཞེས་པ་མི་
འཇུག་པའི་དོན་ནོ། །ནཱ་མའི་ཕ་རོལ་དུ་རའོ། །ནཱ་མི་ཅན་གྱི་ཕ་རོལ་དུ་ཚེག་དྲག་རར་འཐོབ་སྟེ་ལྟོས་པ་མེད་པར་རོ། །སུ་པཱིཿ། སུ་ཏྲཱུཿ་ཚིག་འདི་ཨི་རཱུ་རོའི་དོན།། །།དབྱངས་དང་འདྲ་བ་དང་དབྱངས་ཀྱི་ཕ་རོལ་དུའོ། །ནཱ་མི་དང་ལྡན་པའི་ཕ་རོལ་དུ་ཚེག་དྲག་དབྱངས་དང་འདྲ་བ་དང༌། དབྱངས་ཀྱི་ཕ་རོལ་དུ་ར་རུ་འཐོབ་སྟེ། ཨགྣིརྒ་ཏཿ། ཨགྣི་ར་ཏྲ། པ་ཊ་རྦ་ད་ཏི། པ་ཊུར་ཏྲ།། །།རང་བཞིན་གྱི་ར་ནི་ནཱ་མི་མ་ཡིན་པའི་ཕ་རོལ་དུ་ཡང་ངོ༌། །རང་བཞིན་གྱི་ར་ཡིག་གི་ཚེག་དྲག་ནི་ནཱ་མིའི་ཕ་རོལ་ལམ་ནཱ་མིའི་མ་ཡིན་པའི་ཕ་རོལ་དུ་དབྱངས་དང་མི་འདྲ་བ་དང་དབྱངས་དང་འདྲ་བའི་ཕ་རོལ་དུ་ཡང་རར་འཐོབ་སྟེ། གཱིརྦ་ཏིཿ། གཱིཿ་པ་ཏིཿ། དྷུརྦ་ཏིཿ། དྷཱུཿ་པ་ཏིཿ། དབྱངས་དང་དབྱངས་དང་འདྲ་བ་རྟག་ཏུ་སྟེ། པི་ཏ་ར་ཏྲ། པི་ཏ་རྻ་ཏཿ། ར་ཡིག་མ་ཡིན་པའི་རང་བཞིན་དུ་ཡིན་ཡང༌། ཧེ་པྲ་ཙེ་ཏཱཿ་རཱ་ཛན྄ ཧེ་པྲ་ཙེ་ཏོ་རཱ་ཛན་ཞེས་སོ། །ཨུ་ཥརྦུ་དྷཿ། ཨ་ཧྣ་རེ་ཕ་མ་ཡིན་པ་ལས་ཏེ། ཨ་ཧརྦ་ཏིཿ། ཨ་ཧཿ་པ་ཏིཿ། ཨ་ཧ་རྒ་ཎཿ། ཨ་ཧ་ར་ཏྲ། ར་ཡིག་ལ་ནི། ཨ་ཧོ་ར་ཏྲཿ་ཨ་ཧོ་རུ་པཾ། །ཨེ་ཥ་དང་ས་དག་གི་ཕ་རོལ་དུ་གསལ་བྱེད་ལ་སྦྱིའོ། །ཨེ་ཥ་དངས་དག་ལས་ཕ་རོལ་དུ་ཚེག་དྲག་དབྱི་བར་བྱའོ། །ཕ་རོལ་གསལ་བྱེད་ལའོ། །ཨེ་ཥ་པ་ཙ་ཏི། བ་ཌི་ཀ་སྟེ། ཨེ་ཥ་ཤ་སྟི། ས་བ་ཙ་ཏི། ཕྱི་མ་ལས་སྔོན་མ་ལ་སྒྲུབ་པ་བཀག་པའོ། །ཨ་པའི་དབང་དུ་བྱས་པ་ལས་ཡང་ན་རང་བཞིན་དུ་གཟུང་བའི་ཕྱིར་རོ། །ཨེ་ཥ་ཀཿ་ཀ་རོ་ཏིཿ་ས་ཀཿ་ཀོ་རོ་ཏི། ཨ་མེ་ཥོ་གཙྪ་ཏི། དེ་མི་འགྲོ་ཨ་ཀྲ་དང༌། ནཉའི་བསྡུ་བ་ལ་ཚེག་དྲག་དབྱི་བར་མི་འགྱུར་རོ། །ཚེག་དྲག་ཕྱིས་ནས་སླར་ཡང་མཚམས་སྦྱོར་པ་མེད་དོ། །ཚེག་དྲག་དབྱི་བར་བྱས་ནས་སླར་ཡང་མཚམས་སྦྱོར་བར་འགྱུར་བ་མ་ཡིན་ནོ། །གཞན་དུ་དབྱི་བར་བྱས་པ་འདི་ལྟ་བུ་སྟེ། ཀ་ཨི་ཧ། དེ་ཝཱ་ཨཱ་ཧུ། བྷོ་ཨ་ཏྲ། ཚེག་དྲག་གི་སྐབས་སུ་སླར་ཡང་ཚེག་དྲག་སྨོས་པ་ནི་ཚེག་དྲག་ཕྱི་མ་ལ་མི་འཇུག་པའི་དོན་ནོ། །དེས་ན་ཨེ་ཥ་ཙྪ་ཏྲེ་ཎ། རང་བཞིན་གཉིས་སུ་གྲུབ་པོ།། །། ར་ལ་ར་དབྱི་ཞིང༌། དབྱངས་སྔོན་མ་རིང་པོར་འགྱུར་རོ། །ར་ལ་ར་དབྱི་བར་འཐོབ་སྟེ། དབྱི་བར་སྔོན་མ་ཡང་རིང་པོར་འགྱུར་རོ། །ཨགྣཱི་ར་ཐེ་ན། པུ་ནཱ་རཱ་ཏྲི། ཨུཙྪཻ་རཻ་ཏི་མཱ་ཡུ་རཿ་དབྱངས་ལས་ཕ་རོལ་དུ་ཚ་ཡིག་གཉིས་སོ། །དབྱངས་ལས་ཕ་རོལ་དུ་ཚ་ཡིག་ནི་རང་བཞིན་གཉིས་སུ་འཐོབ་
སྟེ། བྲྀཀྵཙྪ་ཡཱ། ཨིཙྪ་ཏི། ཨ་པའི་དབང་དུ་བྱས་པ་ལས་རིང་པོ་ལས་ཚིག་གི་མཐའ་ལ་ཡང་ནའོ། ཀུ་ཊཱིཙྪ་ཡ། ཀུ་ཊཱི་ཚ་ཡཱ། ཨཱ་ང་དང༌། མཱ་ཏ་དག་ལ་རྟག་ཏུ་སྟེ། ཨཱཙྪ་ཡཱ། མཱཙྪ་ད་ཏུཿ། །ཞེས་པ་ནི་བགྲོད་པར་དཀའ་བའི་སེང་གེའི་འགྲེལ་པ་ལས་མཚམས་སྦྱོར་ལྔ་པ་རྫོགས་སོ།། །།ཁམས་དང་རྣམ་པར་དབྱེ་བ་སྤངས་པའི་དོན་དང་ལྡན་པ་ལ་རྟགས་སོ། །བརྗོད་བྱའི་དོན་ལ་ཁམས་དང་རྣམ་པར་དབྱེ་བ་མ་གཏོགས་པ་དོན་དང་ལྡན་པ་ལ་རྟགས་ཞེས་བྱའོ། །བྲྀཀྵཿ་ཀུཎྜཾ། ཀུ་མཱ་རཱི། ཌི་ཐེཿ། རཱ་ཛ་བུ་རུ་ཥ། ཨཽ་པ་གབཿ། ཀཱ་ར་ཀཱ། ཁམས་དང་རྣམ་དབྱེ་སྤངས་བ་ཅིའི་ཕྱིར་སྨོས་ཤེ་ན། ཨ་ཧ་ན། བྲྀཀྵཱན། དོན་དང་ལྡན་བ་ཅིའི་ཕྱིར་སྨོས་ཤེ་ན། བྲྀཀྵ་ཞེས་པའི་པ་རི་ཀ་ཥ་རྣམས་ཀྱི་རེ་རེ་ལ་རྟགས་ཤེས་པར་མི་འགྱུར་རོ། །དེ་བཞིན་དུ་རྒྱལ་པོའི་ཆོས་ལུགས་བསྙོན་པའི་ཚིག་ཅེས་པ་ཡང་ངོ༌། །རྟགས་རབ་ཏུ་བསྟན་བ་ནི་རྟགས་ཀྱི་མཐའ་ལ་ན་ཡིག་དབྱིའོ་ཞེས་བྱ་བ་ལ་སོགས་པ་ལྟ་བུའོ། །དེའི་ཕྱིར། ཕ་རོལ་རྣམས་ལ་རྣམ་དབྱེ་རྣམས་ཏེ། སི། ཨཽ། ཛས་དང་པོ་རྣམས་སོ། །ཨམ། ཨཽ། ཤས་གཉིས་པའོ། །ཊཱ་བྷྱཱཾ། བྷིས་གསུམ་པའོ། །དེ་བྷྱཱཾ། བྷྱས྄ བཞི་པའོ། ང་སི། བྷྱཱཾ། བྷྱས྄ ལྔ་པའོ། །ངས྄། ཨོས྄། ཨཱམ྄ དྲུག་པའོ། །ངི༌། ཨོས། སུཔ྄ བདུན་པའོ། །དེའི་ཕྱིར་དོན་དང་ལྡན་པའི་རྟགས་ལས་ཕ་རོལ་རྣམས་ལ་སི་སོགས་རྣམས་དབྱེ་རྣམས་སུ་འགྱུར་ཏེ། དྲྀ་ཤཏ྄། དྲི་ཤདཽ། དྲྀ་ཤ་དཱཿ། དེ་བཞིན་དུ་ཀུ་མཱ་རཱི། ཀུ་མཱཪྻཽ། ཀུ་མཱརྻཿ་ཁ་ཊྭཱ། ཁ་ཊྭཽ། ཁཊྭཱཿ། དོན་གྱི་རྣམ་པ་འབྱེད་པའི་ཕྱིར་རྣམ་དབྱེ་ཞེས་བརྗོད་པར་བྱའོ།། །།དང་པོ་ལྔ་ནི་གྷུཊ྄འོ། །སི་ལ་སོགས་པའི་རྣམ་དབྱེ་རྣམས་ཀྱིཚིག་དང་པོ་ལྔ་ལ་གྷུཊ྄ ཞེས་བྱ་སྟེ། སི། ཨཽ། ཛས྄། ཨམ྄། ཨཽ་རྣམས་སོ། །གྷུཊ་ཏབ་ཏུ་བསྟན་པས་ནི་གྷུཊ་བོད་པ་ལ་མ་ཡིན་ནོ་ཞེས་པ་ལ་སོགས་པ་ལྟ་བུའོ། །ཛས྄དང་ཤས་ནི་མ་ནིང་ལའོ། །ཛ྄ས་དང་ཤས་དག་ནི་མ་ནིང་གི་རྟགས་ལ་གྷུཊཱི་མིང་ཅན་དུ་འགྱུར་རོ། །སཱ་མཱ་ནི་ཏིཥྛ་ན་ཏི། སཱ་མཱ་ནི་པ་ཤྱ། རིག་བྱེད། མ་ནིང་ལས་ཛས་ཤས་ཁོ་ན་གྷུཊར་ངེས་པའི་ཕྱིར་ཏེ། ཝཱ་རི་ཎཱི། ཛ་ཏུ་ནཱི།། །།བོད་པའི་སི་ནི་སམ་བུདྡྷིའོ།། །།གྲུབ་པ་སྔོན་དུ་བྱེད་པ་ནི་བོད་པའོ། །བསྒྲུབ་བྱ་དེའི་དོན་ལ་སི་ནི་སཾ་བྷུདྡྷིའི་མིང་ཡིན་ཏེ། ཧེ་ཨམྦ། ཧེ་ཨཀྐ། ཧེ་བྲྀཀྵ། སཾ་བུདྡྷི་རབ་ཏུ་བསྟན་པ་ནི་སཾ་བུདྡྷི་ཙ་
ཞེས་པ་ལ་སོགས་པ་ལྟ་བུའོ། །ཨཱ་ག་མ་ནི་ཨུ་རྗེས་སུ་འབྲེལ་པ་སྟེ། མཐའ་ལས་ཕ་རོལ་དུ་དབྱངས་ལས་སོ། །རང་བཞིན་དང་རྐྱེན་དག་ལས་མ་སྐྱེས་པའི་བྱེད་པ་ནི་ཨཱ་ག་མར་བརྗོད་པར་བྱ་སྟེ། ཨཱ་ག་མ་ནི་ཨུ་དང་རྗེས་སུ་འབྲེལ་པ་སྟེ། མཐའ་ལས་ཕ་རོལ་དུ་དབྱངས་ལས་སོ། །ཡོངས་སུ་བཤད་བ་ལ་སྟེ། པདྨཱ་ནི། པ་ཡཱཾ་སི། ཅིའི་ཕྱིར། ཨཱ་ག་མ་སྨོས་ཤེ་ན། བི་དྱུ་ཏྭཱན྄། ཨུ་དང་རྗེས་སུ་འབྲེལ་པ་ནི་ཨཱ་ག་མའི་རྟགས་སོ།། །།གསུམ་པ་ལ་སོགས་པ་ནི་ཕ་རོལ་གྱི་དང་པོ་ལའོ། །ཨུ་དང་རྗེས་སུ་འབྲེལ་པའི་ཨཱ་ག་མ་ནི་གསུམ་པ་ལ་སོགས་པའི་རྣམ་དབྱེ་ཕ་རོལ་གྱི་དང་པོ་ལ་སྟེ། སརྦ་སྱཻ། སརྦེ་ཥཱཾ། བྲིཀྵཱ་ཎཱཾ། ཏུའི་སྒྲ་ནི་གསུམ་པའི་དང་པོའི་སྐབས་སུ་མི་འཇུག་པའི་དོན་ནོ། །ཨི་དང་ཨུ་ནི་ཨགྣིའོ། །ཨི་ཡིག་དང་ཨུ་ཡིག་ནི་ཨགྣིའི་མིང་ཅན་ཏེ། ཨགྣིཿ། བ་ཊཱུཾ། ཅིའི་ཕྱིར་ཨི་ཨུ་སྨོས་ཤེ་ན། སེ་ནཱ་ནྱཱཾ། ཡ་བ་ལྭཾ། ཨགྣི་རབ་ཏུ་བསྟན་པ་ནི། ཨགྣི་ལ་ཨ་མའི་ཨ་ཡིག་གོ་ཞེས་པ་ལ་སོགས་པ་ལྟ་བུའོ།། །། ཨཱིཏ་ཨཱུཏ་མོར་བཤད་