སུ་ཁ་དེ་བས་གྲུབ་པ་ཐོབ་པའི་གཏམ་རྒྱུད།
ན་མོ་ལོ་ཀེ་ཤྭ་རཱ་ཡ། སྔོན་རྒྱ་གར་ལྷོ་ཕྱོགས་སུ་བསྟན་པ་དར་པའི་ཆེ། གྲོང་ཁྱེར་ཆེན་པོ་ཅིག་ན་ཚོང་དཔོན་གྱི་བུ་སུ་ཁ་དེ་བ་ཞེས་པས་ལོངས་སྤྱོད་ཐམས་ཅད་རང་གིས་ཆུད་གསན་ནས་ཤིན་ཏུ་སྡུག་བསྔལ་ཞིང་ཡོད་པ་ན། །ཡུལ་དེར་བུད་མེད་ཅིག་ཚད་པས་ཐེབས་ཏེ་ཙནྡན་གོ་ཤིཪྵ་མིན་པས་གསོ་མི་ནུས་ལ་དེ་ཡང་མ་རྙེད་དེ་སྨན་པ་ཐམས་ཅད་ཀྱིས་བོར་རོ། །དེར་ཚོང་དཔོན་གྱི་བུ་དེས་དྲིས་བས་ཙནྡན་ན་དེ་རྙེད་ནས་སོས་ན་བུ་མོ་སྟེར་ཞེས་ཟེར་རོ། །དེར་ཕ་མེས་ཀྱི་ཡི་དམ་གོ་ཤིཪྵ་ལས་བྱས་པའི་ཐུབ་པའི་སྐུ་ཅིག་ཡོད་པ་བདར་ཏེ་ནང་དུ་བཏང་ཞིང་ཕྱིར་བྱུགས་པས་སོས་སོ། །དེ་གཉིས་ལྷན་ཅིག་གནས་པ་ན་བུད་མེད་དེས་དེ་ལ་འདི་ལྟ་བུའི་ལས་བྱེད་པ་གཉིས་ཀ་དམྱལ་བར་སྐྱེའོ་ཞེས་སྤྱོས། །དེར་ཚོང་དཔོན་གྱི་བུ་དེ་དེ་དང་ཉེ་བའི་གཙུག་ལག་ཁང་ཅིག་ཏུ་པཎྜི་ཏ་ཅིག་ལ་ཡི་གེ་དྲུག་པ་ཞུས་ནས་བུད་མེད་ཀྱིས་གཡོག་བྱས་ནས་གཉིས་ཀའི་དོན་དུ་ལོ་བཅུ་གཉིས་བསྒྲུབས་པས་རྨི་ལམ་དུ་ཞལ་གཟིགས་ཏེ་བོ་ཊ་ལར་འདེངས་ཞེས་གསུང་ངོ༌། །ཁོས་བདག་འགྲོ་སྟེ་སློབ་དཔོན་ལ་འདྲི་དགོས་ཞེས་བྱས་སོ། །སད་པ་དང་སློབ་དཔོན་དང་གཡོག་ལ་དྲིས་པས་དེ་དེང་ཀྱི་དྲིན་ཡིན་པས་མི་འཁྲིད་ན་མི་ཕན་ཞེས་བྱས་པས། ཡང་སྒྲུབ་པ་ཡུན་རིང་དུ་བྱས་ཏེ་བཅོམ་ལྡན་འདས་བྱོན་ནས་གསུམ་ཆར་པོ་ཊ་ལར་ཁྲིད་དོ། །སུ་ཁ་དེ་བས་སྨྲས་པ། ལྟོས་ཤིག་སྔགས་ཀྱི་ནུས་པ་དག །ཕྲ་བའི་ལྷ་ཡང་གྲུབ་པ་ཐོབ། །བྱ་བ་ཐམས་ཅད་ཡོངས་སྤོངས་ལ། །སྔགས་ཀྱི་བྱ་བ་སྒྲུབ་པར་གྱིས། །ཞེས་གསུངས་ནས་པོ་ཊ་ལར་གཤེགས་སྐད། སུ་ཁ་དེ་བས་གྲུབ་པ་ཐོབ་པ། པཎྜི་ཏ་བི་ན་ཡ་ཤྲཱིས་བསྒྱུར་བའོ།། །།