པ་ལ་ན་དཱིའོ།། །།ཨཱི་དང་ཨཱུ་ཞེས་པ་དེ་དག་མོར་བཤད་པ་ལ་ནཱ་དཱི་མིང་དག་ཏུ་འགྱུར་ཏེ། ན་དྱཻ། བདྷྭཻ། ཏ་ཕ་རོལ་དུ་བྱེད་པ་ནི། ཐེ་ཚོམ་མེད་པའི་དོན་ནོ། །ཅིའི་ཕྱིར་མོ་སྨོས་ཤེ་ན། སེ་ནཱ་ནྱེ། ཡབ་ལྭེ་ན་དཱི་རབ་ཏུ་བསྟན་པ་ནི་ནདྱཱ་ཨཻ་ཨཱས། ཨཱས་ཨཱམ་ཞེས་པ་ལྟ་བུའོ། །ཨཱ་ནི་ཤྲདྡྷཱའོ། །ཨ་ཡིག་མོར་བཤད་པ་གང་ཡིན་པ་དེ་ཤྲདྡྷཱའི་མིང་ཅན་ཡིན་ཏེ། ཤྲདྡྷཱ། མཱ་ལཱ། ཅིའི་ཕྱིར་མོ་སྨོས་ཤེ་ན། ཀཱི་ལཱ་ལ་པཱཿ། ཤྲདྡྷཱ་ལས་སི་དབྱིའོ་ཞེས་པ་ལ་སོགས་པ་ལྟ་བུའོ། །མཐའ་ལས་སྔོན་མ་ནི་ཨུ་པ་དྷཱའོ། །རྟགས་སམ་ཁམས་ཀྱི་མཐའ་ལས་ཡི་གེ་གང་སྔོན་མའི་ཡི་གེ་དེ་ཨུ་པ་དྷཱའི་མིང་ཅན་ཡིན་ཏེ། རཱ་ཛ་ནའི་ཨ་ཡིག་དང༌། བྷི་ཏིའི་ཨི་ཡིག་དང༌། བྲྀ་ཏའི་རྀ་ཡིག་སྟེ། རཱ་ཛཱ། བྷེཏཱ། ཝརྟ་ཏེ། ཨུ་པ་དྷཱ་རབ་ཏུ་བསྟན་པ་ནི་ཨའི་ཨུ་པ་དྷཱ་རིང་པོར་འགྱུར་ཞིང་ནཱ་མི་ལ་འཕེལ་བའོ་ཞེས་པ་ལ་སོགས་པ་ལྟ་བུའོ།། གསལ་བྱེད་རྣམས་ལས་ན་ནི་ཨ་ནུ་ཥཾ་གའོ། །རྟགས་སམ་ཁམས་ཀྱི་མཐའ་ལས་གསལ་བྱེད་ལས་སྔོན་མའི་ན་ཡིག་གང་ཡིན་པ་དེ་ཨ་ནུ་ཥཾ་གའི་མིང་ཅན་ཡིན་ཏེ། བི་དུ་ཥཿ་ཤྲ་སྱ་ཏེ། ཟག་པ། ཅིའི་ཕྱིར་ན་སྨོས་ཤེ་ན། ཨཱུརྒ་བྷྱཱཾ་སྟོབས་དག་ལས་ཨུཔྫ་བ་ལེ། ཨ་ནུ་ཥཾ་ག་རབ་ཏུ་བསྟན་པ་ནི་ཨ་ནུ་ཥཾ་ག་ནི་ཡང་གྲུཉྩ་མ་ཡིན་པ་ལའོ་ཞེས་པ་ལ་སོགས་པ་
ལྟ་བུའོ།། །།དྷུཊ་ནི་གསལ་བྱེད་ལ་མཐར་གནས་དང་སྣ་ལྡན་སྤངས་པའི་གསལ་བྱེད་རྣམས་ནིདྷུཊ྄ མིང་ཅན་ཡིན་ཏེ། པ་ཡཱཾ་སི། ཨ་བཀྟ། དེ་རིང་འཚེད། ཅིའི་ཕྱིར་མཐར་གནས་དང་སྣ་ལྡན་མ་ཡིན་པ་སྨོས་ཤེ་ན། ཙ་ཏྭཱ་རི། ཨ་མཾ་ཏ། དེ་རིང་ཤེས། དྷུ་ཊ་རབ་ཏུ་བསྟན་བ་ནི་དྷུཊ྄ ཡང་དྷུཊ྄ ལའོ་ཞེས་པ་ལ་སོགས་པ་ལྟ་བུའོ། །ཨ་ཡིག་རིང་པོར་འགྱུར་ཏེ་དབྱངས་དང་འདྲ་བ་ལའོ། །ཨ་ཡིག་གི་རྟགས་ཀྱི་མཐའ་ལ་དབྱངས་དང་འདྲ་བའི་རྣམ་དབྱེ་ལ་རིང་པོར་འཐོབ་སྟེ། ཨཱ་བྷྱཱཾ། བྲྀཀྵཱ་ཡ། བིཀྵཱ་ཎཱཾ། ཅིའི་ཕྱིར་དབྱངས་དང་འདྲ་བ་སྨོས་ཤེ་ན། བྲྀཀྵཱཿ་ཛས་ལ་ཡང་ངོ༌།། ཨ་ཡིག་གི་རྟགས་ཀྱི་མཐའ་ལ་ཕ་རོལ་ཛས་ལ་ཡང་རིང་པོར་འཐོབ་སྟེ། བྲྀཀྵཱཿ་ཨ་ཡིག་དབྱི་བ་འཐོབ་བོ་ཞེས་པའི་ཚིག་གོ །ཤས་ལ་ཡང་སྟེ། ས་ནི་ཡང་ནའོ། །ཨ་ཡིག་གི་རྟགས་མཐའ་ལ་ཕ་རོལ་ཤས་ལ་རིང་པོར་འཐོབ་སྟེ། ས་ནི་ཡང་ན་རུ་འགྱུར་རོ། །བྲྀཀྵཱན྄། སཱ་ར་སཱན། ཅིའི་ཕྱིར་ན་སིལ་སོགས་པའི་དབང་དུ་བྱས་ཤེ་ན། ཨལ྄ པ་ཤཿ། སྟོ་ཀ་ཥ། ཏ་དྷི་ཏི་ཤ་སྲའོ། །ཨ་ཡིག་དབྱིའོ། །རྣམ་དབྱེའི་རྟགས་ཀྱི་ཨ་ཡིག་དབྱི་བ་འཐོབ་སྟེ། ཨ་ཡིག་སྤྱི་བཏང་ལའོ། །བྲྀཀཱཾཿ། ཡུཥྨཏ། ཡཿ། སཿ། ཨུ་ཤ་ནཱ། །བྷིས྄ ནི་ཡང་ན་ཨི་སུའོ། །ཨ་ཡིག་གི་མཐའི་རྟགས་ལས་ཕ་རོལ་དུ་བྷིས྄ ཨཻས྄ སུ་ཡང་ན་འགྱུར་ཏེ། བྲིཀྵཻཿ་ཡང་ནའི་སྒྲས་ཕྱོགས་གཞན་མཚོན་པར་བྱེད་པ་སྟེ། བྷིས་སམ་ཡང་ན་ཨཻས྄འོ། །ཨཻ་ས྄འི་བྱེད་པ་ནི། ཨ་ཏི་ཛ་རས་ལ་སཻཿཞེས་འགའ་ཞིག་ཏུའོ། །དྷུཊ་ལ་མང་པོ་ལ་ཨེ་ཉིད་དོ། །ཨ་ཡིག་གི་རྟགས་ཀྱི་མཐའ་ལ་མང་པོའི་ཚིག་ལ་དྷུཊ྄འི་ཕ་རོལ་དུ་ཨེ་ཡིག་ཏུ་འགྱུར་ཏེ། ཨེཥུ། བྲྀཀྵེ་བྷྱཿ་ཕ་རོལ་གྱི་ཨེ་ཉིད་དུ་འགྱུར་རོ། །ཅིའི་ཕྱིར་དྷུཊ་སྨོས་ཤེ་ན། བྲྀཀྵཱ་ཎཱཾ། ཏུའི་སྒྲས་རྣམ་པར་བཤད་པ་མི་འཇུག་པའི་དོན་ནོ། །ཨོས྄ ལ་ཡང་ངོ༌། །ཨ་ཡིག་གི་རྟགས་ཀྱི་མཐའ་ལས་ཕ་རོལ་ཨོས྄ ལའང་ཨེ་ཡིག་ཏུ་འགྱུར་ཏེ། བྲྀཀྵ་ཡོཿ།། །།ང་སི་ནི་ཨཱཏའོ།། ཨ་ཡིག་གི་མཐའི་རྟགས་ལས་ཕ་རོལ་ང་སི་ལ་ཨཱཏ྄ དུ་འགྱུར་ཏེ། བྲྀཀྵཱཏྲ། རིང་པོར་བརྗོད་པ་ལས་ཨ་ཏི་ཛར་སཱཏ྄། ངས྄ ནི་སྱའོ། །ཨ་ཡིག་གི་མཐའི་རྟགས་ལས་ཕ་རོལ་ངས་ལ་སྱ་རུ་འགྱུར་ཏེ། བྲྀཀྵ་སྱ།། །།ཊཱ་ནི་ཨི་ནའོ། །ཨ་ཡིག་གི་མཐའི་རྟགས་ལས་པཧ་རོལ་གྱི་ཊཱ་ནི་ཨི་ནར་འགྱུར་ཏེ།
བྲྀཀྵེ་ཎ། ཊཱ་ཨི་ནར་བྱས་ན་འགྲུབ་མོད་དེ། ཨི་ན་དང་པོ་བརྗོད་པས་ཡི་ན་དེ་ཉིད་ཇི་ལྟ་བ་བཞིན་དུ་འགྱུར་ཏེ། དེ་ཡིས་ཨ་ཏི་ཛ་ར་སི་ན་ཀུ་ལེ་ན། སོ་སོར་སྦྱར་བས་བྱིས་པ་རྣམས་ཀྱིས་རྟོགས་པར་སླ་བའི་ཕྱིར་རོ། །དེ་ལ་ནི་ཡའོ། །ཨ་ཡིག་གི་མཐའི་རྟགས་ལས་ཕ་རོལ་གྱི་དེའི་ཚིག་ལ་ཡར་ཀུན་ནས་བསྟན་ཏེ། བྲྀཀྵཱ་ཡ།། །།སྨཻ་ནི་མིང་ཐམས་ཅད་པ་ལའོ། །ཨ་ཡིག་གི་མཐའ་ལས་མིང་ཐམས་ཅད་པའི་རྟགས་ལས་ཕ་རོལ་དེའི་ཚིག་ལ་སྨཻརུ་འགྱུར་ཏེ། སཪྺ་སྨཻ། བི་ཤྭསྨཻ། ཐམས་ཅད་རྣམས་ཀྱི་རཱ་མ་ཞེས་ཅིའི་ཕྱིར་སྨོས་ཏེ། བི་ཤྭའི་མིད་ལ་འགའ་ཞིག་ཏུ་བི་ཤྭ་རེམ་པ་ལས་འདས་ཏེ། བི་ཤྭཱ་ཡཿ། ཨ་ཏི་བི་ཤྭཱ་ཡ། ཏཱི་ཡ་ལ་གཉིས་སུ་བརྗོད་པར་བྱ་སྟེ། དྭི་ཏཱི་ཡསྨཻ། དྭི་ཏཱི་ཡཱ་ཡ། ཏྲི་ཏཱི་ཡསྨཻ། ཏྲི་ཏཱི་ཡཱ་ཡ་མིང་ཐམས་ཅད་པ་དེ། གང་ཞེ་ན། སཪྺ། བི་ཤྭ། ཨུ་བྷ། ཨུ་བྷ་ཡ། ཨནྱ། ཨནྱ་ཏ་ར། ཨི་ཏ་ར། ཀ་ཏ་ར། ཀ་ཏ་ར། ཨུཏྟ་མ། བྲིཏའོ། །ཏྭ། ནེ་མ། ས་མ། སི་མ། པཱུརྦ། པ་ར། ཨ་ཝར། དཀྵི་ཎ། ཨུཏྟ་ར། ཨ་བ་ར། ཨ་དྷ་ར་ཎི་རྣམས་ནི་རྣམ་པར་གཞག་པའི་མིང་མེད་པའོ། །གཞན། མཆོག །གཞན། གཞན། ཕྱི་མ་མཆོག །འཇུག་པ། ཉིད། དུས། མཚུངས་མཚམས། རང་གི་ཉེ་དུ་མ་ཡིན་པ་ནོར་བཤད་པ་ལ་ནང་དང་ཕྱི་རོལ་སྦྱོར་བ་ལ་ཨུ་བ་དང་སཾ་དང་མི་ཟད་པ་འདི་དག་སྟེ། བྲྀ་ཏའོ། །ཏྱད྄། ཏད྄། ཡད། ཨ་དས྄། ཨི་དམ྄། ཨེ་ཏཏ྄། ཨེ་ཀ །ཀི །མ། དྭི། ཡུཥྨད། ཨསྨད། བྷ་བནྟའོ།། །།ང་སི་ནི་སྨཱཏ྄འོ། །ཨ་ཡིག་གི་མཐའ་ཅན་སཪྺ་ནཱ་མའི་རྟགས་ལ་ཕ་རོལ་དུ་ང་སི་ནི་སྨཱཏ་ཏུ་འགྱུར་ཏེ། སཪྺ་སྨཱཏ྄། བི་ཤྭ་སྨཱཏ྄། ཅིའི་ཕྱིར་ཨའི་མཐའ་ཅན་སྨོས་ཤེ་ན། བྷཝ་ཏཿ།། །།ངི་ནི་སྨིན྄འོ། །ཨ་ཡིག་གི་མཐའ་ཅན་མིང་ཐམས་ཅད་པའི་རྟགས་ལས་ཕ་རོལ་དུ་དི་ནི་སྨིན་དུ་འགྱུར་ཏེ། སཪྺ་སྨིན྄། བི་ཤྭ་སྨིན། ཅིའི་ཕྱིར་ན་མིང་ཐམས་ཅད་པ་སྨོས་ཤེ་ན། སྨྲ་དེ་ཤེདྱ་ཛ་ཏི། ཡུལ་མཉམ་དུ་མཆོད་པར་བྱེད། པཱུརྦ་ལ་སོགས་པ་ལ་རྣམ་པར་དབྱེ་བ་སྟེ། པཱུརྦ་ལ་སོགས་པའི་སྡེ་ཚན་ལས་ཕ་རོལ་དུ་ང་སི་དང་ངི་དག་གི་གནས་ལ་སྨཱཏ྄ དང་སྨིན་དག་ཏུ་བྱེ་བྲག་ཏུ་བཤད་པར་བྱ་སྟེ། བྱེ་བྲག་རྣམ་པར་བཤད་པ་འཐོབ་པ་ནི། པཱུརྦ་སྨཏ྄། པཱུརྦ་སྨིན྄། པཱུརྦ་སྨིན྄། པཱུརྦེ། ཏཱི་ཡ་ལ་གཉིས་སུ་བརྗོད་པར་བྱ་སྟེ། དྭི་ཏཱི་ཡ་སྨཱཏ྄། དྭི་
ཏཱི་ཡཱ་ཏ྄། དྭི་ཏཱི་ཡ་སྨིན། དྭི་ཏཱི་ཡེ། ཏྲི་ཏཱི་ཡ་སྨཱཏ྄། ཏྲི་ཏཱི་ཡཱཏ྄། ཏྲ་ཏཱི་ཡཱ་སྨིན། ཏི་ཏཱི་ཡེ།། །།ཨཱམ྄ ལ་སུ་ནི། ཨཱམ་ལ་སྟེ་མིང་ཐམས་ཅད་པ་ལའོ། །མིང་ཐམས་ཅད་པའི་རྟགས་ལས་ཨཱི་ཡི་གེ་མཐའ་ལས་མིང་ཐམས་ཅད་པ་ལ་ཕ་རོལ་དུ་ཨམ་ལ་སུ་ཨཱ་ག་མར་འགྱུར་ཏེ། སཪྺེ་ཥཱཾ། བི་ཤྭེ་ཥཱཾ། ཡཱ་སཱཾ། ཨུ་ཡིག་ནི་ཕ་རོལ་གྱི་དང་པོ་ཉིད་ལའོ་ཞེས་པའི་དོན་ནོ། །ཚིག་སོ་སོར་བཤད་པ་སྨོས་པ་ལས། དྭཱཾ། ཡུ་ཝཱཾ།། །།ཛས་ཐམས་ཅད་ལས་ཨཱིའོ། །གཟུང་བ་ལས་སཪྺ་ནཱ་མའི་རྟགས་ལས་པ་རོལ་དུ་ཛས་ནི་སཪྺ་ལ་ཨིའོ། །ཡ་ཡིག་གི་མཐའ་ལས་སཪྺ་ནཱ་མེའི་རྟགས་ལས་ཕ་རོལ་དུ་ཛས་ནི་ཐམས་ཅད་པ་ལ་ཨིར་འགྱུར་ཏེ། སཪྺེ། བི་ཤྭེ། ཅིའི་ཕྱིར་ཨ་ཡིག་གི་མཐའ་ལས་ཞེས་སྨོས་ཤེ་ན། སཪྺཱཿ།། །།ཨལྤ་ལ་སོགས་པ་ལ་ཡང་ནའོ། །ཨལྤ་ལ་སོགས་པའི་སྡེ་ཚན་ལས་ཕ་རོལ་དུ་ཛས྄ ལ་ཐམས་ཅད་པ་ལ་ཨིར་འགྱུར་ཏེ་ཡང་ནའོ། །ཨལྤེ། ཨལྤཱཿ། པྲ་ཐ་མེ། པྲ་ཐ་མཱཿ་ཙ་ར་མེ། ཙ་ར་མཱཿ། ཨུ་བྷ་ཡེ་ཞེས་པ་རྟག་ཏུ་བཤད་དོ། །ཨལྤ། པྲ་ཐ་མ། ཙ་ར་མ། ཏ་ཡ། ཨ་ཡ། ཀ་ཏི་པ་ཡ། ནེ་མ། ཨརྡྷ། པཱུརྦ་ལ་སོགས་པ་རྣམས་སོ།། །།ཟླས་དབྱེ་བའི་གནས་ལ་ཡང་ངོ༌། །ཟླས་དབྱེ་བའི་གནས་ལས་ཀྱང་མིང་ཐམས་ཅད་པའི་རྟགས་ལས་ཕ་རོལ་དུ་ཛས་ནི་ཐམས་ཅད་པ་ལ་ཨིར་ཡང་ན་འགྱུར་ཏེ། ཀ་ཏ་རེ། ཀ་ཏ་རཱཿ་ཀ་ཏ་མེ། ཀ་ཏ་མཱཿ་དུ་ཞིག །དནྟ་ཀ་ཏ་མེ། དནྟ་ཀ་ཏ་མཱཿ། །ཨནྱ་ལ། །སཪྺ་ནཱ་མི་ལྟར་མ་ཡིན་ནོ། །ཙ་ཡིག་རྗེས་སུ་འཇུག་པ་སྟེ། ཟླས་དབྱེ་བའི་སཪྺ་ནཱ་མིའི་རྟགས་སུ་བཤད་པ་ལས་གཞན་ལས་སཪྺ་ནཱ་མིའི་བྱ་བ་མ་ཡིན་ཏེ། པཱུརྦཱ་པ་རཱ་ཡ། པཱུརྦཱ་པ་རཱ་ཏ། དཀྵི་ཎོ་ཏཏ་ར་པཱུརྦཱ་ཎཱྀ། །གསུམ་པའི་བསྡུ་བ་ལ་ཡང་ངོ༌། །གསུམ་པའི་བསྡུ་བའམ་བསྡུ་བ་མ་ཡིན་པ་ལ་ཡང་བཤད་པ་ལས་གཞན་དུ་མིང་ཐམས་ཅད་པའི་བྱ་བར་མི་འགྱུར་ཏེ། མཱ་སེ་ན་པཱུརྦཱ་ཡ། མཱ་སེ་ན་པཱུརྦཱཿ། མཱ་སེ་བ་རཱཿ་གྲགས་པའི་ཕྱིར་མིང་ཐམས་ཅད་པ་ཉིད་ཀྱི་བསྡུ་བ་ལ་འདིར་ཨ་སྟེ། ཏྭ་ཡཀྵ་ཀྲྀ་ཏཾ། མ་ཡ་ཀཱ་ཀྲྀ་ཏཾ། །འབྲུ་མང་པོ་པ་ལ་ཡང་ངོ༌། །འབྲུ་མང་པོ་པ་ལ་བསྡུ་བ་དང༌། བསྡུ་བ་མ་ཡིན་པ་ལ་ཡང་བཤད་པ་ལས་གཞན་དུ་མིང་ཐམས་ཅད་པའི་བྱ་བ་མ་ཡིན་ཏེ། ཏྭ་ཏ་ཀ་པི་ཏྲྀ་ཀོ། །མ་ཏ་ཀ་པི་ཏྲྀ་ཀཿཨ་ཀ་མ་ཡིན་ཏེ། ཀ་བྲ་ཏྱ་ཡའོ། །བྶྟནྟ་རཱཿ། བ་ས་ནཱ་ནྟ་རཿ། གཙོ་བོ་མ་ཡིན་པའི་ཕྱིར་ཟླས་དབྱེ་བའི་
གནས་ལས་ཞེས་པ་ནི་འདམ་ཀ་ཅན་དུ་མི་འགྱུར་རོ། །ཕྱོགས་ལ་ཡང་ནའོ། །ཕྱོགས་ཀྱི་འབྲུ་མང་པོ་པའི་བསྡུ་བ་ལ་གཞན་དུ་བཤད་པ་ཡང་མིང་ཐམས་ཅད་པའི་བྱ་བ་མ་ཡིན་ཏེ། ཨཱུཏྟ་ར་པཱུརྦཱ་སྱཻ་ཨུཏྟ་ར་པཱུརྦ་ཡཻ། ཕྱོགས་ཀྱི་འབྲུ་མང་པོ་པ་ཅིའི་ཕྱིར་སྨོས་ཤེ་ན། དཀྵི་ཎ་པཱུརྦ་ཡཻ། མུགྡྷཱ་ཡཻ། ལྐུགས་པ། །ཤྲདྡྷཱ་ལ་སིདྦྱིའོ། །ཤྲདྡྷཱའི་མིང་ཅན་ལས་ཕ་རོལ་གྱི་སི་དབྱི་བ་འཐོབ་སྟེ། །ཤྲདྡྷཱ། མཱ་ལཱ། ཤྲདྡྷཱ། ཅིའི་ཕྱིར་སྨོས་ཤེ་ན། སོ་མ་པཱཿ་ང་སི་རཱ་ཏདུ་བྱས་པ་ནི་ཛ་རཱ། ཛ་རས་སུ་འགྱུར་རོ། །ཊཱ་དང་ཨོས྄ དག་ལ་ཨེའོ། །ཊཱ་དང་ཨོས྄ ཕ་རོལ་དག་ལ་ཤྲདྡྷཱ་ལས་ཨེ་ཉིད་དུ་འགྱུར་ཏེ། ཏུ་ལ་ཡཱ་ཏུ་ལ་ཡོཿ།། །།སཾ་བུདྡྷི་ལ་ཡང་ངོ༌། །ཤྲདྡྷཱ་ལས་སཾ་བུདྡྷཱིའི་བོད་པ་ལ་ཨེ་ཉིད་དུ་འགྱུར་ཏེ། ཧེ་ཤྲདྡྷེ། ཧེ་མཱ་ལེ། ཐུང་ངུའི་ཨམྦཱའི་དོན་ལའོ། །ཨམྦཱའི་དོན་རྣམས་ཀྱི་ཐུང་ངུ་ལ་ཤྲདྡྷའི་མིང་ཅན་ཏེ་སཾ་བྷུདྡྷི་ལའོ། །ཧེ་ཨམྦ། ཧེ་ཨཀྐ་།མ། ཨ་ལས་ཨམྦའི་དོན་རྣམས་ཀྱི་ཞེས་ཏེ་གྲུབ་མོད་ཀྱི། ཐུང་བ་ཞེས་པའི་མིང་མངོན་དུ་འགྲོ་བས་ནི་བདེ་བླག་ཏུ་རྟོགས་པའི་ཕྱིར་རོ། །དབྱངས་མང་པོ་ཉིད་ལས་ཌ་དང་ཨི་ཀྲ་དང་ལྡན་པ་ལ་མ་ཡིན་ཏེ། ཧེ་ཨམྦ་ཌེ། ཧེ་ཨམྦ་ལེ། ཧེ་ཨ་མཱི་ཀེ། །ཨཽ་ནི་ཨཱིའོ། །ཤྲདྡྷཱ་ལས་ཕ་རོལ་གྱི་ཨཽ་ནི་ཨཱིར྄ འཐོབ་སྟེ། ཤྲདྡྷེ། མཱ་ལེ། །སྒྲའི་བསྟན་བཅོས་ཆ་བསགས་ཀྱི་མདོའི་འགྲེལ་པ་ལོ་ཙཱ་བ་ཆེན་པོ་གྲགས་པ་རྒྱལ་མཚན་གྱིས་ཇི་སྙེད་བསྒྱུར་བ་རྫོགས་སོ།།